 |
| [nabulod ti ladawan] |
Ikantatayo ti Ayatna
ni Rudy Ram. Rumbaoa
[nasurat idi 02/22/2007]
No dadduma,
Ipannatayo ti Dios
Iti lugar a ditay' ammo;
Ket mangrugitayo
Nga agsiddaaw
No daytoy ket paset ti planona.
No dadduma,
Masapul a masaktantayo
Tapno masursuro
Ken lumawa ti pannakaawattayo-
Ti agbalin a nasayaat
A parsua ken rumbeng
A liklikantayo dagiti lugar
A mangirisgo iti kararuatayo.
Pagngata-ngataan
Ti biag no dadduma,
Ken ti dana a pagturongan
Kas man awan patinggana
Ngem ti Dios
Iti amin a kinasiribna,
Ipaayna ti pagsayaatan
Dagiti parsuana.
Ket dinto ipakaammo
Ti Dios dagitoy a plano
Agingga nga adda
Ti init a manglawag iti lubong.
Ti himno a pagdaydayaw...
Ti Dios kayatna nga ikantatayo ti ayatna.
[copyright.february2007byrudyram.rumbaoa]
No comments:
Post a Comment