Dagiti Taraon a Naidaton kadagiti Didiosen

Nasantoan a Mabasa:
Agosto 6-12, 2012

Agosto 6, 2012 [Lunes]
Maika-219 iti 365 nga Aldaw ti Tawen
Ezra 4: 24
Ezra 5
Ezra 6
1 Corinto 3: 5-23
Salmo 29: 1-11
Pagsasao 20: 26-27

Agosto 7, 2012 [Martes]
Maika-220 iti 365 nga Aldaw ti Tawen
Ezra 7
Ezra 8L 1-20
1 Corinto 4
Salmo 30: 1-12
Pagsasao 20: 28-30

Agosto 8, 2012 [Mierkules]
Maika-221 iti 365 nga Aldaw ti Tawen
Ezra 8: 21-36
Ezra 9
1 Corinto 5
Salmo 31: 1-8
Pagsasao 21: 1-2

Agosto 9, 2012 [Huebes]
Maika-222 iti 365 nga Aldaw ti Tawen
Ezra 10
1 Corinto 6
Salmo 31: 9- 18
Pagsasao 21: 3

Agosto 10, 2012 [Biernes]
Maika-223 iti 365 nga Aldaw ti Tawen
Nehemiah 1
Nehemiah 2
Nehemiah 3: 1-14
1 Corinto 7: 1-24
Salmo 31: 19-24
Pagsasao 21: 4

Agosto 11, 2012 [Sabado]
Maika-224 iti 365 nga Aldaw ti Tawen
Nehemiah 3: 15-32
Nehemiah 4
Nehemiah 5: 1-13
1 Corinto 7: 25-40
Salmo 32: 1-11
Pagsasao 21: 5-7

Nasantoan a Mabasa, Agosto 12, 2012 [Domingo]
Maika-225 iti 365 nga Aldaw ti Tawen
Nehemiah 5: 14-19
Nehemiah 5
Nehemiah 7: 1-72
1 Corinto 8

[Nabulod laeng ti ladawan a naaramat]

 Dagiti Taraon a Naidaton kadagiti Didiosen
-Ita, ti maipapan iti taraon a naidaton kadagiti didiosen. Agpayso ti makunkuna nga "adda amin ammotayo." Nupay kasta, ti pannakaammo patangsitenna ti tao; ngem ti ayat, mangparang-ay. Ti maipagarup nga adda ammona, awan pay ti ammona a kas iti rumbeng a pannakaammona. Ngem ti siasinoman nga agayat iti Dios, ammo ti Dios.

Ngarud, no maipapan iti pannangan iti taraon a naidaton kadagiti didiosen, ammotayo a ti didiosen itakderanna ti banag nga awan ditoy lubong; ammotayo a maymaysa laeng ti Dios. Ta uray no adda dagiti makunkuna a 'didios,' idiay langit wenno ditoy daga- ket talaga nga adu ti 'didios ken adu ti 'appo'- maymaysa ti Diostayo. Isu ti Ama a namarsua iti amin a banag ken pakaigapuan ti panagbiagtayo. Maymaysa met ti Apo nga isu ni Jesu-Cristo. Naparsua ti amin a banag babaen kenkuana ket agbiagtayo babaen kenkuana.

Ngem saan nga ammo ti amin a tao daytoy a kinapudno. Adda dagiti tattao a naiiruam nga agrukbab kadagiti didiosen, ket agpapan ita, no kanenda ti kasta a taraon, ipagarupda nga agpaay kadagiti didiosen. Gapu ta nakapsut ti konsensiada, kunada a natulawanda iti daytoy a taraon. Ngem saannatayo a mayasideg ti taraon iti Dios. Awan mapukawtayo no ditay mangan ken awan met magun-odtayo no mangantayo.

Nupay kasta, agannadkayo amangan no daytoy a wayawayatayo ti mamagbasol kadagiti nakapsut ti pammatina. Ta no makitanaka ti maysa a tao a nakapsut ti konsensiana, sika nga adda 'ammona' a mangmangan iti uneg ti templo dagiti didiosen, saan kadi a mapatured a mangan met iti taraon a naidaton kadagiti didiosen? Gapu iti 'pannakaammom.' madadaelto ti kabsatmo a nakapsut ti konsensiana, ti kabsatmo a nakaigapuan ti pannakatay ni Cristo! Iti kasta, makabasolka ken Cristo ta nagbasolka kadagiti kakabsatmo ket sinugatmo ti nakapsut a konsensiada. Ngarud, no ti taraon ti pakaigapuan ti panagbasol ti kabsatko, pulos a diak agsidan iti karne tapno saan nga agbasol.

Salmo 33: 1-11
Pagsasao 21: 8-10