Nobiembre 30, 2009 [Lunes]
Esther 7, 8
Obadiah 1
Hebreo 3, 4, 5
Disiembre 1, 2009 [Martes]
Esther 9
Jonah 1
Hebreo 6, 7
Disiembre 2, 2009 [Mierkules]
Job 1, 2
Jonah 2, 3
Hebreo 8, 9
Disiembre 3, 2009 [Huebes]
Job 3, 4
Jonah 4
Hebreo 10
Disiembre 4, 2009 [Biernes]
Job 5
Micah 1
Hebreo 11
Disiembre 5, 2009 [Sabado]
Job 6, 7
Micah 2
Hebreo 12
Nasantoan a Mabasa Ita nga Aldaw, Disiembre 6, 2009 [Domingo]
Umuna- Naadaw iti Libro ni Job 8
Maikdua- Naadaw iti Libro ti Micah, Kapitolo 3 ken 4
Ti Nasantoan nga Ebanghelio, naadaw iti Surat ni San Pablo kadagiti Hebreo 13
Panagserbi a Makaay-ayo iti Dios
Ituloyyo ti agiinnayat a kas agkakabsat ken Cristo. Laglagipenyo a pasangbayen dagiti sangsangaili kadagiti balbalayyo, ta adda dagiti nagpadagus a dida nailasin nga angheles dagiti sinangailida. Laglagipenyo dagiti adda iti pagbaludan, a kasla naibaludkay met. Laglagipenyoo dagiti agsagsagaba, a kasla agsagsagabakayo met.
Nadayaw koma ti matrimonio kadagiti amin a tattao, ket masapul nga agtalinaed a sipupudno ti maysa ken maysa kadagiti agassawa: ta ukomento ti Dios dagiti immoral ken makikamalala.
Dikay agagum iti kuarta. Mapnekkayo koman iti adda kadakayo. Ta kuna ti Dios: "Dikanto panawan, dikanto baybay-an." Isut gapuna a sitatalgedtayo nga agkuna: "Ti Apo ti tumulong kaniak. Diakto agbuteng. Awan ti mangan-ano kaniak."
Laglagipenyo dagiti immun-una a panguloyo a nangipakaammo iti sao ti Dios kadakayo. Panunotenyo no kasano ti panagbiag ken ipapatayda, ket tuladenyo ti pammatida. Ni Jesu-Cristo isu met laeng idi kalman, ita ken iti agnanayon. Dikay payaw-awan kadagiti amin a kita ti datdatlag a panursuro. Nasayaat a mapapigsa ti puso babaen ti parabur ti Dios a saan ket ti babaen ti panagtungpal kadagiti alagaden maipapan iti taraon; ta awan ti imbag a naitedda kadagiti nagtungpal kadagitoy.
Awan kalintegan dagiti papadi nga agserserbi iti tabernakulo dagiti Judio a manga kadagiti naidaton iti altartayo. Ti Kanatoan a Padi dagiti Judio ipanna ti dara dagiti animal iti kasasantoan a Disso tapno idatonna a maipaay iti basol; ngem mapuoran ti bagi dagiti animal iti ruar ti kampo. Daytoy ti gapuna a natay met ni Jesus iti ruar ti siudad tapno ugasanna dagiti tattao kadagiti basbasolda babaen ti mismo a darana. Mapantayo ngarud kenkuana iti ruar ti kampo ket sagabaentayo met ti pannakaibabainna. Ta awan ti permanente a siudadtayo ditoy daga. Segseggaantayo ketdi ti siudad nga umayto. Ngarud babaen ken Jesus, ipaaytayo a kanayon iti Dios ti daton ti panagdaydayaw a daton nga agtaud iti bibig a mangipaduyakyak iti naganna. Diyo liwayan ti agaramid iti naimbag ken ti agtitinnulong, ta dagitoy ti daton a makaay-ayo iti Dios.
Agtulnogkayo kadagiti panguloyo ket tungpalenyo dagiti bilinda, ta dida agsarday a mangaywan kadagiti kararuayo, kas tattao a mangidatagto iti Dios iti pakakitaan iti panagserbida. No agtulnogkayo kadakuada, agtrabahodanto a siraragsak. Ngem no dikay agtulnog kadakuada, agtrabahodanto a silaladingit, ket awan ti maitedna a pagimbaganyo.
Idawdawatandakami, kakabsat. Ammomi a nadalus ti konsensiami agsipud ta kayatmi nga aramiden ti maiparbeng iti amin a tiempo. Yunay-unayko nga idawdawatyo a makasubliak kadakayo iti kabiitan a tiempo.***
______________________________________
No comments:
Post a Comment