Sep 24, 2017

Ita Nga Aldaw: Ikkannak

[Nabulod ti ladawan a naaramat]

Ikkannak ti nasalun-at
a panagpanunot, Apo,
tapno naimbag
ken nadalus makitak
a saan nga agayat
iti dakes; ngem agpakumbaba-
makipagragsak.

Ikkannak ti panunot
a saan a maumat' nalaka,
a saan a nalaka
nga umasug ken agdukot;
dinak palubosan
nga agdanag iti nalabes
maipapan ti masansan 
a panagbubukod.

Ikkam met pannakaawat, Apo,
dagiti tao a mangawat kapadasak
ket didak ukomen iti biddut 
iti di nagay-ayatan a naaramid 
tapno magun-odko met 
ti sangkabassit a ragsak 
a mangkita dagiti angaw ti biag!



ikkannak
rudy ram. rumbaoa
wwwtaraontibiag.blogspot.com
[cr]03.18.2007



No comments:

Post a Comment