 |
| [nabulod ti ladawan] |
Napili a Daniw Ita a Lawas
Rikna
ni Rudy Ram. Rumbaoa
[nasurat idi 12.21.08]
Makaay-ayo
Ti naumbi
Ti nalanay
Nga apros
Ket agburayok
Ti regget-tarigag ay
Iti masmanaayan a puso:
Matignay.
Idennep-iliw
Pislen
Agsang-aw a bara
A kas apuy
Ti segga nga agaun
Iti kaunggan
Ket agbusel a kas sabong
Ti lumtog a rikna
Iti pataudenna a ragsak;
Ti karinio ti bibig,
Yegna't sam-it-agek
Balikas: Ayat!
[CR/12.21.08/by.rudy.ram.rumbaoa]
No comments:
Post a Comment