[Nabulod ti ladawan a nausar]
Ti Pangngarig maipapan kadagiti Sangapulo a Babbalasang
Mateo 25: 1-13
Inton dumteng dayta nga aldaw, mayarig ti Pagarian ti langit iti sangapulo a babbalasang a nangala kadagiti pagsilawanda tapno mapanda sabten ti nobio. Maag ti lima, ket masirib ti dadduma. Intugot dagiti maag ti pagsilawanda ngem awan reserbada a lana. Ngem nangitugot dagiti masirib iti pagkargaan a napno iti lana, malaksid ti adda iti pagsilawanda. gapu ta naladaw ti isasangpet ti nobio, nagtuglep dagiti babbalasang ket nakaturogda.
Iti tengnga ti rabii, adda nagpukkaw: "Addan ti nobio! Umayyo sabtenen!"
Bimmaringkuas dagiti babbalasang ket insaganada ti pagsilawanda.
"Ikkandakami man iti lanayo ta maiddpen ti silawmi," kinuna dagiti maag kadagiti masirib.
"Saan!" insungbat dagiti masirib. "Amangan no awan makaanay a para kadatayo amin. Inkay la gumatangen iti para kadakayo."
Napan ngarud gimmatang dagiti maag iti lana. Ngem bayat ti kaawanda, simmangpet ti nobio.Kimmuyog kenkuana dagiti nakasagana a babbalasang a simrek iti pagbodaan ket naserraan ti ridaw.
Iti saan a mabayag, simmangpet dagiti maag. "Apo, Apo!" kinunada. "Pastrekendakami man."
Ngem saankayo met nga am-ammo!" insungbat ti nobio.
Kamaudiananna, kinuna ni Jesus: "Agsaganakayo ngarud ta diyo ammo ti aldaw wenno oras."
.
.
.
.
.
wwwtaraontibiag.blogspot.com
No comments:
Post a Comment