Dagiti Imbaon ni Juan a Mammuniag

Nasantoan a Mabasa:
Marso 19-25, 2012

Marso 19, 2012 [Lunes]
Maika-79 nga Aldaw
Numbers 30
Numbers 31
San Lucas 4: 1-30
Salmo 63: 1-11
Proverbs 11: 20-21

Marso 20, 2012 [Martes]
Maika-80 nga Aldaw
Numbers 32
Numbers 33: 1-39
San Lucas 4: 31-44
San Lucas 5: 1-11
Salmo 64: 1-10
Proverbs 11: 22

Marso 21, 2012 [Mierkules]
Maika-81 nga Aldaw
Numbers 33: 40-56
Numbers 34
Numbers 35
San Lucas 5: 12-28
Salmo 65: 1-13
Proverbs 11: 23

Marso 22, 2012 [Huebes]
Maika-82 nga Aldaw
Number 36
Deuteronomy 1
San Lucas 5: 29-39
San Lucas 6: 1-11
Salmo 66: 1-20
Proverbs 11: 24-26

Marso 23, 2012 [Biernes]
Maika-83 nga Aldaw
Deuteronomy 2
Deutoronomy 3
San Lucas 6: 12-38
Salmo 67: 1-7
Proverbs 11: 27

Marso 24, 2012 [Sabado]
Maika-84 nga Aldaw
Deuteronomy 4
San Lucas 6: 39-49
San Lucas 7: 1-10
Salmo 68: 1-18

Nasantoan a Mabasa Ita nga Aldaw, Marso 25, 2012, Domingo, iti Maika-85 nga Aldaw
Deuteronomy 5
Deuteronomy 6
San Lucas 7: 11-35

Pagungaren ni Jesus ti Anak ti Balo a Babai
-Iti saan a nabayag, napan ni Jesus iti maysa nga ili a managan Nain. Kimmuyog kenkuana dagiti adalanna ken adu a tattao. Idi makaasideg iti ruangan ti ili, apag-isu met a rummuar ti maysa a pumpon. Ti natay isu ti bugbugtong nga anak a lalaki ti maysa a balo a babai a kinuyog ti adu a taga-siudad.

Naasian ti Apo iti makitana ti ina. "Dika agsangit," kinunana kenkuana.

Immasideg ni Jesus, ket iniggamanna ti lungon. Nagsardeng dagiti mangbakbaklay. Kinuna ni Jesus, "Baro, ibagak kenka, bumangonka!"

Natay daydi natay ket nagsao. Inyawat ni Jesus ken ni inana.

Nagbuteng dagiti amin a tattao ket indaydayawda ti Dios. "Nagparanga kadatayo ti maysa a naindaklan a profeta!" kinunkunada. "Sinarungkaran ti Dios dagiti tattaona!"

Nagdinamag ni Jesus iti intero a Judea ken kadagiti kabangibang a dagdaga.

[nabulod laeng ti ladawan a naaramat]

 
Dagiti Imbaon ni Juan a Mammuniag
[Mat 11: 2-19]
-Amin dagitoy, impadamag dagiti adalan ni Juan kenkuana. Inayaban ni Juan ti dua kadakuada ket imbaonna ida iti Apo tapno saludsodenda daytoy, "Sika kadi umay a kuna ni Juan, wenno aguraykami pay iti sabali?"

Idi madanonda ni Jesus, kinunada, "Imbaonnakami ni Juan a Mammuniag tapno saludsodenmi kenka no sika ti kunana nga umay, wenno aguraykami pay iti sabali."

Iti dayta met la nga oras, adu dagiti tattao a pinaimbag ni Jesus kadagiti saksakit ken an-anayenda. Pinaksiatna dagiti dakes nga espiritu. Pinagbalinna a makakita dagiti adu a bulsek.

Kalpasanna, kinuna ni Jesus kadagiti imbaon ni Juan, "Agsublikayo ken ni Juan ket ibagayo kenkuana dagiti nakita ken nangngegyo: mamakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay ken maikasaba ti Naimbag a Damag kadagiti napanglaw. Nagasat ti tao a di agduadua kaniak!"

Idi nakapanawen dagiti imbaon ni Juan, kinuna ni Jesus kadagiti tattao maipapan ken Juan: "Idi mapankayo ken i JUan idiay let-ang, ania ti ninamnamayo a makita? Maysa a runo a gargarawen ti angin? Ania ti napanyo kinita? Maysa a tao a nagkawes iti napintas a pagan-anay? Kinapudnona, palasio ti pagnaedan dagiti agkawes iti kasta ken agbiag a sibubuslon! Ibagayo man kaniak no ania ti napanyo kinita? Maysa a profeta? Wen, ket ibagak kadakayo a nangnangruna pay ngem profeta ti nakitayo. Ta ni Juan ti pakaiturongan ti kuna ti Nasantoan a Surat:

   'Adtoy ti babaonek,' kuna ti Dios;
   ibaonko nga umun-una ngem sika
      tapno isaganana ti dalanmo.'

Ibagak kadakayo a kadagiti amin a nayanak, awan nangnangruna ngem ni Juan. Nupay kasta, natantan-ok ngem isu ti kanumoan iti Pagarian ti Dios."

Dimngeg kenkuana dagiti amin a tattao agraman dagiti agsingsingir iti buis. Tinungpalda ti pagayatan ti Dios babaen ti panangbuniag kadakuada ni Juan. Ngem inumsi dagiti Fariseo ken mamaestro iti Linteg ti panggep ti Dios kadakuada ket dida kinayat ti paabuniagan ken Juan.

"Ania ti pangipadaak kadagiti tattao kadagitoy nga aldaw? intuloy ni Jesus, "Ania ti pakayaspinganda? Kasda la ubbing nga agtutugaw iti tiendaan nga agpipinnukkaw kadagiti kaay-ayamda: 'Nagtokarkami iti naragsak, ngem dikay nagsala; nagkantakami iti naliday, ngem dikay nagladingit.' Immay ni Juan a Mammuniag; nagayunar ken di imminum iti arak, ket kinunayo: 'Linuganan ti demonio!' Immay ti Anak ti Tao; nangnangan ken immin-inum ket kinunayo: 'Kitaenyo daytoy a tao! Narawet ken mammartek. Gayyem dagiti agsingsingir iti buis ken dagiti managbasol! Nupay kasta, maipakita a pudno ti sirib ti Dios gapu kadagiti amin nga umawat iti daytoy."


Salmo 68: 19-35
Proverbs 11: 29-31