Taraon Ti Biag...

Maikeddeng a Matay ni Jesus

2012-02-12T11:17:00.000-10:00

Nasantoan a Mabasa:
Pebrero 6- 12, 2012

Pebrero 6, 2012 [Lunes]
Maika-37 nga Aldaw
Exodus 23: 14-33
Exodus 21
Exodus 25
San Mateo 24: 29-51
Salmo 30: 1-12
Proverbs 7: 24- 27

Pebrero 7, 2012 [Martes]
Maika-38 nga Aldaw
Exodus 26
Exodus 27
San Mateo 25: 1-30
Salmo 31: 1-8
Proverbs 8: 1-11

Pebrero 8, 2012 [Mierkules]
Maika-39 nga Aldaw
Exodus 28
San Mateo 25: 31-46
San Mateo 26: 1-13
Salmo 31: 9-18
Proverbs 8: 12-13

Pebrero 9, 2012 [Huebes]
Maika-41 nga Aldaw
Exodus 29
Exodus 30: 1-10
San Mateo 26: 14-46
Salmo 31: 19-24
Proverbs 8: 14-26

Pebrero 10, 2012 [Bierne]
Maika-42 nga Aldaw
Exodus 30: 11-38
Exodus 31
San Mateo 26: 47-68
Salmo 32: 1-11
Proverbs 8: 27-32

Pebrero 11, 2012 [Sabado]
Maika-43 nga Aldaw
Exodus 32
Exodus 33
San Mateo 26: 69-75
San Mateo 27: 1-14
Salmo 33: 1-11
Proverbs 8: 33-36

Nasantoan a Mabasa Ita nga Aldaw, Enero 12, 2012 [Domingo] iti Maika-44 nga Aldaw
Exodus 34
Exodus 35: 1-9
San Mateo 27: 15-31

[nabulod ti ladawan a naaramat]

Maikeddeng a Matay ni Jesus
[Mar 15: 6-15; Luc 23: 13-25; Jn 18: 39- 19: 16]
-Tunggal Fiesta ti Paskua, kadawyan ti gobernador a wayawayaan ti uray siasinoman a balud a dawaten dagiti tattao. Iti dayta a tiempo, adda maysa a balud nga agnagan iti Jesus Barrabas nga agdindinamag iti kinadakesna.

Idi nagguurnong dagiti tattao, sinaludsod kadakuada ni Pilato : "Siasino ti kayatyo a wayawayaak? Ni Jesus Barrabas wenno ni Jesus a maaw-awagan iti Cristo?"

Ammo ngamin ni Pilato nga inyawatda kenkuana ni Jesus gapu iti apalda. Maysa pay, idi agtugtugaw ni Pilato iti pangukoman, pinaibaga ti asawana daytoy: "Dimo pakibiangan dayta nalinteg a tao, ta natagtagainepko idi rabii a nagsagabaak iti kasta unay gapu kenkuana."

Dinurogan dagiti panguloen a papadi ken dagiti panglakayen dagiti tattao tapno dawatenda ken ni Pilato a wayawayaanna ni Barrabas ket papapatayna ni Jesus. Ngem sinaludsod manen kadakuada ti gobernador: "Siasino kadagiti dua ti kayatyo a wayawayaak?"

"Ni Barrabas!" insungbatda.

"Ania ngarud ti aramidek ken ni Jesus a maaw-awagan iti Cristo?" sinaludsod ni Pilato.

"Ilansam iti krus!" kunada amin.

Nagsaludsod manen ni Pilato kadakuada: "Ania kadi ti basolna?"

"Ilansam iti krus!" inyad-addada ketdi nga impukkaw.

Agsipud ta awanen ti maaramid ni Pilato, ket madlawna nga adda rumsua a riribuk, nangala iti danum sana binuggoan dagiti imana iti sangngoanan dagiti tattao. "Awan ti bibiangko iti pannakapapatay daytoy a tao," kinunana. "Dakayo ti makaammo."

"Bay-am ta dakami ken dagiti annakmi ti makaammo iti pannakapapatayna," insungbat dagiti amin a tattao.

Kalpasanna, winayawayaanna ni Barrabas. Pinasaplitna ni Jesus sanan inyawat kadagiti soldado tapno ilansada iti krus.

Pagang-angawan dagiti Soldado ni Jesus
[Mar 15: 16-20; Jn 19: 2-3]
-Dagiti soldado ni Pilato inserrekda ni Jesus iti palasio ti gobernador ket inaribungbongan ti amin a soldado ti kompania. Inuksobda ti pagan-anayna sada kinagayan iti nalabaga a lupot. Nagaramidda iti korona a sisiitan ket imbalangatda kenkuana. Impaigemda ti maysa a runo iti makannawan nga imana. Nagparintumengda iti sangngoananna sada nagang-angawan. "Agbiag ti Ari dagiti Judio!" kinunkunada. Tinupratupraanda sada innala ti runo ket impak-olda iti ulona.

Idi nalpasdan a nagang-angawan, inikkatda ti kagayna, ket imbadoda met laeng kenkuana ti pagan-anayna sada inruar tapno ilansada iti krus.

Salmo 33: 12-22
Proverbs 9: 1-6

Pagsasao...

2012-02-12T11:13:00.002-10:00

"Many of life's failures are people who did not realize how close they were to success when they gave up..."-Thomas A. Edison

Kuna ni...

2012-02-12T11:12:00.002-10:00

Nelson Mandela, Liberty
"The people are their own liberators..."

Kasano

2012-02-12T11:10:00.001-10:00

[nabulod ti ladawan a naaramat]

Napili a Daniw Ita a Lawas

KASANO
ni Rudy Ram. Rumbaoa
[nasurat.2.15.2012/maui]
Kasano't kaadayo ti Langit?
Kas kadi ti kaadayo ni Patay iti daytoy a dalan?-
Ti karayan wenno iti labes ti atiddog a turod,
Ngem awan ti pannakatakuat.

Ket kasano ngay kaadayo't Impierno?
Kas kadi ti kaadayo ni Patay iti daytoy a dalan?-
Kasano't kaadayo't apigud nga ima iti Sepulkro?
Nakalawlawag a panangsuppiat ti Nakaparsuaan...

[CR.2.2012.by.rudy.ram.rumbaoa]

The Family Prayer Song

2012-02-10T21:13:00.000-10:00

Go Out With Joy

2012-02-10T21:09:00.001-10:00

Ti Nakabutbuteng a Mangdadael

2012-02-05T10:00:00.000-10:00

Nasantoan a Mabasa:
Enero 30, 2012- Pebrero 5, 2012

Enero 30, 2012 [Lunes]
Maika-30 nga Aldaw
Exodus 10
Exodus 11
Exodus 12: 1-13
San Mateo 20: 1-28
Salmo 25: 1-15
Proverbs 6:6-11

Enero 31, 2012 [Martes]
Maika-31 nga Aldaw
Exodus 12: 14-51
Exodus 13: 1-16
San Mateo 20: 29-34
San Mateo 21: 1-22
Salmo 25: 16-22
Proverbs 6: 12-15

Pebrero 1, 2012 [Mierkules]
Maika-32 nga Aldaw
Exodus 13: 17-22
Exodus 14
Exodus 15: 1-18
San Mateo 21: 23-46
Salmo 26: 1-12
Proverbs 6: 16-19

Pebrero 2, 2012 [Huebes]
Maika-33 nga Aldaw
Exodus 15: 19-27
Exodus 16
Exodus 17: 1-7
San Mateo 22: 1-33
Salmo 27: 1-6
Proverbs 6: 20-26

Pebrero 3, 2012 [Biernes]
Maika-34 nga Aldaw
Exodus 17: 8-16
Exodus 18
Exodus 19: 1-15
San Mateo22: 32-46
San Mateo 23: 1-12
Salmo 27: 7-14
Proverbs 6: 27-35

Pebrero 4, 2012 [Sabado]
Maika-35 nga Aldaw
Exodus 19: 16-25
Exodus 20
Exodus 21: 1-21
San Mateo 23: 19-39
Salmo 28: 1-9
Proverbs 7: 1-5

Nasantoan a Mabasa Ita nga Aldaw, Pebrero 5, 2012 [Domingo] iti Maika-36 nga Aldaw
Exodus 21: 22-36
Exodus 22
Exodus 23: 1-13
San Mateo 24: 1-28

Ipakaammo ni Jesus ti Pannakarba ti Templo
[Mar 13: 1-2; Luc 21: 5-6
-Rimmuar ni Jesus iti Templo. Umad-adayon idi umasideg dagiti adalanna tapno ipakitada kenkuana dagiti patakder ti Templo.

"Wen, makitayo amin dagitoy ita," kinunana kadakuada. "Ngem ibagak kadakayo nga awanto ti uray maysa a bato ditoy ti mabati iti yanna, marbanto amin."

Dagiti Rigrigat ken Pannakaidadanes
[Mar 13: 3-13; Luc 27: 7-19
-Agtugtugaw ni Jesus idiay Bantay Olivo idi umasideg kenkuana dagiti adalan nga is-isuda. "Ibagam man kadakami no kaanonto a mapasak dagitoy?" sinaludsodda. "Anianto ti pagilasinan iti yaaymo ken iti panungpalan ti lubong?"

"Agannadkayo, ket dikay paallilaw," insungbat ni Jesus. "Agsipud ta adunto ti umay ket aramatendanto ti naganko a kunkunada, 'Siak ni Cristo,' ket adunto ti allilawenda. Mangngegyonto ti kanalbuong ti gubat ken damdamag maipapan iti gubat ngem dikay agdanag. Masapul a mapasamak dagitoy ngem saan pay a daytoy ti panungpalan. Aggugubatto dagiti nasion, kasta met dagiti pagarian. Addanto bisin ken gingined kadagiti nadumaduma a disso. Pangrugian laeng amin dagitoy ti panagsagaba a kas iti panagpasikal ti agpasngay."

"Matiliw ken mayawatkayto a madusa. Mapapataykayto. Guraendakayto dagiti amin a tattao gapu kaniak. Iti dayta a tiempo, adunto ti mangtallikud iti pammatida; aglilinniput ken aggiginnuradanto. Tumaudto ti adu a sinan-profeta a mangyaw-awan iti adu a tao. Gapu iti yaadu ti kinadakes, lumamiisto ti ayat dagiti adu. Ngem maisalakanto ti siasinoman a makaibtur agingga iti panungpalan. Maikasabanto iti intero a lubong ti Naimbag a Damag maipapan iti Pagarian kas pammaneknek dagiti amin a tattao; kalpasanna, umayton ti panungpalan."

[nabulod laeng ti ladawan a naaramat]

Ti Nakabutbuteng a Mangdadael
[Mar 13: 14-23; Luc 21: 20-24]
-"Iti kasta, inton makitayo 'Ti Nakabutbuteng a Mangdadael' nga agtakder iti nasantoan a lugar a kas insao ni profeta Daniel, [maawatan koma ti agbasa ti kaipapanan daytoy], masapul a kumamang dagiti adda idiay Judea kedagiti bambantay. Umulog a dagus ti adda iti tuktok ti balay ket saanen a sumrek iti balayna tapno mangala iti uray ania a mabalinna nga itugot. Ti adda iti taltalon saanen nga agawid a mangala iti kagayna. Kadagita nga aldaw. kakaasinto dagiti masikog ken dagiti agpaspasuso. Dawatenyo iti Dios a saan koma nga iti tiempo ti tudtudo wenno Aldaw a Panaginana ti panagpakniyo! Ta kadagita nga aldaw, nakarkaronto nga adayo ti rigat ngem iti aniaman a napasamak manipud pannakaparsua ti lubong agingga kadagitoy nga aldaw. Ket uray kaano awanton ti kastoy a mapasamak. Ngem pinabassit ti Dios ti bilang dagita nga aldaw, ta no saan, awan koma ti makalasat. Ngem gapu kadagiti pinilina a tattao, kissayanna ti bilang dagita nga aldaw."

"Daytoy ti gapuna a no adda agkuna, 'Kitaenyo, adda ditoy ti Cristo!' wenno 'Adda sadiay!' diyo patpatien. Ta agparangto dagiti sinan-cristo ken dagiti sinan-profeta, ket agpakitadanto kadagiti naindaklan a pagilasinan ken nakakaskasdaaw a banag tapno no mabalin, yaw-awanda uray dagiti pinili ti Dios. Denggenyo, impakaammokon kadakayo dagitoy sakbay a mapasamakda."

"Ngarud, no kunada, 'Kitaenyo, adda iti let-ang!' dikay mapmapan. Ket no kunada, 'Kitaenyo, adda nga aglemlemmeng ditoy!' diyo patpatien. Ta umayto ti Anak ti Tao a kas iti kapardas ti kimat nga aggilap iti daya nga agpalaud."

"Sadinoman a yan ti bangkay, idiayto ti pagguurnongan dagiti agila."

Salmo 29: 1-11
Proverbs 7: 6-23

Kuna ni...

2012-02-05T09:57:00.004-10:00

Robert Frost, Poetry
"To be a poet is a condition, not a profession..."

Pagsasao...

2012-02-05T09:57:00.000-10:00

"Life is just like a mirror, and what you see out there, you must first see inside of you..."

Di Magatadan

2012-02-05T09:55:00.000-10:00

Napili a Daniw Ita a Lawas

[nabulod laeng ti ladawan a naaramat]

DI MAGATADAN
ni Rudy Ram. Rumbaoa
[nasurat.2.5.2012]

Di magatadan ti ayat
Wenno ibilang iti tunggal papagayam
Ket napudno,
Ti pammati ken panagtalek
Saan a tagilako-
Saan a magatang ti siasinoman
Nga agayat kenka.

Iti panangtallikud ti pagorasan
Ket saan pay a posible
Iti laksid ti kinabaknang nga adda kenka,
Ti kaatiddog ti biag
Awan ti presiona a nailatang-
Ta ti pirak saanna a magatang
Ti naimbag a salun-at.

Ti panangpakawan
Ket saan a panangtagikua
Ta ti espiritu ken kararua saan a produkto
A mabalin nga ilako,
Ti pannakipagrikna ket saan
A panggutigot wenno mainaig iti kuarta-
Ta nawaya ti puso nga agdesison
Kadagiti dadakkel ti kaipapananna.

Ti dana nga agturong iti Dios
Ket di magatadan...

[Copyright.February.2012.by.Rudy.Ram.Rumbaoa]

You Shall Love The Lord

2012-02-05T09:50:00.001-10:00

Day After Day

2012-02-05T09:45:00.000-10:00

Ti Nabaknang nga Agtutubo

2012-01-29T10:11:00.001-10:00

Nasantoan a Mabasa:
Enero 23-29, 2012

Enero 23, 2012 [Lunes]
Maika-23 nga Aldaw
Genesis 46
Genesis 47
San Mateo 15: 1-28
Salmo 19: 1-14
Proverbs 4: 14-19

Enero 24, 2012 [Martes]
Maika-24 nga Aldaw
Genesis 48
Genesis 49
San Mateo 15: 29-39
San Mateo 16: 1-12
Salmo 20: 1-9
Proverbs 4: 20-27

Enero 25, 2012 [Mierkules]
Maika-25 nga Aldaw
Genesis 50
Exodus 1
Exodus 2: 1-10
San Mateo 16: 13-28
San Mateo 17: 1-9
Salmo 21: 1-13
Proverbs 5: 1-6

Enero 26, 2012 [Huebes]
Maika-26 nga Aldaw
Exodus 2: 11-25
Exodus 3
San Mateo 17: 10-27
Salmo 22: 1-18
Proverbs 5: 7-14

Enero 27, 2012 [Biernes]
Maika-27 nga Aldaw
Exodus 4
Exodus 5: 1-21
San Mateo 18: 1-20
Salmo 22: 19-31
Proverbs 5: 15-21

Enero 28, 2012 [Sabado]
Maika-28 nga Aldaw
Exodus 5: 22-23
Exodus 6
Exodus 7
San Mateo 18: 21-35
San Mateo 19: 1-12
Salmo 23: 1-6
Proverbs 5: 22-23

Nasantoan a Mabasa Ita nga Aldaw, Enero 29, 2012 [Domingo], iti Maika-29 nga Aldaw
Exodus 8
Exodus 9
San Mateo 19: 13-30

Bendisionan ni Jesus dagiti Ubbing
[Mar 10:13-16; Luc 18:15-17]
-Adda sumagmamano a tattao a nangyasideg kadagiti ubbing ken Jesus tapno ipatayna ti imana kadakuada ken ikararaganna ida. Ngem inungtan ida dagiti adalan gapu iti inaramidda.

"Palubosanyo dagiti ubbing nga umay kaniak," kinuna ni Jesus. "Diyo paritan ida ta dagiti kas kadakuada ti agtagikua iti Pagarian ti langit."

Ket impatayna ti imana kadakuada sa pimmanaw.

[Nabulod laeng ti ladawan a naaramat. Ni Jesus ken Ti Baknang nga Agtutubo]

Ti Nabaknang nga Agtutubo
[Mar 10:17-31; Luc18:18-30]
-Napan ti maysa nga agtutubo ken Jesus ket sinaludsodna, "Maestro, ania ti naimbag nga aramidek tapno magun-odko ti biag nga agnanayon?"

"Apay saludsodem kaniak no ania ti naimbag?" insungbat ni Jesus. "Maymaysa laeng ti naimbag. No kayatmo ti sumrek iti biag nga agnanayon, tungpalem dagiti bilbilin."

"Ania a bilbilin?" sinaludsodna.

Insungbat ni Jesus: "Dika mamapatay; dika makikamalala; dika agtakaw; dika agsaksi iti ulbod; agraemka kadagiti nagannak kenka; ken ayatem ti padam a tao a kas iti panagayatmo iti bagim."

"Tinungtungpalko amin dagitoy a bilbilin," insungbat ti agtutubo. "Ania pay ti masapulko?"

Kinuna ni Jesus kenkuana, "No kayatmo nga awan ti pagkurangam, inka ilako ti amin a sanikuam; itedmo kadagiti napanglaw ti paglakuam, ket addanto kinabaknangmo idiay langit. Kalpasanna, umayka sumurot kaniak."

Idi mangngeg ti agtutubo daytoy, sililiday a pimmanaw agsipud ta nabaknang unay.

Kinuna ni Jesus kadagiti adalanna, "Ibagak kadakayo a narigatto a sumrek ti baknang iti Pagarian ti langit. Ket kunak pay kadakayo: Nalaklaka ti ilulusot ti kamelio iti abut ti dagum, ngem ti iseserrek ti baknang iti Pagarian ti Dios."

Napalalo ti siddaaw dagiti adalan idi mangngegda daytoy. "Siasino ngaruden ti maisalakan?" sinaludsodda.

Minatmatan ida ni Jesus ket insungbatna, "Saan a maaramid ti tao daytoy ngem kabaelan amin ti Dios."

Nagsao ni Pedro: "Adtoy, binaybay-anmi amin ket simmurotkami kenka. Anianto ngarud ti gungunami?"

Kinuna ni Jesus kadakuada, "Ibagak daytoy kadakayo: Inton agtugaw ti Anak ti Tao iti nagloriaan a tronona iti Baro a Lubong, dakayo a sangapulo ket dua a simmurot kaniak, agtugawkayto met kadagiti sangapulo ket dua a trono a mangituray kadagiti sangapulo ket dua a tribu ti Israel. Ket amin a nangpanaw iti balay, kakabsat, annak wenno dagdagana gapu kaniak, umawatto iti maminggasut a kaadu ket tawidendanto ti biag nga agnanayon. Ngem adu dagiti umun-una ita a maud-udinto, ket adda dagiti maud-udi ita nga umun-unanto."

Salmo 24: 1-10
Proverbs 6: 1-5

Iti Laeng Naulimek a Lugar

2012-01-29T10:07:00.001-10:00

Napili a Daniw Ita a Lawas

[nabulod ti ladawan a naaramat]

ITI LAENG NAULIMEK A LUGAR
ni Rudy Ram. Rumbaoa
[nasurat.1.29.2012]

Iti laeng naulimek a lugar
A makainanaak, mapabaro
Ta ditoy ti 'yan ti sibibiag a danum
Nga agayus umay kaniak; mangdalus.

Iti laeng naulimek a lugar
A nasursurok iti agayat
Ta ditoy ti lugar a pakariknaak
Pammateg manipud ngato umay kaniak.

Iti laeng naulimek a lugar
Ti pakasarakak ti pudno nga inana,
Amin a panagamak mapukawda
Ket namnamaek a mabendisionannak.

Iti laeng naulimek a lugar
A mapatalgedanakto manen
A siak, anaknak met ti Dios
Ken ni Jesus pagbalinennak a nadalus.

Iti laeng naulimek a lugar
A nasursurok ti agserbi iti Dios iti umno
Ta Isu, intedna ti amin kaniak-
Ket kayatko't magna a kaduak Isuna iti lawag...

[cr.january.2012.by.rudy.ram.rumbaoa]

Pagsasao...

2012-01-29T10:04:00.000-10:00

"The gem cannot be polished without friction, nor man perfected without trials..."-Chinese Proverbs

Kuna ni...

2012-01-29T10:03:00.003-10:00

Dale Camegie, Happiness
"Success is getting what ypu want. Happiness is wanting what you get..."

Lord, Have Mercy On Us [Change My Heart]

2012-01-28T09:05:00.000-10:00

One Thing I Have Desired

2012-01-28T09:02:00.000-10:00

Magna ni Jesus iti Rabaw ti Danum

2012-01-22T12:22:00.001-10:00

Nasantoan a Mabasa:
Enero 16-22, 2012

Enero 16, 2012 [Lunes]
Maika-16 nga Aldaw
Genesis 32: 13-32
Genesis 33
Genesis 34
San Mateo 11: 7-30
Salmo 14: 1-7
Proverbs 3: 19-20

Enero 17, 2012 [Martes]
Maika-17 nga Aldaw
Genesis 35
Genesis 36
San Mateo 12: 1-21
Salmo 15: 1-5
Proverbs: 3: 21-26

Enero 18, 2012 [Mierkules]
Maika-18 nga Aldaw
Genesis 37
Genesis 38
San Mateo 12: 22-45
Salmo 16: 1-11
Proverbs 3: 27-32

Enero 19, 2012 [Huebes]
Maika-19 nga Aldaw
Genesis 39
Genesis 40
Genesis 41: 1-16
San Mateo 12: 46-50
San Mateo 13: 1-23
Salmo 17: 1-15
Proverbs 3: 33-35

Enero 20, 2012 [Biernes]
Maika-20 nga Aldaw
Genesis 41: 17-57
Genesis 42: 1-17
San Mateo 13: 24-46
Salmo 18: 1-15
Proverbs 4: 1-6

Enero 21, 2012 [Sabado]
Maika-21 nga Aldaw
Genesis 42: 18-38
Genesis 43
San Mateo 13: 47-58
San Mateo 14: 1-12
Salmo 18:16-36
Proverbs 47: 7-10

Nasantoan a Mabasa Ita nga Aldaw, Enero 22, 2012 [Domingo], iti Maika-22 nga Aldaw
Genesis 44
Genesis 45
San Mateo 14: 13-36

[nabulod ti ladawan a naaramat]

Pakanen ni Jesus ti Limaribu a Tattao
[Mar 6:30-44; Luc 9:10-17; Jn 6:1-14
-Idi naammuan ni Jesus ti napasamak, nagbilog a napan nagpakni nga is-isuna iti maysa a lugar nga awan ti matagtagitao. Ngem idi nadamag dagiti tattao ti ipapanawna, pinanawanda dagiti il-ilida ket nagnada a simmurot kenkuana. Dimsaag ni Jesus iti bilog. Idi makitana dagiti adu a tattao, naasian kadakuada ket inagasanna dagiti masakitda.

Idi mumalemen, napan dagiti adalanna ket kinunada, "Sumipngeten ket awan matagtagitao ditoy. Pagawidemon dagiti tattao a mapan kadagiti barbario tapno gumatangda iti kanenda."

"Saan a masapul a pumanawda," kinuna ni Jesus kadakuada. "Dakayo ketdi ti mangted iti kanenda."

"Limlima a tinapay ti adda ken dua nga ikan," kinunada.

"Yegyo ida ditoy," kinuna ni Jesus. Pinagtugawna dagiti tattao iti karuotan. Innalana dagiti tinapay ken ikan, timmangad sadi langit, sa nagyaman iti Dios. Pinispisina dagiti tinapay ket intedna kadagiti adalan tapno ibunongda kadagiti tattao. Nanganda amin ket nabsogda. Aglimaribu a lallaki ti nangan, malaksid dagiti babbai ken ubbing.

Adda sangapulo ket dua a basket a napno kadagiti natda nga inurnong dagiti adalan.

[Nabulod ti ladawan a naaramat. Ni Jesus ken Pedro]

Magna ni Jesus iti Rabaw ti Danum
[Mar 6:45-52; Jn 6:15-21]
-Bayat ti panangpagawid ni Jesus kadagiti tattao, pinaluganna dagiti adalanna iti bilog ket pinaunana ida a bumallasiw iti dan-aw. Idi napagawidnan dagiti tattao, simmang-at nga is-isu iti maysa a turod tapno agkararag. Idi rumabiin, maymaysa ni Jesus sadiay, ket iti dayta met la nga oras, nakaadayon ti bilog iti igid ti dan-aw ket mayallo-allon agsipud ta subsubaen ti angin. Iti parbangon, nagna iti rabaw ti danum a napan iti yanda. Nagbuteng dagiti adalan idi makitada ni Jesus a magmagna iti rabaw ti danum.

"Al-alia!" inyikkisda gapu iti butengda.

Ngem dagus a kinuna ni Jesus, "Dikay agbuteng! Siak ni Jesus, dikay agdanag."

"Apo," kinuna ni Pedro, "no agpayso a sika, ayabannak man dita yanmo a magna iti rabaw ti danum."

"Umayka," kinuna ni Jesus.

Dimsaag ngarud ni Pedro iti bilog ket nagna iti danum a mapan ken Jesus. Ngem nagbuteng idi madlawna ti angin, ket idi lumneden, nagikkis, "Apo, isalakannak!"

Iniggaman a dagus ni Jesus ti ima ni Pedro ket ginuyodna sana kinuna, "Nagbassit ketdin ti pammatimon. Apay a nagduaduaka?"

Limmuganda a dua iti bilog ket nagtalnan ti angin. Dagiti adda iti bilog, dinaydayawda ni Jesus. "Pudno a sika ti Anak ti Dios," kinunada.

[nabulod laeng ti ladawan a naaramat]

Paimbagen ni Jesus dagiti Masakit idiay Genesaret
[Mar 6:53-56]
-Idi nakaballasiw ni Jesus ken dagiti adalanna, simmangladda idiay Genesaret. Nailasin dagiti tattao sadiay ni Jesus ket pinaayabanda dagiti amin a masaksakit kadagiti kabangibang a luglugar ket inyegda ida kenkuana. Nagpakpakaasida kenkuana a sagiden dagiti masakit uray la koma gayadan ti kagayna, ket naimbagan dagiti amin a simmagid.

Salmo 18: 37-50
Proverbs 4: 11-13

Mamatika

2012-01-22T12:18:00.000-10:00

Napili a Daniw Ita a Lawas

MAMATIKA
ni Rudy Ram. Rumbaoa
[nasurat.1.22.2012]

Mamatika iti bukod a kabaelan
Iti pusom magnaka a situtured,
Pukawen amin a duadua ken panagbuteng
Ti manginanama nga ima mariknamto
Ti dungngo ket saranayennaka ti Dios.

Iti kanito nga umay kenka't pannakapaay
Dimo tallikudan pannubok sarangtem ket labanam,
Ket no ti pammatim adda naan-anay a pigsa
Maragpatmonto't tarigagay ken arapaap.

Mamatika iti bukod a kabaelan
Uray pay no sallukobannaka't sipnget
Rumaip ti kamaudianan ket mabirokam
Ti init a manglawag iti talaytayem a dana.

[cr.january.2012.by.rudy.ram.rumbaoa]

Pagsasao...

2012-01-22T12:12:00.005-10:00

"There is always some madness in love. But there is also always some reason in madness..."-Friedrich Nietzche, Reading and Writing

Kuna ni...

2012-01-22T12:11:00.002-10:00

Woodrow Wilson, Liberty
"Liberty has never come from the government. Liberty has always come from the subjects of it. The history of liberty is a history of resistance..."

Dagiti Imbaon ni Juan a Mammuniag

2012-01-15T09:48:00.000-10:00

Nasantoan a Mabasa:
Enero 9-15, 2012

Enero 9, 2012 [Lunes]
Maika-siam nga Aldaw
Genesis 20
Genesis 21
Genesis 22
San Mateo 7: 15-29
Salmo 9:1-12
Proverbs 2: 16-22

Enero 10, 2012 [Martes]
Maika-sangapulo nga Aldaw
Genesis 23
Genesis 24: 1-51
San Mateo 8: 1-17
Salmo 9: 13-20
Proverbs 3: 1-6

Enero 11, 2012 [Mierkules]
Maika-11 nga Aldaw
Genesis 24: 52-67
Genesis 25
Genesis 26: 1-16
San Mateo 8: 18-34
Salmo 10:1-15
Proverbs 3: 7-8

Enero 12, 2012 [Huebes]
Maika-12 nga Aldaw
Genesis 26: 17-35
Genesis 27
San Mateo 9:1-17
Salmo 10: 16-18
Proverbs 3: 9-10

Enero 13, 2012 [Biernes]
Maika-13 nga Aldaw
Genesis 28
Genesis 29
San Mateo 9: 18-38
Salmo 11: 1-7
Proverbs 3: 11-12

Enero 14, 2012 [Sabado]
Maika-14 nga Aldaw
Genesis 30
Genesis 31: 1-16
San Mateo 10: 1-23
Salmo 12: 1-8
Proverbs 3: 13-15

Nasantoan a Mabasa Ita nga Aldaw, Enero 15, 2011 [Domingo] iti Maika-15 nga Aldaw
Genesis 31: 17-55
Genesis 32: 1-12
San Mateo 10: 24-42

Dagiti Umay a Pannakaidadanes
[Mar 13: 9-13; Luc 12: 12-17]
-"Saan a natantan-ok ti agad-adal ngem ti maestrona; saan met a naturturay ti adipen ngem ti apona. Ngarud, mapnek koma ti agad-adal no agbalin a kas iti maestrona; kasta met adipen; agbalin a kas iti apona. No Beelzebub ti ipanaganda iti pangulo ti maysa a pamilia, naal-alasto pay ti maipanagan kadagiti kamkameng ti pamiliana."

Ti Rumbeng a Pagbutngan
[Luc 12: 2-7]
-"Dikay ngarud agbuteng kadagiti tao; ta awan ti nailemmeng a dinto maiparangarang, ket awan met ti palimed a dinto mailatak. Ti ibagak kadakayo iti kasipngetan, isaoyo iti lawag; ket ti mayarasaas kadakayo, ipukkawyo iti tuktok dagiti balbalay. Dikay agbuteng kadagiti mangpapatay iti bagi, ngem dida mabalin a papatayen ti kararua. Agbutengkayo ketdi iti Dios, isu a mannakabalin a mangpapatay iti bagi ken kararua idiay impierno. Iti maysa a sentabo, makagatangkayo iti dua a billit-tuleng. Nupay kasta, awan matnag uray maysa kadakuada no di ipalubos ni Amayo. No maipapan kadakayo, , uray dagiti buokyo nabilangda aminen. Isu gapuna a dikay agbuteng ta napatpategkayo nga adayo nge ti adu a billit-tuleng."

Panangipudno ken Panangilibak ken Cristo
[Luc 12: 8-9]
-"Siasino man a mangipudno kadagiti tattao iti pannakikaduana kaniak, ipudnokto met iti imatang ni Amak sadi langit. Ngem ti mangilibak kadagiti tattao iti pannakikaduana kaniak, ilibakkonto met iti sangngoanan ni Amak sadi langit."

Saan a Kappia no di ket Kampilan
[Luc 12: 51-53; 14: 26-27]
-"Diyo ipagarup nga immayak mangyeg iti kappia ditoy lubong. Diak immay mangyeg iti kappia no di ket kampilan. Immayak tapno pataudek ti ibubusor dagiti annak a lallaki kadagiti ammada, dagiti annak a babbai kadagiti innada, dagiti manugang a babbai kdagiti katuganganda a babbai. Dagiti kabusor ti maysa a tao isudanto dagiti kamkameng a mismo a pamiliana."

"Ti dakkel ti panagayatna iti ama wenno inana ngem ti panagayatna kaniak, saan a maikari kaniak; ti dakdakkel ti panagayatna kadagiti annakna ngem ti panagayatna kaniak, saan a maikari kaniak. Siasino man a di mangibaklay ti krusna ken sumurot kaniak, saan a maikari kaniak. Siasino man a mangisalakan iti biagna, mapukawnanto; ket ti makapukaw iti biagna gapu kaniak, masarakannanto."

Dagiti Gunggona
[Mar 9: 41]
-"Siasino man nga umawat kadakayo, siak met laeng ti awatenna. Siasino man nga umawat kaniak, awatenna met ti nangibaon kaniak. Siasino man nga umawat iti profeta gapu ta maysa a profeta; magunggonaanto met a kas iti pannakagunggona ti profeta. Siasino man nga umawat iti nalinteg a tao, gapu ta isu ket nalinteg a tao, magunggonaanto met kas iti pannakagunggona ti nalinteg a tao. Laglagipenyo a ti siasinoman a ,mamgted iti uray sangabaso laeng a nalamiis a danum iti maysa kadagitoy nanumo a pasurotko, gapu ta isu ket pasurotko, awatennanto nga awaten ti gunggonana."

[Nabulod laeng ti ladawan a naaramat. Ni Juan a Mammuniag]

San Mateo 11: 1-6
Dagiti Imbaon ni Juan a Mammuniag
[Luc 7:18-35]
-Kalpasan ti pananbilin ni Jesus kadagiti sangapulo ket dua nga adalanna, pimmanaw iti dayta a lugar ket napan nangisursuro ken nangaskasaba kadagiti il-ili nga asideg sadiay.

Adda ni Juan a Mammuniag iti pagbaludan idi nadamagna ti aramid ni Cristo ket imbaonna ken Jesus ti sumagmamano kadagiti adalanna.

"Sika kadi ti umayto a kas inkaskasaba ni Juan, wenno agpadaankami iti sabali?" sinaludsodda kenkuana.

Simmungbat ni Jesus, "Agsublikayo ken ni Juan ket ibagayo kenkuana ti mangngeg ken makitayo: makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay, ket maikaskasaba ti Naimbag a Damag kadagiti napanglaw. Nagasat ti tao a di agduadua kaniak!"

Salmo 13: 1-6
Proverbs 3: 16-18

Pagsasao...

2012-01-15T09:44:00.004-10:00

"Creativity is allowing yourself to make mistakes. Art is knowing which ones to keep..."-Scot Adams, The Dilbert Principle

Kuna ni...

2012-01-15T09:43:00.003-10:00

Isaac Asimov, Science
"The Law of conservation of energy tells us we can't get something for nothing, but we refuse to believe it..."

Ti Lawag

2012-01-15T09:42:00.000-10:00

[nabulod laeng ti ladawan a naaramat]

Napili a Daniw Ita a Lawas

TI LAWAG
ni Rudy Ram. Rumbaoa
[nasurat.1.15.2012]

Adda lawag ti init iti pusok ita nga aldaw
gapu ta Isu bayabayennak iti pannagnak,
pinunnona ti kinangayed-kinamaris ti panagbiagko
ket babaen Kenkuana, nawayawayaan 'toy kararuak.

No aglasat ti sipnget iti masangngoanak
tapno lengdanna ti raya ti lawagna,
subliak a mangpanunot iti bendision a naawatko
ken ibayogko't pusok nga agdaydayaw Kenkuana.

Uray pay iti karirigatan a paset ti panagbiagko
agtalinaedto latta nga agnanayon ti bendisionna,
ket uray pay ania't mapasamak iti pagnaak
idaydayawko't Dios, saan a mamaliw ti panagayatna.

Inkarina nga agnanayonto nga adda sadiay
tapno liwliwaenna 'toy kararua a malmalday,
anian a kinapateg ti inna panangigaga
iti daytoy kadakkelan a rag-o a mariknak ita!

Isu ti silaw a manglawag iti lubongko
nupay saan a maris-asul ti tangatangko,
ken uray pay kadagiti kasisipngetan nga aldaw
ti kinarangrangna agtalinaed a sumiripto latta!

[cr.january.2012.by.rudy.ram.rumbaoa]

Ti Panangukom iti Sabali

2012-01-08T10:25:00.000-10:00

Nasantoan a Mabasa:
Enero 2-8, 2012

Enero 2, 2012 [Lunes]
Maikadua nga Aldaw
Genesis 3
Genesis 4
San Mateo 2:13-23
San Mateo 3: 1-6
Salmo 2: 1-12
Proverbs 1: 7-9

Enero 3, 2012 [Martes]
Maikatlo nga Aldaw
Genesis 5
Genesis 6
Genesis 7
San Mateo 3: 7-17
San Mateo 4: 1-11
Salmo 3: 1-8
Proverbs 1: 10-19

Enero 4, 2012 [Mierkules]
Maikapat nga Aldaw
Genesis 8
Genesis 9
Genesis 10
San Mateo 4: 12-25
Salmo 4: 1-8
Proverbs 1: 20-23

Enero 5, 2012 [Huebes]
Maikalima nga Aldaw
Genesis 11
Genesis 12
Genesis 13: 1-4
San Mateo 5: 1-26
Salmo 5: 1-12
Proverbs 1: 24-28

Enero 6, 2012 [Biernes]
Maikanem nga Aldaw
Genesis 13: 5-18
Genesis 14
Genesis 15
San Mateo 5: 27-48
Salmo 6: 1-10
Probverbs 1: 29-33

Enero 7, 2012 [Sabado]
Maikapito nga Aldaw
Genesis 16
Genesis 17
Genesis 18: 1-15
San Mateo 6: 1-24
Salmo 7: 1-17
Proverbs 2: 1-5

Nasantoan a Mabasa Ita nga Aldaw, Enero 8, 2012 [Domingo] iti Maikawalo nga Aldaw
Genesis 18: 16-33
Genesis 19
San Mateo 6: 25-34
San Mateo 7: 1-14

[nabulod laeng ti ladawan a naaramat]

Ti Panangukom iti Sabali
[Luc 6: 37-38, 41-42]
-"Diyo ukomen dagiti sabali tapno dinakayto met ukomen ti Dios- ta ukomennakayto ti Dios a kas iti panangukomyo kadagiti sabali. Ti pangrukodyo iti sabali isunto met laeng ti pangrukod ti Dios kadakayo. Apay a dillawem ti sangkap iti mata ni kabsatmo, ngem dimo madlaw ti troso iti matam? Kasano ti panagkunam nga ikkatem ti sangkap iti mata ni kabsatmo no dimo pay madlaw ti troso iti matam? Aginsisingpet! Ikkatem pay nga umuna ti troso iti matam, tapno nalawag ti panagkitam a mangikkat iti sangkap nga adda iti mata ni kabsatmo.

Diyo ited kadagiti aso ti aniaman a nasantoan, amangan no darupen ken kagatendakayo; diyo met ipurruak dagiti perlasyo kadagiti baboy- ta baddebaddekandanto laeng."

[nabulod ti ladawan a naaramat]

Maipapan iti Bileg ti Panagkakarag
[Luc 11: 9-13]
-"Agdawatkayo ket maikkankayto; agsapulkayo ket makabirokkayto; agtugtogkayo ket mailukatto ti ruangan kadakayo. Ta ti amin nga agdawat, maikkan; ti agsapul, makabirok; ti agtugtog, mailukatto kenkuana ti ruangan. Siasino kadakayo nga amma ti mangted iti bato iti anakna no dumawat iti tinapay? Wenno ikkanna aya iti uleg no dumawat iti ikan? No dakayo idinto a dakeskayo, ammoyo ti mangted iti naimbag kadakagiti annakyo, dinto ket ad-addan ti panangted iti Amayo sadi langit iti naimbag kadagiti agdawat kenkuana?

Aramidenyo kadagiti tattao ti kayatyo nga aramidenda kadakayo; ta daytoy ti kaipapanan ti LInteg ken ti panursuro dagiti profeta."

Ti Nailet a Ruangan
[Luc 13: 24]
-Sumrekkayo iti nailet a ruangan, agsipud ta nalawa ti ruangan, kasta met ti dalan nga agturong iti agnanayon a pakadadaelan, ket adu ti agturong sadiay. Nailet ti ruangan ken narigat ti dalan nga agturong iti biag, ket manmano ti makasarak."

Salmo 8: 1-9
Proverbs 2: 6-15

Agtalekak Kenkuana a Sipupudno

2012-01-08T10:19:00.000-10:00

Napili a Daniw Ita a Lawas

[nabulod laeng ti ladawan a naaramat]

AGTALEKAK KENKUANA A SIPUPUDNO
ni Rudy Ram. Rumbaoa
[nasurat.1.8.2012]

No lagipek dagiti tawen a naglabas
Iti panunotko, makitak dagiti biddut a naaramidak;
Ngem diak mangbangon iti artifekto
Ti awanan-bugas wenno
Kawaw a tabernakulo dagiti didiosen.

Ket iti panangtaliawko't nalikudak,
Kas da la basura iti agdama
A mangnayon ken mangdegdeg iti bukodko a ladingit.

Bayat iti panangbistayko ti bukod a panagbabawi,
Namnamaekto met a kailiwko't bigat
Isu nga aramatek daytoy a leksion a pakaadalak
Tapno ti daan a nagbiddutan saanda a pagbutngan
Agbalindanto ketdi a pagpangalan a mangisuro kaniak
Tapno iti kasta agnanayon a kitaek ti adda't masangngoanak.

Ti Dios ti agnanayon a sarikdekdekko
Ken Isu met mangiwanwan tunggal panagaksawko
Ket agtalekak Kenkuana a sipupudno.

[CR.1.2012.by.rudy.ram.rumbaoa]

Pagsasao...

2012-01-08T10:15:00.004-10:00

"I don't know the key to success, but the key to failure is trying to please everybody..."-Bill Cosby

Kuna ni...

2012-01-08T10:14:00.003-10:00

C.J Lewis, Philosophy
"You cannot go on explaining away for ever: you will find that you have explained explanation itself away. You cannot go on seeing through things for ever. The whole point of seeing through something is to see something..."

Ti Isasarungkar Dagiti Mamasirib

2012-01-01T12:37:00.002-10:00

Nasantoan a Mabasa:
Disiembre 26, 2011- Enero 1, 2012

Disiembre 26, 2011 [Lunes]
Maika-360 nga Aldaw
Zechariah 9
Paltiing 17
Salmo 145: 1-21
Proverbs 30: 32

Disiembre 27, 2011 [Martes]
Maika-361 nga Aldaw
Zechariah 10
Zechariah 11
Paltiing 18
Salmo 148: 1-10
Proverbs 30: 33

Disiembre 28, 2011 [Mierkules]
Maika-362 nga Aldaw
Zechariah 12
Zechariah 13
Paltiing 19
Salmo 147: 1-20
Proverbs 31: 1-7

Disiembre 29, 2011 [Huebes]
Maika-363 nga Aldaw
Zechariah 14
Paltiing 20
Salmo 148: 1-4
Proverbs 31: 8-9

Disiembre 30, 2011 [Biernes]
Maika-364 nga Aldaw
Malachi 1
Malachi 2
Paltiing 21
Salmo 149: 1-9
Proverbs 31: 10-24

Disiembre 31, 2011 [Sabado]
Maika-365 nga Aldaw [Bisperas ti Baro a Tawen]
Malachi 3
Malachi 4
Paltiing 22
Salmo 130: 1-6
Proverbs 31: 25-31

Enero 1, 2012 [Domingo]
Umuna nga Aldaw ti Tawen
Genesis 1
Genesis 2
San Mateo 1
San Mateo 2: 1-12

[nabulod laeng ti ladawan a naaramat]

Ti Isasarungkar Dagiti Mamasirib

Salmo 1: 1-6
Proverbs 1: 1-6

Dagiti Malukong ti Pungtot ti Dios

2011-12-25T11:12:00.000-10:00

Nasantoan a Mabasa:
Disiembre 19-25, 2011

Disiembre 19, 2011 [Lunes]
Maika-353 nga Aldaw
Zephanian 1
Zephanian 2
Zephanian 3
Paltiing 10
Salmo 138: 1-8
Proverbs 30: 11-14

Disiembre 20, 2011 [Martes]
Maika-354 nga Aldaw
Haggai 1
Haggai 2
Paltiing 11
Salmo 139: 1-24
Proverbs 30: 15-16

Disiembre 21, 2011 [Mierkules]
Maika-355 nga Aldaw
Zechariah 1
Paltiing 12
Salmo 140: 1-13
Proverbs 30: 17

Disiembre 22, 2011 [Huebes]
Maika-356 nga Aldaw
Zechariah 2
Zechariah 3
Paltiing 12
Paltiing 13
Salmo 141: 1-10
Proverbs 30: 18-20

Disiembre 23, 2011 [Biernes]
Maika-357 nga Aldaw
Zecahriah 4
Zechariah 5
Paltiing 14
Salmo 142: 1-7
Proverbs 30: 21-23

Disiembre 24, 2011 [Sabado, Bisperas ti Paskua]
Maika-358 nga Aldaw
Zechariah 6
Zechariah 7
Paltiing 15
Salmo 143: 1-12
Proverbs 30: 24-28

Nasantoan a Mabasa Ita nga Aldaw, Disiembre 25, 2011 [Domingo, Aldaw ti Paskua] iti Maika-359 nga Aldaw ti Tawen
Zechariah 8
Paltiing 16

[nabulod ti ladawan a naaramat: Dagiti Pito nga Angheles]

Dagiti Malukong ti Pungtot ti Dios
-Kalpasanna, nangngegko ti maysa a napigsa a timek a naggapu iti templo ket kinunana kadagiti pito nga angheles: "Inkay ibuyat iti daga ti pungtot ti Dios a linaon dagiti pito a malukong."

Napan imbuyat ti umuna nga anghel ti malukongna iti daga. Gapu iti daytoy, rimsua dagiti nakabutbuteng ken naut-ot a gaddil kadagiti tattao nga addaan iti marka ti narungsot nga animal, ken kadagiti nagdaydayaw iti ladawanna.

Kalpasanna, imbuyat ti maikadua nga anghel ti malukongna iti baybay ket nagbalin a kasla dara ti natay ti tao. Natay dagiti amin a sibibiag a parsua sadiay.

Imbuyat met ti maikatlo nga anghel ti malukongna kadagiti karayan ken ubbog, ket nagbalinda met a dara. Nangngegko ti kuna anghel a mangay-aywan iti danum:

    "Nalinteg ti pangngeddengmo, O Nasantoan,
     Sika nga adda ita ken sika nga adda idi;
     Imbuyatda ti dara dagiti tattao ti Dios,
     Ken ti dara dagiti profeta,
     Isu't gapuna a pinainummo ida iti dara,
     Lak-amenda ti kaikarianda."

Nangngegko ti timek a naggapu iti altar: "Apo Dios a Mannakabalin amin, awan duadua a napudno ken nalinteg dagiti pangngeddengmo!"

Kalpasanna, imbuyat ti maikapat nga anghel ti malukongna iti init, ket napalubosan a mangpuor kadagiti tattao. Mapupuoran la ngaruden dagiti tattao, ilunlunodda pay laeng ti nagan ti Dios nga adda turayna kadagitoy a didigra idinto nga agbabawida koma kadagiti basbasolda ket agdaydayawda iti dayagna.

Imbuyat met ti maikalima nga anghel ti malukongna iti trono ti narungsot nga animal. Nagsipnget ti intero a pagarianna. Kinagat dagiti tattao dagiti bibigda gapu iti rigat. Inlunodda ti Dios sadi langit gapu kadagiti ut-ot ken gaddilda. Ngem dida nagbabawi kadagiti dakes nga aramidda.

Kalpasanna, imbuyat ti maikanem nga anghel ti malukongna iti dakkel a karayan ti Eufrates. Namagaan ti karayan tapno adda pagnaan dagiti ari nga aggapu iti daya. Ket nakakitaak iti tallo a narugit nga espiritu a kasla tukak a rumrummuar kadagiti ngiwat ti dragon, ti narungsot nga animal ken ulbod a profeta. Isuda dagiti espiritu ti demonio nga agiparparang iti milagro. Mapan dagiti tallo nga espiritu kadagiti ari iti intero a daga tapno urnongenda ida a makigubat inton dumteng ti naindaklan nga aldaw ti Mannakabalin amin a Dios.

   "Denggenyo, umayak a kasla mannanakaw! Nagasat ti tao a siririing ken di manguksob iti pagan-anayna tapno saan a lamolamo a magna ket    saan a maibabain iti imatang dagiti tattao."

Ket inummong dagiti espiritu dagiti ari iti lugar a maaw-awagan Armagedon iti pagsasao a Hebreo.

Kalpasanna, imbuyat ti maikapito nga anghel ti malukongna iti angin. Adda napigsa a timek a naggapu iti trono ti templo. "Nalpasen!" kinunana. Nagkimat, adda arimbangaw, naggurruod ken naggingined iti napigsa. Daytoy ti kapigsaan a gingined manipud pannakaparsua ti tao. Wen, nakapigpigsa! Nadadael amin a pagilian. Saan a nakalisi ti agdindinamag a Babilonia iti pannusa ti Dios ket impainumna kenkuana ti arak ti nakaam-amak a pungtotna. Nagpukaw dagiti amin a purpuro ken bambantay. Manipud langit, nagtudo iti dadakkel nga uraro ket natupakan dagiti tattao. Aglimapulo a kilo ti kadagsen ti tunggal uraro. Inlunod dagiti tattao ti Dios gapu iti daytoy a didigra, ta nakaam-amak unay.

Salmo 144: 1-15
Proverbs 30: 29-31

Ay, Paskuan, Angkuan!

2011-12-25T11:08:00.000-10:00

Napili a Daniw Ita a Lawas

[nabulod laeng ti ladawan a naaramat]

AY, PASKUAN, ANGKUAN!
ni Rudy Ram. Rumbaoa
[nasurat.12.16.2006]

Ay, Paskuan, Angkuan
Sabali manen ti mapanunotam
Iwagsakmo koman nakaugaliam
Tapno rang-ay ti sumangbay a masakbayam

Wen kunak kenka, Angkuan,
Dimtengen ti Paskua
Dimo kadi maimdengan
Ayug pamaskua a mangngegan?

Ay wen, Paskuan, Paskua
Angkuan, umayka makidanggay, ala,
Kailiam anian a ragsakda
Kadakuada agari't ayat kadagiti puspusoda!

Paskuan, Angkuan, umaykan
Ta inta man ketdi pagbinnuligan;
Maluto nga intayto pagsasangoan
Tupig, puto bungbong wenno suman!

Ala, Angkuan, itugotmonto't gitara
Ta intayto man ketdi maki-Paskua,
Karamanen ti intay' panagpaputok
Iti rebentador tapno samuyeng makigtot!

Itinto aldaw ti Paskua intayto makimisa
Tapno idawat iti Apo itedna't kappia,
Maikkat ti guranggura a napnoan
Ken agari't ayat iti kaunggan.

Ay Paskuan, Angkuan, umaykan
Dika agsadsadut kugtaram nakaugaliam,
Indiam metten panaglimlimom iti kaaduan
Tapno baro a gasat umaynaka sangpetan!

[CR]December.2006.by.rudy.ram.rumbaoa]

Pagsasao...

2011-12-25T11:03:00.002-10:00

"The important thing was to love rather than to be loved..."-W. Somerset Maugham, O! Human Bondage

Kuna ni...

2011-12-25T11:01:00.002-10:00

Edith Warton, Micellaneous
"There are two ways of spreading light; to be the candle or the mirror that reflects it."

Dagiti Trumpeta

2011-12-18T09:23:00.002-10:00

Nasantoan a Mabasa:
Disiembre 12-18, 2011

Disiembre 12, 2011 [Lunes]
Maika-346 nga Aldaw
Amos 7
Amos 8
Amos 9
Paltiing 3: 7-22
Salmo 131: 1-3
Proverbs 29: 23

Disiembre 13, 2011 [Martes]
Maika-347 nga Aldaw
Obadiah 1
Paltiing 4
Salmo 132: 1-18
Proverbs 29: 24-25

Disiembre 14, 2011 [Mierkules]
Maika-348 nga Aldaw
Jonah 1
Jonah 2
Jonah 3
Jonah 4
Paltiing 5
Salmo 133: 1-3
Proverbs 29: 26-27

Disiembre 15, 2011 [Huebes]
Maika-349 nga Aldaw
Micah 1
Micah 2
Micah 3
Micah 4
Paltiing 6
Salmo 134: 1-3
Proverbs 30: 1-4

Disiembre 16, 2011 [Biernes]
Maika-350 nga Aldaw
Micah 5
Micah 6
Micah 7
Paltiing 7
Salmo 135: 1-21
Proverbs 30: 5-6

Disiembre 17, 2011 [Sabado]
Maika-351 nga Aldaw
Nahum 1
Nahum 2
Nahum 3
Paltiing 8
Salmo 136: 1-26
Proverbs 30: 7-9

Nasantoan a Mabasa Ita nga Aldaw, Disiembre 18, 2011 [Domingo] iti Maika-352 iti Ordinario nga Aldaw
Habakkuk 1
Habakkuk 2
Habakkuk 3
Paltiing 9

[nabulod laeng ti ladawan a naaramat]

Dagiti Trumpeta
-Kalpasanna, pinuyotan ti maikalima nga anghel ti trumpetana. Nakitak ti maysa a bituen a natnag ditoy daga, ket naited kenkuana ti tulbek ti ruangan ti nakaun-uneg a yuyeng. Linuktan ti bituen ti nakaun-uneg a yuyeng: rimmuar ti asuk a kasla asuk a naggapu iti dakkel nga urno a nangpasipnget iti init ken iti tangatang. Rimmuar dagiti dudon iti asuk ket nagdissoda iti daga. Naikkanda iti pannakabalin a mangsilud a kas kadagiti manggagamma. Naibaga kadakuada a dida ranggasan dagiti ruot wenno dagiti kayo wenno uray ania a mula. Dagiti laeng tattao nga awan marka ti Dios iti mugingda ti ranggasanda. Saan a napalubosan dagiti dudon a pumatay kadagitoy a tattao, no di ket parigatenda laeng ida iti las-ud ti lima a bulan. Ti panangparigatda umasping iti ut-ot a marikna ti tao no siluden ti manggagamma. Kabayatanna dayta lima a bulan, sapulento dagiti tattao ti patay ngem didanto masarakan. Kayatdanto ti matay ngem itarayanto ida ti patay.

Kasla kabalio a nakasagana a makigubat dagiti dudon. Adda kasla korona a balitok iti uloda. Kasda agruprupa a tao. Kasda la agbubuok a babai. Kasda agngipngipen a leon. Naabbongan dagiti barukongda iti kasla kabal a landok. Ti wanerwer dagiti payakda kasla danarudor ti adu a lugan a guyguyoden dagiti kabalio nga agdardaras nga agturong iti paggugubatan. Adda ipus ken siludda a kas iti manggagamma. Adda iti ipusda ti pannakabalin a mangparigat kadagiti tattao iti las-ud ti lima a bulan. Adda arida a mangituray kadakuada, ket isu ti anghel ti mangbanbantay iti nakaun-uneg a yuyeng. Abaddon ti naganna iti Hebreo, ket Apolion met iti Griego [kayatna a sawen, "Ti Mangdadael"].

Napalsen ti umuna a nakabutbuteng a didigra, ngem adda pay dua a sumaruno.

Kalpasanna, pinuyot ti maikanem nga anghel ti trumpetana. Nangngegko ti maysa a timek a naggapu kadagiti suli ti altar a balitok iti sangngoanan ti Dios.

Kinunana iti maikanem nga anghel nga adda trumpetana: "Ruk-atam dagiti uppat nga angheles a nakagalut idiay karayan Eufrates."

Naruk-atan dagiti uppat nga angheles. Naisaganada a mangpatay iti apagkatlo iti amin a tattao iti daytoy met la nga oras, aldaw, bulan ken tawen. Naibaga kaniak ti bilang dagiti nagkabalio a bunggoy: duagasut a milion. Ket nakita iti parmatak dagiti kabalio ken dagiti nakasakay a nakakabal iti nalabaga a kasla apuy, iti asul a kasla kolor salfiro, ken iti amarillo a kasla kolor ti asufre. Kasla ulo ti leon ti ulo dagiti kabalio. Agipugpugsoda iti apuy, asuk ken asufre. Natay ti apagkatlo dagiti amin a tao babaen dagitoy a didigra: ti apuy, ti asuk ken ti asufre nga aggapu iti ngiwat dagiti kabalio. Adda ti pannakabalin dagiti kabalio iti ngiwatda, kasta met iti ipusda. Kasla uleg dagiti ipusda nga addaan iti ulo, ket dagitoy ti pangparigatda kadagiti tattao.

Saan a nagbabawi dagiti tattao a nakalasat kadagitoy a didigra. Dida insardeng iti panagdaydayawda kadagiti demonio ken kadagiti didiosen nga inaramidda: dagiti ladawan a balitok, pirak, bronse, baro ken kayo a di makakita, makangngeg, wenno makapagna. Saanda met a nagbabawi iti panagpappapatayda, panagan-anitoda, pannakikamkamalalada ken panagtaktakawda.

Salmo 137: 1-9
Proverbs 30:10

Paskuan, Nanang

2011-12-18T09:19:00.000-10:00

Napili a Daniw Ita a Lawas

PASKUAN, NANANG
ni Rudy Ram. Rumbaoa
[nasurat.11.26.2007]

[nabulod laeng ti ladawan a naaramat]

Sipud addan puotko
Awanka't dennak addaka't adayo
Mangmangged iti sabali a pagilian
Para iti naraniag a masakbayak

Ngem, an-anuek ti adu a pirak
No sika ti awan ditoy dennak?
Nanangko agsublika koman kaniak
Ta pasangbayenta't Paskua a naragsak!

Paskuan, Nanang
Mailiwak unayen kenka;
Diakon magawidan
Tumtumrem a luluak.
Siak tay agsansaning-i
Sapsapulek arakupmo,
Arakup ti dungngo
Napnoan lailo ken karayo.

Diak kasapulan dagiti agkakapateg a banag
No siak a maul-ulila, nabati ken malmaldaang;
Nanangko, sika ti innak kasapulan
Tapno maep-ep ti iliw ti inta nagbaetan.

[CR]november.2007.by. rudy.ram.rumbaoa

Pagsasao...

2011-12-18T09:14:00.002-10:00

"Hope is a waking dream..."- Aristotle

Kuna ni...

2011-12-18T09:13:00.003-10:00

Isaac Newton, Truth and Lies
"A man may imagine things that are false, but he can only understand things that are true, for if the things be false, the apprehension of them is not understanding..."

Ti Surat iti Iglesia idiay Sardis

2011-12-11T10:27:00.001-10:00

Nasantoan a Mabsa:
Disiembre 5-11, 2011

Disiembre 5, 2011 [Lunes]
Maika-339 nga Aldaw
Hosea 1
Hosea 2
Hosea 3
1 Juan 5
Salmo 124: 1-8
Proverbs 29: 5-8

Disiembre 6, 2011 [Martes]
Maika-340 nga Aldaw
Hosea 4
Hosea 5
2 Juan 1
Salmo 125: 1-5
Proverbs 29: 9-11

Disiembre 7, 2011 [Mierkules]
Maika-341 nga Aldaw
Hosea 6
Hosea 7
Hosea 8
Hosea 9
3 Juan 1
Salmo 126: 1-6
Proverbs 29: 12-14

Disiembre 8, 2011 [Huebes]
Maika-342 nga Aldaw
Hosea 10
Hosea 11
Hosea 12
Hosea 13
Hosea 14
Judas 1
Salmo 127: 1-5
Proverbs 29: 15-17

Disiembre 9, 2011 [Biernes]
Maika-343 nga Aldaw
Joel 1
Joel 2
Joel 3
Paltiing 1
Salmo 128: 1-6
Proverbs 29: 18

Disiembre 10, 2011 [Sabado]
Maika-344 nga Aldaw
Amos 1
Amos 2
Amos 3
Paltiing 2: 1-17
Salmo 129: 1-8
Proverbs 29: 19-20

Nasantoan a Mabasa Ita nga Aldaw, Disiembre 11, 2011 [Domingo], iti Maika-345 iti Ordinario nga Aldaw
Amos 4
Amos 5
Amos 6
Paltiing 2: 18-29
Naadaw iti Paltiing ni Jesu-Cristo ken ni San Juan 3: 1-6

[nabulod laeng ti ladawan a naaramat]

Ti Surat iti Iglesia idiay Sardis
-Isuratmo iti anghel iti iglesia idiay Sardis:

"Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti ar-aramidem. Ammok met nga agindadamag a sibibiagka uray no nataykan! Isu't gapuna nga agriingka ket papigsaem ti nabati pay kenka sakbay a matay. Ta masarakak a dagiti inar-aramidmo adda pay la pagkurangan iti imatang iti Diosko. Ngarud, laglagipem dagiti nasursuro ken nangngegmo. Tungpalem ida ket agbabawika kadagiti basbasolmo. No dika agriing, kaslaakto mannanakaw nga umay kenka a ket dimonto maammuan uray ti oras ti iyaayko.

Ngem ti sumagmamano kadakayo dita Sardis, sinalimetmetanyo a nadalus ti pagan-anayyo. Makipagnakayto kaniak a sikakawes iti puraw ta maikarikayo. Kastoyto ti pannakakawes ti agballigi, ket diakto punasen ti naganna iti libro ti biag. Ipaduyakyakkonto a silalatak iti sangnguanan ni Amak ken dagiti anghelesna nga isu kukuak.

No adda pannakaawatyo, denggenyo ngarud ti kuna ti Espiritu kadagiti iglesia."

Salmo 130: 1-8
Proverbs 29: 21-22

Ita a Paskua [Siak ti Malmalday]

2011-12-11T10:24:00.001-10:00

Napili a Daniw Ita a Lawas

[nabulod laeng ti ladawan a naaramat]

ITA A PASKUA [SIAK TI MALMALDAY]
ni Rudy Ram. Rumbaoa
[nasurat 12.21.06]

Paskua a napalabas
Siak ti naragsak
Gapu't aldaw
Panangsungbatmo kaniak,
Diak matukod ken malansad
Ti rag-o ken ragsak
A mariknak iti kaunggak.

Gapu kenka,
Nakulding man 'toy pusok
A nabayagen
A di rimmasuk;
Kasla maysa a rosas
Nga inka sinappuyot
Dita ramaymo
A nakalamlamuyot.

Ngem ita a Paskua
Siak ti malmalday
Gapu't sika
Awanen ditoy sibay,
Ayatko a napudno
Inka man inay-ay
Siakon tay kasla
Angesna't mapungsay.

Ket iti panagmaymaysak
Agsasanggala
Lagip ti kalman
Umagibasda,
Ket sellependa man
Ti kararuak ken rikna
Gugorenna't kaunggan
Ket tumrem dagiti lua.

Ita a Paskua,
Siak ti malmalday...

[CR]Rudy.Ram.Rumbaoa.12.2006]

Pagsasao...

2011-12-11T10:22:00.001-10:00

"There is always some madness in love. But there is also always some reason in madness..."-Friedrich Niezche, On Reading and Writing

Kuna ni...

2011-12-11T10:21:00.001-10:00

Mother Teresa, War and Peace
"If we have no peace, it is because we have forgotten that we belong to each other..."

Ti Dios, Ayat

2011-12-04T10:12:00.001-10:00

Nasantoan a Mabasa:

Nobiembre 28, 2011- Disiembre 4, 2011

Nobiembre 28, 2011 [Lunes]
Maika-332 nga Aldaw
Daniel 5
2 Pedro 2
Salmo 119: 113-128
Proverbs 28: 19-20

Nobiembre 29, 2011 [Martes]
Maika-333 nga Aldaw
Daniel 6
2 Pedro 3
Salmo 119: 129-152
Proverbs 28: 21-22

Nobiembre 30, 2011 [Mierkules]
Maika-334 nga Aldaw
Daniel 7
1 Juan 1
Salmo 119: 153-176
Proverbs 28: 23-24

Disiembre 1, 2011 [Huebes]
Maika-335 nga Aldaw
Daniel 8
1 Juan 2: 1-17
Salmo 120: 1-7
Proverbs 28: 25-26

Disiembre 2, 2011 [Biernes]
Maika-336 nga Aldaw
Daniel 9
Daniel 10
Daniel 11: 1
1 Juan 2: 18-29
1 Juan 3: 1-6
Salmo 121: 1-8
Proverbs 28: 27-28

Disiembre 3, 2011 [Sabado]
Maika-337 nga Aldaw
Daniel 11: 2-35
1 Juan 3: 7-24
Salmo 122: 1-9
Proverbs 29: 1

Nasantoan a Mabasa Ita nga Aldaw, Disiembre 4, 2011 [Domingo], iti Maika-338 iti Ordinario nga Aldaw
Daniel 11: 36-45
Daniel 12
Umuna a Surat ni San Juan 4

Ti Paggiddiatan ti Pudno ken Ulbod nga Espiritu
-Ay-ayatek a gagayyem, diyo patien ti amin nga espiritu no di ket suotenyo no agtaud iti Dios wenno saan. Ta nagwarasen ditoy lubong ti adu a sinan-profeta. Daytoy ti pakaammuanyo ti Espiritu ti Dios. Agtaud iti Dios ti ania nga espiritu a mangbigbig nga immay ni Jesu-Cristo a kas tao. Ngem saan nga agtaud iti Dios ti uray ania nga espiritu a di mangbigbig a nagbalin ni Jesus a tao. Agtaud daytoy iti anticristo a nangnangngegyo nga umayto, ket addan ditoy lubong.

Ngem dakayo, annakko, kukuanakayo ti Dios, ket naparmekyon dagiti sinan-profeta, agsipud ta nabilbileg ti Espiritu nga adda kadakayo ngem ti espritu nga adda kadagiti taga-lubong. Nailubongan dagiti sarsaritaenda, ket dengngen ida ti lubong agsipud ta kukua ida ti lubong. Ngem datayo, kukuanatayo ti Dios. Dumngeg kadatayo ti makaammo ti Dios. Saan a dumngeg dagiti saan a kukua ti Dios. Daytoy ngarud ti pakaammuantayo iti paggiddiatan ti pudno ken ulbod nga espiritu.

[nabulod laeng ti ladawan a naaramat]

Ti Dios, Ayat
-Ay-ayatek a gagayyen, agiinnayattayo, agsipud ta ti ayat agtaud iti Dios. Anak ti Dios ti siasinoman nga agayat, ket am-ammona ti Dios. Ti saan nga agayat, saanna nga ammo ti Dios, ta ti Dios, ayat. Kastoy ti panangipakita ti Dios nga ay-ayatennatayo: Imbaonna ditoy lubong ti kakaisuna nga Anakna tapno maaddaantayo iti biag gapu kenkuana. Daytoy ti pudno a kaipapanan ti ayat: Saan a gapu ta inayattayo ti Dios, no di ket inayatnatayo, ta imbaonna ti Anakna a pakapakawanan dagiti basoltayo.

Patpatgek a gagayyem, no kasta ti panagayat ti Dios kadatayo, rebbengna nga agiinnayattayo. Awan pay ti nakakita iti Dios. Ngem no agiinnayattayo, agtaeng ti Dios kadatayo ket naan-anay ti ayatna kadatayo.

Kastoy ti pakaammuantayo nga agtaengtayo iti Dios ket agtaeng met kadatayo. Intedna kadatayo ti Espirituna. Nakita ken paneknekanmi nga imbaonna ti Anakna a Mangisalakan ti lubong. Agtaeng iti Dios ti mangbigbig a ni Jesus Anak ti Dios, ket agtaeng met kenkuana ti Dios. Datayo met laeng ti makaammo ken mamati iti ayatna kadatayo.

Ti Dios, ayat! Agtaeng iti Dios ti agtaeng iti ayat, ket agtaeng met kenkuana ti Dios. Ti panggep ti pannakaan-anay kadatayo ti ayat isu ti ditay panagbuteng inton Aldaw ti Panangukom. Maaddaantayto ti tured agsipud ta ti panagbiagtayo ditoy lubong kas met ken ni Crsito. No adda ayat, awan panagbuteng, ta paksiaten ti naan-anay nga ayat ti amin a panagbuteng. Ngarud, ti panagbuteng, agkurang iti naan-anay nga ayat, agsipud ta agkuykuyog ti buteng ken dusa.

Agayattayo agsipud ta immuna nga inayatnatayo ti Dios. Ulbod ti agkuna nga ay-ayatenna ti Dios ngem guraenna met ti kabsatna. Ta dina mabalin nga ayaten ti Dios a dina makita, no dina ayaten ti kabsatna a makitana. Ngarud, daytoy ti bilin ni Cristo kadatayo: Ti agayat iti Dios, rebbengna met nga ayaten ti kabsatna.

Salmo 123: 1-4
Proverbs 29: 2-4

Ita a Krismas

2011-12-04T10:07:00.001-10:00

Napili a Daniw Ita a Lawas

[nabulod laeng ti ladawan a naaramat]

ITA A KRISMAS
ni Rudy Ram. Rumbaoa
[nasurat.11.27.2007]

Filipinas, awan ngatan kapatgan a regalo no di ti kaaddam
iti kabayag a kaawanmo't dennak kayarigak ulila a demmang,
agmaymaysaak awan ti ragsak, liday ti nangbalud kaniak;
palabsak kadi manen ti Paskua a mangpuris kaunggak?

Palugodannak koma a mangilawlawag dagiti nagkurangak:
ti yaadayok kayatko nga ipaayan nas'yaat a masakbayan,
ngem bayat kaaddak iti adayo, pinatim dagiti tsismis ken sayangguseng
a naidanon kenka gapu iti dayta isun ti sipudna a kayatnak a lipatenen.

Nasakit, Filipinas, ta diak ipagarup a mapukawmo a mamimpinsan ti talek
ken pannakaawat nga innak ar-aramiden banag a sinallukobannaka't sipnget,
iti panunotmo dimo man pinadas a kinaranget dagita a pammarpardaya
tapno kad maikkan ti paglawlawagan dagiti atap nga inyula dayta rikna.

Sika't kasapulak ita a krismas, Filipinas, tapno adda ragsak ti pamilia.
Sika ti pakabuklan a mangyeg ti pudno nga anag ti Paskua.
Ita a krismas, padasenta nga itanem dagiti biddut a pinaruay
ti kinaulpit iti napalabas tapno mairugi ti baro a namnama ken talinaay.

Padasek a sulnitan ti giwang a rason nakapukawan pateg ken ayat
ket isapulak sungbat dagiti saludsod tapno pamilia di marakrak...

[CR]rudy.ram.rumbaoa.november.2007

Pagsasao...

2011-12-04T10:06:00.001-10:00

"There is no name so sweet on earth, no name so sweet in heaven. The name, before His wondrous birth, to Christ the Savior given..."- George W. Bethune

Kuna ni...

2011-12-04T10:04:00.001-10:00

Ralph Waldo Emerson, Talking
"The best of life is conversation, and the greatest success is confidence, or perfect understanding between two people..."

Ti Panangayab ken Panangpili ti Dios

2011-11-27T09:51:00.001-10:00

Nasantoan a Mabasa:
Nobiembre 21-27, 2011

Nobiembre 21, 2011 [Lunes]
Maika-325 nga Aldaw
Ezekiel 42
Ezekiel 43
Santiago 5
Salmo 119: 1-16
Proverbs 28: 6-7

Nobiembre 22, 2011 [Martes]
Maika-326 nga Aldaw
Ezekiel 44
Ezekiel 45: 1-12
1 Pedro 1: 1-12
Salmo 119: 17-32
Proverbs 28: 8-10

Nobiembre 23, 2011 [Mierkules]
Maika-327 nga Aldaw
Ezekiel 45: 13-25
Ezekiel 46
1 Pedro 1: 13-25
1 Pedro 2: 1-10
Salmo 119: 33-48
Proverbs 28: 11

Nobiembre 24, 2011 [Huebes]
Maika-328 nga Aldaw
Ezekiel 47
Ezekiel 48
1 Pedro 2: 11-25
1 Pedro 3: 1-7
Salmo 119: 49-64
Proverbs 28: 12-13

Nobiembre 25, 2011 [Biernes]
Maika-329 nga Aldaw
Daniel 1
Daniel 2: 1-23
1 Pedro 3: 8-22
1 Pedro 4: 1-6
Salmo 119: 65-80
Proverbs 28: 14

Nobiembre 26, 2011 [Sabado]
Maika-330 nga Aldaw
Daniel 2: 24-49
Daniel 3
1 Pedro 4: 7-19
1 Pedro 5
Salmo 119: 81-96
Proverbs 28: 15-16

Nasantoan a Mabasa Ita nga Aldaw, Nobiembre 27, 2011 [Domingo] iti Maika 331 iti Ordinario nga Aldaw
Daniel 4
Naadaw iti Maikadua a Surat ni San Pedro 1

[nabulod ti ladawan a naaramat: Idi ayaban ni Jesus ni Simon Pedro a sumurot kenkuana]

Ti Panangayab ken Panangpili ti Dios
-Ti nadiosan a pannakabalin ti Dios ti nangted kadatayo amin a kasapulantayo nga agbiag a nadiosan babaen ti pannakaammotayo iti nangayab kadatayo tapno mairanudtayo iti dayag ken kinaimbagna. Kastoy ti panangtedna kadatayo kadagiti naindaklan ken napapateg a sagut nga inkarina, tapno babaen dagitoy a sagut malisiantayo dagiti makadadael a kinaderrep nga adda ditoy lubong. Iti kasta, makiranudtayo iti nadiosan a kasasaadna. Gapu iti daytoy, ikagumaanyo nga inayon ti kinaimbagna iti pammatiyo; iti kinaimbag, inayonyo ti pannakaammo; iti pannakaammo, inayonyo ti panagteppel; iti panagteppel, ti panagibtur; iti panagibtur, ti panagbuteng iti Dios; iti panagbuteng iti Dios, ti ayat a nainkabsatan; ket iti ayat a nainkabsatan, ti nadiosan nga ayat. Dagitoy ti kababalin a masapulyo, ket no nawadwadda kadakayo, pagagetennakayto ket pagbungaennanto ti pannakaammoyo ken ni Apotayo a Jesu-Cristo. Ngem ti siasinoman nga awanan kadagitoy, arrap a saan a makakita ken nalipatanna a naugasanen kadagiti basbasolna iti napalabas.

Isu't gapuna, kakabsatko, a salimetmetanyo a naimbag ti panangayab ken panangpili ti Dios kadakayo. No aramidenyo ti kasta, pulos a dikayto matnag. Iti kasta, mapalubosankayto a sumrek a siwawayawaya iti agnanayo a Pagarian ni Jesu-Cristo nga Apo ken Mangisalakan kadatayo.

Daytoy ti gapuna a kanayon nga ipalagipko dagitoy kadakayo uray no ammoyon ida ken natibkerkayon iti inawatyo a kinapudno. Pagarupek a rebbengko nga ipalagip kadakayo dagitoy a bambanag bayat ti panagbiagko. Ammok a panawakton daytoy matay a bagi a kas imbaga kaniak ni Apotayo a Jesu-Cristo. Ngarud, aramidek amin a kabaelak tapno kanayon a malagipyo dagitoy a bambanag kalpasan ti ipupusayko.

[nabulod laeng ti ladawan a naaramat]

Dagiti Nakakita iti Dayag ni Cristo
-Dikam nagtalek kadagiti naparbo a sarsarita idi impakaammomi kadakayo ti pannakabalin ni Apotayo a Jesu-Cristo ken ti yaayna. Nakitami a mismo ti kinatan-okna. Addakami idi iti sibayna iti maited kenkuana ti dayaw ken dayag a naggapu iti Dios Ama, idi kuna ti timek iti Katan-okan a Dayag, "Daytoy ti Anakko a dungdungngoek a pakaay-ayoak unay!" Nangngegmi daytoy a timek a naggapu sadi langit idi naikuyogkami kenkuana iti tapaw ti nasantoan a batay.

Iti kasta, dakdakkel manen ti panagtalekmi iti impakaammo dagiti profeta. Pagsayaatanyo no ipangagyo daytoy a kasla maysa a pagsilawan nga agrangrang iti nasipnget a lugar, agingga iti agbannawag, ket agraniag kadagiti pusoyo ti lawag ti bituen ti agsapa. Nangnaruna unay, laglagipenyo nga awan makailawlawag iti uray ania a pdto ti Nasantoan a Surat iti bukodna a panunot. Ta awan a pulos ti padto a nagtaud iti nakem ti tao. Indalan ketdi ti Espiritu Santo dagiti tattao nga agsao iti mensahe a naggapu iti Dios.

Salmo 119: 97-112
Proverbs 28:17-18

Panagbalbaliw

2011-11-27T09:47:00.001-10:00

Napili a Daniw Ita a Lawas

[nabulod laeng ti ladawan a naaramat]

PANAGBALBALIW
ni Rudy Ram. Rumbaoa
[nasurat 11.03.2007]

Kunam kaniak: iti panagsublim lintegem
Dagiti biddut a naaramidam
Ngem diak ammo no mariknam ti mariknak ita
Ta tunggal agsublika iti sidongko, makipagsagabaak.

Wen, tunggal agkamangka ket ipeksam kaniak
Dagiti aramid a nakailaw-anam siak ti masugat,
Kunam: um-umkis iti kaunggam ti panagbabawi
Ngem kas karina kadi a maibabawi ti narasi a kari?

A, naulpit unayen nagbanagan ti gasatmo
Awanen napintas a turongen ti panunotmo
Ta kanayon a mayaleng-aleng dagiti pammagbagak
Ket ti masakbayam, sikanto a mismo't mangrakrak.

Kunam pay kaniak: kayatmo a mapunas
Ganna't nagbiddutam a mangipalagip ti napalabas;
Namin-ano kadin nga inikkam gundaway panagbalbaliwmo,
Apay met a malpay daytoy tarigagay ken arapaapmo?

Ngem kunak: waknitam nga umuna't pagnaam
Tapno awan tubeng ken mangsimbalud dagiti sakam,
Ket liklikamon dagiti aramid a pakaikarunokonam
Lipatem ti nalpas, saem ken nagbanagam
Awagam ti Apo ket dinakanto baybay-am
Namnamaem a mabang-aranto dayta kaunggam.

[CR]rudy.ram.rumbaoa

Pagsasao...

2011-11-27T09:46:00.001-10:00

"Management is nothing more than motivating other people..."- Lee Iacacea

Kuna ni...

2011-11-27T09:45:00.001-10:00

Robert Frost, Writing
"The ear is the only true writer and the only true reader..."

Pannakipagayyem iti Lubong

2011-11-20T10:21:00.001-10:00

[nabulod laeng ti ladawan a naaramat]

Nasantoan a Mabasa:
Nobiembre 14-20, 2011
Nobiembre 14, 2011 [Lunes]
Maika-318 nga Aldaw
Ezekiel 29
Ezekiel 30
Hebreo 11: 32-40
Hebreo 12: 1-13
Salmo 112: 1-10
Proverbs 27: 17

Nobiembre 15, 2011 [Martes]
Maika-319 nga Aldaw
Ezekiel 31
Ezekiel 32
Hebreo 12: 14-29
Salmo 113
Salmo 114
Salmo 114: 1-8
Proverbs 27: 18-20

Nobiembre 16, 2011 [Mierkules]
Maika-320 nga Aldaw
Ezekiel 33
Ezekiel 34
Hebreo 13
Salmo 115: 1-18
Proverbs 27: 21-22

Nobiembre 17, 2011 [Huebes]
Maika-321 nga Aldaw
Ezekiel 35
Ezekiel 36
Santiago 1: 1-18
Salmo 116: 1-19
Proverbs 27: 23-27

Nobiembre 18, 2011 [Biernes]
Maika-322 nga Aldaw
Ezekiel 37
Ezekiel 38
Santiago 1: 19-27
Santiago 2: 1-17
Salmo 117: 1-2
Proverbs 28: 1

Nobiembre 19, 2011 [Sabado]
Maika-323 nga Aldaw
Ezekiel 39
Ezekiel 40: 1-27
Santiago 2: 18-26
Santiago 3
Salmo 118: 1-18
Proverbs 28: 2

Nasantoan a Mabasa Ita nga Aldaw, Nobiembre 20, 2011 [Domingo] iti 324 iti Ordinario nga Aldaw
Ezekiel 40: 28-49
Ezekiel 41
Naadaw iti Surat ni Santiago 4

Pannakipagayyem iti Lubong
-Ania ti pagtaudan dagiti panagaapa ken panagriririyo? Aggapuda kadagiti dakes a tarigagay a kanayon nga agbibinnusor iti unegyo. Kalikagumanyo iti maaddaan kadagiti bambanag ngem diyo matagikua ida, ket sidadaanyokayo a pumatay. Naagumkayo ngem awan magun-odyo, isu't gapuna a makiriri ken makikabilkayo. Diyo maala ti kayatyo gapu ta dikay met agdawat iti Dios. Ket no agdawatkayo, awan maawatyo. Ngamin, dakes ti panggepyo; dagiti laeng agpaay iti pagragsakanyo ti dawatenyo. Tattao a di mapagtalkan! Diyo kadi ammo a maibusor iti Dios ti pannakigayyem iti lubong? Wen, siasinoman a makigayyem iti lubong, maibilang metten a kabusor ti Dios. Diyo ipagarup nga awan serserbi daytoy a paset ti Nasantoan a Surat: "Siiimon ti Dios nga agtarigagay iti espiritu a pinagtaengna kadatayo." Ngem nabilbileg pay ti iparabur ti Dios. Kas nailanad iti Nasantoan a Surat: "Busoren ti Dios dagiti napasindayag nge itedna ti ad-adu a parabur kadagiti napakumbaba." Agtulnogkayo ngarud iti Dios. Sarangtenyo ti Diablo, ket itarayannakayto. Umasidegkayo iti Dios, ket umasidegto met kadakayo. Dakayo a managbasol, buggoanyo dagiti imayo! Dakayo nga aginsisingpet, dalusanyo dagiti pusoyo! Agladingit, agsangit ken aganug-ogkayo. Imbes nga agkatawakayo, agsangitkayo, imbes nga agragsakkayo, agleddaangkayo. Agpakumbabakayo iti sanguanan ti Dios, ket itan-oknakayto.

Ballaag iti Panangukom iti Kabsat
-Dikay agpipinnadakes, kakabsatko. Siasinoman a mangpadpadakes wenno mangukom iti kabsatna, agsao iti maibuso iti Linteg ket ukomenna ti Linteg. No ukomem ti Linteg, saankan a tao a mangtungpal iti Linteg no di ket maysakan a mangukom iti Linteg. Ti Dios laeng ti mangipaulog iti Linteg, isu laeng ti ukom. Isu laeng ti makabael a mangisalakan ken mangdadael . Ngem sika, siasinoka aya a mangukom iti padam a tao?

Ballaag maipapan iti Panagpasindayag
-Ita, denggendak, dakayo nga agkuna: "Ita wenno inton bigat, agbiahekaminto iti maysa a siudad. Agnaedkaminto sadiay iti makatawen. Agnegosiokaminto ket adunto ti maganansiami." Diyo ammo no anianto ti pagbiagyo inton bigat! Ngamin, mayarigkayo iti angep nga agpukaw kalpasan ti apagdarikmat a panagparangna. Ngarud, kastoy koma ti rumbeng a sawenyo: "No ipalubos ni Apo Dios, agbiahekaminto ket aramidenminto daytoy wenno daydiay." Ngem natangsitkayo met. Napasindayagkayo. Dakes amin a kastoy a panagpasindayag. Ngarud, agbasol ti tao a di managramid iti ammona a naimbag.

Salmo 118: 19-20
Proverbs 28: 3-5

No Dika Agridam, Umay Kenka ti Peggad

2011-11-20T10:09:00.001-10:00

Napili a Daniw Ita a Lawas

[nabulod laeng ti ladawan a naaramat]

NO DIKA AGRIDAM, UMAY KENKA TI PEGGAD
ni Rudy Ram. Rumbaoa
[nasurat 12.1.2008]

Addan ngem dimo napakadaan
Nagyanka iti ruar ngem dimo napasungadan
Naruay a gagayyemmo inka pakakumikoman
Iti panagsublina, pudno nga inna insaganaan.

Adu nga uyaw kenkuana idi linikudanna't kalman
Iti panagsublina dimo payen napuotan
Dagiti ketdi naindagaan ti inka pakariribukan
Gapu iti dayta, umay agsingir-umayna lawlawagan.

Kunana: "Imbagakon idi nga agsubliakto iti dennam
Tapno malinteg dagiti killo ken dakes a naaramidam,
Umanayen ti tiempo tapno adda namaliwam
Ngem ti gartem ti pusom isu't sinurotam."

Ita, addaka pay lang nga agkatangkatang
Rumbeng a maikeddeng ti umisu a pannusam;
Pudno a nagsubli ta dimo napakadaan
Kas mannanakaw: dimo ammo't orasna nga agsamsam.

Impukkawna pay ti kaaddana dimo ida mapanawan
Bisio a nangrakrak ken nakapirpirsayan ti kararuam
Dimtengen ti oras tapno sika't agtakder iti sangnguanan
Dagiti aramidmo isuda't pagbatayan iti nagbasolam.

Wen, addan ti Apo, ngem piman ta dimo napakadaan
Kasano ngamin aya ta nagpapasam ragsak a paggartemam,
Ta kunana: "Uray agyanka dita ruar a mangpasungad kaniak
No dika agridam, umay kenka ti peggad!"
[CR]dec.01.2008.by.rudy.ram.rumbaoa

Pagsasao...

2011-11-20T10:08:00.001-10:00

"Fall seven times, stand up eight..."- Japanese Proverbs

Kuna ni...

2011-11-20T10:06:00.001-10:00

George Eliot, Talking
"Blessed is the man, who have nothing to say, abstains from giving wordly evidence of the fact."

Ti Pammati

2011-11-13T10:26:00.001-10:00

[nabulod laeng ti ladawan a naaramat]

Nasantoan a Mabasa:
Nobiembre 7-13, 2011

Nobiembre 7, 2011 [Lunes]
Maika-311 nga Aldaw
Ezekiel 16: 42-63
Ezekiel 17
Hebreo 8
Salmo 106: 13-31
Proverbs 27: 7-9

Nobiembre 8, 2011 [Martes]
Maika-312 nga Aldaw
Ezekiel 18
Ezekiel 19
Hebreo 9: 1-10
Salmo 108: 32-48
Proverbs 27: 10

Nobiembre 9, 2011 [Mierkules]
Maika-313 nga Aldaw
Ezekiel 20
Hebreo 9: 11-28
Salmo 107: 1-43
Proverbs 27: 11

Nobiembre 10, 2011 [Huebes]
Maika-314 nga Aldaw
Ezekiel 21
Ezekiel 22
Hebreo 10: 1-17
Salmo 108: 1-13
Proverbs 27: 12

Nobiembre 11, 2011 [Biernes]
Maika-315 nga Aldaw
Ezekiel 23
Hebreo 10: 18-39
Salmo 109: 1-31
Proverbs 27: 13

Nobiembre 12, 2011 [Sabado]
Maika-316 nga Aldaw
Ezekiel 24
Ezekiel 25
Ezekiel 26
Hebreo 11: 1-16
Salmo 110: 1-7
Proverbs 27: 14

Nasantoan a Mabasa Ita nga Aldaw, Nobiembre 13, 2011 [Domingo], iti Maika-317 iti Ordinario nga Aldaw
Ezekiel 27
Ezekiel 28
Naadaw iti Surat kadagiti Hebreo 11: 17-31

Ti Pammati
-Babaen ti pammati, indaton ni Abraham ni Isaac nga anakna idi suoten ti Dios. Wen, ni Abraham ti nakaitedan ti kari ti Dios, Nupay kasta, sisasagana a mangidaton iti kakaisuna nga anakna. Daytoy ti gapuna a kinuna ti Dios kenkuana, "Tumaudto dagiti kaputotam ken ni Isaac." Binigbig ni Abraham a kabaelan ti Dios a pagungaren ni Isaac; isu't gapuna nga iti sabali a pannao, naisubli ni Isaac kenkuana manipud ken patay.

Babaen ti pammati, inkari ni Isaac kada Jacob ken Esau ti bendision iti masakbayan.

Babaen ti pammati, sakbay ti ipapatay ni Jacob, binendisionanna ti tunggal maysa kadagiti anak ni Jose. Nagsadag iti putan ti sarukodna a nagdaydayaw iti Dios.

Babaen ti pammati, sakbay ti ipapatay ni Jose, imbagana ti ipapanaw dagiti Israelita idiay Ehipto. imbilinna met ti aramidendanto iti bangkayna.

Babaen ti pammati, idi nayanak ni Moises, inlemmeng dagiti dadakkelna iti tallo a bulan. Gapu ta makitada a nalibnos ti ubing, dida nagbuteng a nangsalungasing iti bilin ti ari.

Babaen ti pammati, idi nataenganen ni Moises, dina kinayat ti maibilang nga anak ti anak ti babai ti Faraon. Kinaykayatna ti makipagsagaba kadagiti tattao ti Dios ngem ti pananglak-amna iti di agpaut a ragsak nga ited ti basol. Imbilinna a napatpateg nga adayo ti panagsagabana maipuon ken Cristo ngem ti amin a kinabaknang ti Ehipto agsipud ta kanayon a situturong ti panagkitana iti masakbayan a gungguna.

Babaen ti pammati, pinanawan ni Moises ti Ehipto a di nagbuteng iti pungtot ti ari, dina kinayat ti nagsubli ta kasna la kitkitaen ti Dios a di makita. Babaen ti pammati, insungsongna ti pannakarambak ti Paskua ket pinawarsianna dagiti ridaw iti dara tapno saan a patayen ti Anghel ni Patay dagiti inauna nga anak dagiti Israelita.

Babaen ti pammati, binallasiw dagiti Israelita ti Nalabaga a Baybay. Kasda la nagna iti namaga a daga, ngem nalmes dagiti Ehipsio idi pinadasda ti bumallasiw.

Babaen ti pammati, narba dagiti bakud ti Jerico kalpasan ti panangrikosrikos dagiti Israelita iti pito nga aldaw. Babaen ti pammati, saan a nairaman a napapatay ni Rahab nga immortal a babai idi napapat dagiti simmukir iti Dios agsipud ta siaayat a nangpasangbay kadagiti espia.

Salmo 111: 1-10
Proverbs 27: 15-16

Kambas

2011-11-13T10:21:00.001-10:00

Napili a Daniw Ita a Lawas

[nabulod laeng ti ladawan a naaramat]

KAMBAS
Ni Rudy Ram. Rumbaoa
[11.09.2008]

Sika ti kambas
Iti biagko,
Kenka maay-ayo
Ti pinsel;
Kenka ipulagidna
Ti pinta ni ayat.

Sika ti kambas
A pangipeksaak
Dagiti tagtagaimpek
Tapno kenka
Makitak ti pakabuklan
Dagiti arapaap
A binukel kaunggak.

Sika ti kambas-
Ti biagko
Ti bullalayaw
A napnoan maris
Iti aglawlawko,
'Toy pinsel yugedna
Dagiti dekorasion ti parmata
Yegna't anges iti ladawan
Tapno agpitik puso ket agbiag kaipapanam.

Wen,
Sika ti napintas
A kambas
A pagbiagak
Pangipulagidak
'Toy ayat!

[CR]11.09.08.by.rudy.ram.rumbaoa

Pagsasao...

2011-11-13T10:20:00.001-10:00

"Always bear in mind that your resolution to succeed is more important than any one thing..." -Abraham Lincoln

Kuna ni...

2011-11-13T10:18:00.001-10:00

Mark Twain,Experience
"The man who carries a cat by the tail learns something that can be learned in no other way..."

Ti Sabali a kas ken Melkisedec

2011-11-06T10:28:00.000-10:00

[nabulod laeng ti ladawan a naaramat]

Nasantoan a Mabasa:
Oktubre 31, 2011 - Nobiembre 6, 2011
Oktubre 31, 2011 [Lunes]
Maika-304 nga Aldaw
Lamentations 4
Lamentations 5
Hebreo 2
Salmo 103: 1-22
Proverbs 26: 23

Nobiembre 1, 201 [Martes]
Maika-305 nga Aldaw
Ezekiel 1
Ezekiel 2
Ezekiel 3: 1-15
Hebreo 3
Salmo 104: 1-23
Proverbs 26:24-26

Nobiembre 2, 2011 [Mierkules]
Maika-306 nga Aldaw
Ezekiel 3: 16-27
Ezekiel 4
Ezekiel 5
Ezekiel 6
Hebreo 4
Salmo 104: 24-25
Proverbs 26: 27

Nobiembre 3, 2011 [Huebes]
Maika-307 nga Aldaw
Ezekiel 7
Ezekiel 8
Ezekiel 9
Hebreo 5
Salmo 105: 1-15
Proverbs 26: 28

Nobiembre 4, 2011 [Biernes]
Maika-308 nga Aldaw
Ezekiel 10
Ezekiel 11
Hebreo 6
Salmo 105: 16-36
Proverbs 27: 1-2

Nobiembre 5, 2011 [Sabado]
Maika-309 nga Aldaw
Ezekiel 12
Ezekiel 13
Ezekiel 14: 1-11
Hebreo 7: 1-17
Salmo 105: 37-45
Proverbs 27: 3

Nasantoan a Mabasa Ita nga Aldaw, Nobiembre 6, 2011 [Domingo], iti Maika-310 iti Ordinario nga Aldaw
Ezekiel 14: 12-23
Ezekiel 15
Ezekiel 16: 1-41
Naadaw iti Surat kadagiti Hebreo 7: 18-28

Ti Sabali a kas ken Melkisedec
-Naiwalin ngarud daydi daan a pagannurotan. Nakapuy ngamin ken awan serserbina, ta awan ti inaramid ti Linteg a nagbalin a naan-anay. Ket ita, naiparang ti nasaysayaat nga inanama a pakayasidegantayo iti Dios.

Saan la a dayta. Adda pay sapata ti Dios. Awan kasta a sapata idi nagpadi dagiti sabsabali. Ngem nagbalin a padi ni Jesus babaen ti sapata idi kinuna ti Dios:

   "Nagsapata ti Apo
      ket dinto agbaliw ti panunotna;
    Padika nga agnanayon."

Daytoy ngarud ti namagbalin ken Jesus a mamatalged iti nasaysayaat a tulag.

Adda pay sabali a paggiddiatan: Adu dagiti papadi a nagsasaruno a nadutokan, ta ni patay ti tubeng ti tunggal maysa a nangituloy iti trabahona. Ngem sibibiag nga agnanayon ni Jesus, ket permanente ti kinapadina. Isu't gapuna nga awan pagkurangan ti pannakaisalakanna kadagiti umasideg iti Dios babaen kenkuana agsipud ta agbiag nga agnanayon a mangibabaet kadakuada iti Dios.

Daytoy ngarud ti Kangatoan a Padi a kasapulantayo. Nasantoan, awan tulaw wenno basolna, naisina kadagiti managbasol ket naipangato iti labes dagiti tangatang. Saan a kasla kadagiti dadduma a kangatoan a padi. Saan a masapul nga inaldaw a mangipaay iti daton a maigapu, umuna, iti bukodna a basol, ket kalpasanna, maipuon met kadagiti basol dagiti tattao. Impaaynan a namimpinsan ti maysa a daton idi indatonna a mismo ti bagina. Tudingan ti Linteg ni Moises dagiti tattao nga adda pakapilawanna nga agbalin a padi ngem ti Linteg, tudinganna ti Anak a naaramid nga awan pakapilawanna iti agnanayon.

Salmo 106:1-12
Proverbs 27: 4-6

Namnama

2011-11-06T10:24:00.001-10:00

Napili a Daniw Ita a Lawas

[nabulod laeng ti ladawan a naaramat]

NAMNAMA
ni Rudy Ram. Rumbaoa
[nasurat.8.12.2007/immuna a naipablaak iti
August 2007 Issue ti Fil-Am Observer]

Kadagiti kawaw
a panawen
a panagraira
da buteng ken patay,
nainawka
iti saklot ni dawel;
natagibi
dagiti sardam nga umel.

Iti inkam' panaguray,
nargaan a turog
ti immapay.
Naduayyakam'
iti tiempo a naunday
rigat ken tuok
inkam' imbaklay
a nangpadaan
iti inka isasangbay.

Ngem idi,
ti namnama agpukawen
ngem limtuadka
kas maysa a bituen
a mangsilnag
agkurkurayawen
a demokrasia ken pagilian
nga aglikigen...

Baggakka iti daya
prinsipe ti kappia
iti puso ti pagilia
a naldaangan
inda man maliwliwa.
Ket 'di saibbek,
dung-aw ken saning-i
nasubadanen
iti rag-o ken dir-i!

Anian a nagsam-it
mangnanam iti wayawaya
pudno a kaipapanan
ragsak ken talna.
Dita saklotmo
italekmi kenka
masakbayan
ti Ina a Daga.

[c]2007.by.rudy.ram.rumbaoa

Pagsasao...

2011-11-06T10:19:00.005-10:00

"Mankind is a great, an immense family... This is proved by what we feel in our hearts at Christmas..." -Pope John XXIII

Kuna ni...

2011-11-06T10:18:00.001-10:00

Emily Dickinson, Age
"Old age comes on suddenly, and not gradually as is thought..."

Nagsao ti Dios babaen ti Anakna

2011-10-30T09:40:00.002-10:00

Nasantoan a Mabasa:
Oktubre 24- 30, 2011

[nabulod laeng ti ladawan a naaramat]

Oktubre 24, 2011 [Lunes]
Maika-297 nga Aldaw
Jeremiah 44: 24-30
Jeremiah 45
Jeremiah 46
Jeremiah 47
2 Timoteo 2: 22-26
2 Timoteo 3
Salmo 94: 1-23
Proverbs 26: 6-8

Oktubre 25, 2011 [Martes]
Maika-298 nga Aldaw
Jeremiah 48
Jeremiah 49: 1-22
2 Timoteo 4
Salmo 95
Salmo 96: 1-19
Proverbs 26: 9-12

Oktubre 26, 2011 [Mierkules]
Maika-299 nga Aldaw
Jeremiah 49: 23-39
Jeremiah 50
Tito 1
Salmo 97
Salmo 98: 1-9
Proverbs 26: 13-16

Oktubre 27, 2011 [Huebes]
Maika-300 nga Aldaw
Jeremiah 51: 1-53
Tito 2
Salmo 99:1-9
Proverbs 26: 17

Oktubre 28, 2011 [Biernes]
Maika-301 nga Aldaw
Jeremiah 51: 54-64
Jeremiah 52
Tito 3
Salmo 100: 1-5
Proverbs 26: 18-19

Oktubre 29, 2011 [Sabado]
Maika-302 nga Aldaw
Lamentations 1
Lamentations 2
Filemon 1
Salmo 101: 1-8
Proverbs 26: 20

Nasantoan a Mabasa Ita nga Aldaw, Oktubre 30, 2011 [Domingo], iti Maika-303 iti Ordinario nga Aldaw
Lamentaions 3
Naadaw iti Surat kadagiti Hebreo 1

Nagsao ti Dios babaen ti Anakna
-Kadagidi un-unana nga aldaw, nagsao ti Dios kadagiti ammatayo iti namin-adu a daras ken iti nadumaduma a wagas babaen dagiti profeta. Ngem kadagitoy maudi nga aldaw, nagsao kadatayo babaen ti Anakna. Pinarsua ti Dios ti amin a lubong babaen kenkuana, ket isu ti pinilina nga agtawid kadagiti amin a banag. Ti Anak ti pakakitaan iti raniag ti dayag ti Dios. Isu ti napaypayso a ladawan ti kinadiosna. Isu pay ti mangtartarawidwid iti amin a lubong babaen ti pannakabalin ti saona. Idi naugasannan ti basol dagiti tattao, nagtugaw iti makannawan ti natan-ok a Dios sadi langit.

Natantan-ok ti Anak ngem dagiti Angheles
-Naaramid ti Anak a naturturay ngem dagiti angheles. Nadaydayaw met ti naganna nga inted ti Dios ngem ti naganda. Ta awan a pulos kadagiti angheles ti nangibagaan ti Dios.
   "Sika ti Anakko;
     Ita nga aldaw, nagbalinak nga Amam."

wenno:

   "Siakto ti Amana,
    Ket isunto ti Anakko."

Kuna ti Dios idi dandanina ibaon ti inauna nga Anakna ditoy lubong.

   "Masapul nga agdayaw kenkuana
      dagiti amin nga angheles ti Dios."

Daytoy ti kuna ti Dios no maipapan kadagiti angheles.

   "Pagbalinen ti Dios nga angin dagiti anghelesna.
    Pagbalinenna met a sumsumged nga apuy dagiti adipenna."
Ngem no maipapan iti Anak, kunana daytoy:

   "Ti tronom, O Dios, agnanayon nga awan patinggana!
    Agtugawka a sililinteg iti pagariam.
    Inayatmo ti kinalinteg ngem ginuram ti kinadakes.
    Isu't gapuna a pinilinaka ti Dios, wen, ti Diosmo.
    Ket intedna kenka ti rag-o ti naisangsangayan a dayaw
       a dakdakkel ngem ti intedna kadagiti kakaduam."
Kunana pay:

    "Sika, Apo, ti nangparsua iti daga idi punganay.
     Ket dagiti langit aramid dagiti imam.
     Mapukawdanto, ngem mataginayonka.
     Dumaanto amin kas pagan-anay;
     Kupinemto ida kas maysa a kagay,
        ket masukatandanto kas pagan-anay,
        ngem pulos a dika agbalbaliw, ket dikanto lumakay."
Awan a pulos kadagiti angheles ti nagkunaan ti Dios iti kastoy:

    "Agtugawka ditoy makannawanko,
     Agingga a maparmekko dagiti kabusormo."

Siasino ngarud dagiti angheles?Espirituda amin nga agserserbi iti Dios ket imbaonna ida a tumulong kadagiti umawat iti pannakaisalakan.

Salmo 102: 1-28
Proverbs 26: 21-22

Umil-ilet ti Lubongda

2011-10-30T09:34:00.001-10:00

Napili a Daniw Ita a Lawas

[nabulod laeng ti ladawan a naaramat]

UMIL-ILET TI LUBONGDA
ni Rudy Ram. Rumbaoa
[nasurat 10.08.2007]

Binigat nga inna sarungkaran
Kaingungotna iti pagtaraknan
Balonna't taraon a pagsangngoan
Agdanggayda a mangan iti lamisaan.

Agliman a tawen nga agsagsagaba
Iti sakit ti panunot a pannakalipat
Nupay saanen a malasin ti asawana
Kenkuana, agari ti pateg ken ayat!

Ammo ni Lakay Mindo nga umil-ilet ti lubongda
Ta saanen a kas iti kabanbannuagan ti pigsana,
Kas met ken Baket Petra;
In-inut metten nga agsalug ti salun-atna.

Para kenkuana, napateg ti pannakakitana
Iti kaingungotna nga awanen ti gawayna,
Nasakit man nga awaten ti kinapudno
Panawen met ti ur-urayen ni Lakay Mindo.

Iti tunggal kanito a panagabanse ti oras
Kasla umir-irut ti pannakaigalut a saan a mawaswas,
Ti marikna a pammateg iti kaaddana iti sidongna
Ken mamalukay iti nabayagen a pannakaulila.

Mapneken ni Lakay Mindo a kasarsarita ti asawana
Uray no di sungbatan ni Baket Petra ta awan masaona,
Saan a mababalaw ti Lakay ti nagbalin a bunga
Ta dina maiturayan ti gasat ni Baketna.

Italek laengen ti Lakay iti Dios Apo
Ta no pumusayto ni Baketna isu't sumaruno,
Ngem patienna nga addanto ragsak iti pagtungpalanda
Sadiay langit, ituloyda ti nagpugsat nga ayan-ayatda!

[copyright.2007.rudy.ram.rumbaoa]

Pagsasao...

2011-10-30T09:29:00.003-10:00

"Many of life's failures are people who did not realize how close they were to success when they gave up..."- Thomas A. Edison

Kuna ni...

2011-10-30T09:28:00.000-10:00

William Shakespeare, Love
"To be wise and love exceeds man's might."

Ti Napudno a Soldado ni Cristo

2011-10-23T10:07:00.000-10:00

[nabulod laeng ti ladawan a naaramat]

Nasantoan a Mabasa:
Oktubre 17-23, 2011

Oktubre 17, 2011 [Lunes]
Maika-290 nga Aldaw
Jeremiah 30
Jeremiah 31: 1-26
1 Timoteo 2
Salmo 87: 1-7
Proverbs 25: 18-19

Oktubre 18, 2011 [Martes]
Maika-291 nga Aldaw
Jeremiah 31: 27-40
Jeremiah 32
1 Timoteo 3
Salmo 88: 1-18
Proverbs 25: 20-22

Oktubre 19, 2011 [Mierkules]
Maika-292 nga Aldaw
Jeremiah 33
Jeremiah 34
1 Timoteo 4
Salmo 89: 1-13
Proverbs 25: 23-24

Oktubre 20, 2011 [Huebes]
Maika-293 nga Aldaw
Jeremiah 35
Jeremiah 36
1 Timoteo 5
Salmo 89: 14-37
Proverbs 25: 25-27

Oktubre 21, 2011 [Biernes]
Maika-294 nga Aldaw
Jeremiah 37
Jeremiah 38
1 Timoteo 6
Salmo 89: 38-52
Proverbs 25: 28

Oktubre 22, 2011 [Sabado]
Maika-295 nga Aldaw
Jeremiah 39
Jeremiah 40
Jeremiah 41
2 Timoteo 1
Salmo 30
Proverbs 91: 1-16

Nasantoan a Mabasa Ita nga Aldaw, Oktubre 23, 2011 [Domingo], iti Maika- 296 iti Ordinario nga Aldaw
Jeremiah 42
Jeremiah 43
Jeremiah 44: 1-23
Naadaw iti Maikadua a Surat ni San Pablo ken ni Timoteo 2: 1-21

Ti Napudno a Soldado ni Cristo
-No maipapan kenka, anakko, bumilegka koma babaen ti parabur a kukuatayo iti pannakipagmaymaysatayo ken Cristo Jesus. Ikumitmo kadagiti tattao a mapagtalkan dagiti nangngegmo nga inkasabak iti sangoanan ti adu a saksi. Isudanto met ti mangisuro iti sabali.

Makipagsagabaka a kas napudno a soldado ni Cristo Jesus. Ti soldado nga adda iti serbisio, tarigagayanna a maay-ayo ti opisialna. Iti kasta, adaywanna dagiti inaldaw a parikut ti biag ti sibilian. Ti makilumba, saanna a magun-od ti premio malaksid no surotenna dagiti pagannurotan ti salisal. Ti naanep nga agtaltalon, masapul nga isu ti umuna nga aglak-am ti bunga ti nagbannoganna. Amirisem ti sasawek agsipud ta ikkanakanto ti Apo iti pannakaawat iti amin a banag.

Laglagipem ni Jesu-Cristo a napagungar, isu a nagtaud iti kaputotan ni David. daytoy ti mensahe ti Naimbag a Damag, agsagabaak ket makawaranak pay a kas maysa a kriminal. Ngem saan a makawaran ti sao ti Dios. Isu't gapuna nga ibturak ti amin gapu kadagiti napili a tattao ti Dios tapno awatendanto met ti pannakaisalakan nga adda ken Cristo Jesus, agraman ti agnanayon a gloria. Pudno daytoy a pagsasao:

      "No nairamantayo kenkuana a natay,
          kaduatayonto met nga agbiag.
       No makaibturtayo, makipagturaytayto met
          kenkuana.
       No kunatayo a saantayo nga am-ammo,
          kunananto met a dinatay' am-ammo.
       No pagtallikudantayo, agtalinaed latta a
          sipupudno.
       Agsipud ta dina mabalin a pagtallikudan ti
          bagina."

Ti Maanamongan nga Agserbi iti Dios
-Palagipam dagiti tattao, ket bilinem ida iti sangoanan ti Dios a dida pagsusuppiatan dagiti sasao nga awan imbag nga ibungana, ngem dadaelenna laeng dagiti agdengngeg. Aramidem ti amin a kabaelam a manggu-od iti panagannamong iti Dios, kas maysa nga agtartrabaho a di mangibain iti gapuananna a husto ti panangisurona iti mensahe ti kinapudno ti Dios. Liklikam dagiti saan a nadiosan a panagsasao ken minamaag a panagsusuppiat nga ad-adda a mangyadayo laeng kadagiti tattao iti Dios. Mayarig ti panursuroda iti sakit a kanser nga agwaras a mangdadael iti intero a bagi. Dua kadagitoy a maestro isuda da Himeneo ken Fileto. Simmiasidan iti dalan ti kinapudno ket riribukenda ti pammati dagiti dadduma babaen ti panagkunada a napasamaken ti panagungar. Ngem insaad ti Dios ti natibker ken di magunggon a fondasion, ket nailanad iti daytoy a balikas: "Ammo ti Apo no siasino dagiti tattaona;" ken "Siasinoman nga agkuna nga isu kukua ti Apo, masapul nga adaywanna dagiti dakes nga aramid."

Iti dakkel a balay, adda amin a kita ti pinggan ken malukong. Adda naaramid iti pirak ken balitok; adda met kayo ken damili. Sumagmamano ti para iti naisangsangayan nga aldaw, ket ti dadduma, agpaay kadagiti kadawyan a pannakaaramat.

No adda mangdalus ti bagina kadagitoy dakes a bambanag, mausarto ti naisangsangayan a panggep, agsipud ta napudno ken naserbi iti Apona. Sisasagana nga agserbi iti amin a nasayaat a trabaho.

Salmo 92
Proverbs 93: 1-35

Sika

2011-10-23T10:02:00.000-10:00

Napili a Daniw Ita a Lawas

[nabulod ti ladawan a naaramat]

SIKA
ni Rudy Ram. Rumbaoa
[nasurat 7.13.2008]

Sika
ti paggapuan
ti biag
ti pigsak
ti aramid
ti tiempo
ken darikmat.

Impariknam kaniak
ditoy pusok
ti ayat
tapno punuenna
ti nakarasan a namnama.
Imbus-oymo ti raya ti init
tapno maluktan dagiti matak
tapno makitak
maimutektekak
ti pudno
a kaipapanan ti biag.

Dimo impalubos
a sibbarotennak ti sulisog
tapno agkurno
iti aramid a naindagaan
nga isu't pakailaw-anan.

Sika, O Apo
ti
ubbog
ti biag
a pakasarakak
ti pudno a ragsak.

Kenka ti ayat!

[copyright.2008.by.rudy.ram.rumbaoa]

Pagsasao...

2011-10-23T09:58:00.005-10:00

"If God lived on earth, people would break his windows..."- Jewish Proverbs

Kuna ni...

2011-10-23T09:57:00.002-10:00

C.S. Lewis, Morality
"Human beings, all over the earth, have this curious idea that they ought to behave in a certain way, and can't really get rid of it..."

Ballaag a Maibusor iti Ulbod a Panursuro

2011-10-16T09:56:00.000-10:00

[nabulod laeng ti ladawan a naaramat]

Nasantoan a Mabasa:
Oktubre 10-16, 2011

Oktubre 10, 2011 [Lunes]
Maika-283 nga Aldaw
Jeremiah 14: 11-22
Jeremiah 15
Jeremiah 16: 1-15
1 Tesalonia 2: 9-20
1 Tesalonica 3
Salmo 80: 1-9
Proverbs 25: 1-5

Oktubre 11, 2011 [Martes]
Maika-284 nga Aldaw
Jeremiah 16: 16-21
Jeremiah 17
Jeremiah 18
1 Tesalonica 4
1 Tesalonica 5: 1-3
Salmo 81: 1-16
Proverbs 25: 6-8

Oktubre 12, 2011 [Mierkules]
Maika-285 nga Aldaw
Jeremiah 19
Jeremiah 20
Jeremiah 21
1 Tesalonica 5: 4-28
Salmo 82: 1-8
Proverbs 25: 9-10

Oktubre 13, 2011 [Huebes]
Maika-286 nga Aldaw
Jeremiah 22
Jeremiah 23: 1-20
2 Tesalonica 1
Salmo 83: 1-18
Proverbs 25: 11-14

Oktubre 14, 2011 [Biernes]
Maika-287 nga Aldaw
Jeremiah 23: 21-40
Jeremiah 24
Jeremiah 25
2 Tesalonica 2
Salmo 84: 1-12
Proverbs 25: 15

Oktubre 15, 2011 [Sabado]
Maika-288 nga Aldaw
Jeremiah 26
Jeremiah 27
2 Tesalonica 3
Salmo 85: 1-13
Proverbs 25: 16

Nasantoan a Mabasa Ita nga Aldaw, Oktubre 16, 2011 [Domingo], iti Maika 289 iti Ordinario nga Aldaw
Jeremiah 28
Jeremiah 29
Umuna a Surat ni San Pablo ken ni Timoteo 1

Ballaag a Maibusor iti Ulbod a Panursuro
-Kas indawatko kenka idi agpa-Macedoniaak, kayatko nga agbatika idiay Efeso tapno pasardengem ti sumagmamano a tattao a mangisursuro iti ulbod a panursuro. Ibagam kadakuada nga idiandan dagiti parbo a sarsarita ken dagiti saan nga aggibus a pakasaritaan ti kaputotanda. Panagsusuppiat laeng ti patauden dagitoy, ket saanda a makatulong iti pannakatungpal ti panggep ti Dios a maammuan babaen ti pammati. Ti panggep daytoy a bilin isu ti panangriing ti ayat nga agtaud iti nadalus a puso, nasayaat a konsensia ken napudno a pammati. Simmina ti sumagmamano a tattao kadagitoy a banag ket nayaw-awanda kadagiti awan kapaypay-anna a panagsisinnuppiat. Kayatda ti agbalin a Mamaestro iti Linteg, ngem dida maawatan ti sasawenda wenno dagiti ibagbagada a sitatalged.

Ammotayo a ti Linteg naimbag no la ket nainkalintegan ti pannakaaramatna. Ngem masapul a laglagipen a ti linteg saan a naaramid para kadagiti naimbag a tattao. Naaramid ketdi nga agpaay kadagiti managlabsing iti linteg ken kriminal: kadagiti managbasol ken awanan dios, kadagiti saan a relihioso ken saan a naespirituan; kadagiti tattao a pumatay kadagiti amma wenno innada; kadagiti kidnaper; kadagiti suitik ken ulbod a saksi wenno siasinnoman nga agaramid iti maibusor iti pudno a panursuro. Masarakan dayta a panursuro iti ebanghelio a naitalek kaniak nga ipakaammok; wen, ti Naimbag a Damag nga aggapu iti nadayag ken madaydayaw a Dios.

[basaen pay ti *Panagyaman gapu iti Kaasi ti Dios 1 Tim 1: 12-20]

Salmo 86: 1-17
Proverbs 25: 17

Sika't Pigsak, Ti Pagbiagak

2011-10-16T09:52:00.002-10:00

Napili a Daniw Ita a Lawas

[nabulod laeng ti ladawan a naaramat]

SIKA'T PIGSAK, TI PAGBIAGAK
ni Rudy Ram. Rumbaoa
[nasurat 11.30.2008]

Kaarigko't pitak
naigamer iti babak
iti basol a namulagatak
iti lunod a nagtaudak.
Ngem agbabawiak
no rebbengna nga agpakawanak
iti biddut a naaramidak
gapu ta Sika ti Apo-
ti pagbiagak.

Nawaw ken nabisinanak
impaaymo't biag
a taraon 'toy kararuak,
napnekak
ta linemmesnak iti ayat.

Bulsekak,
ngem linuktam ti matak.
Nayaw-awanak,
ngem kinibinnak.
Naidalebak,
ngem tinulongannak
a bimmangon-sinakroynak.
Nasugatanak,
ngem inagasannak.
Natnagak
ket sinippawnak-

Kenka, O Apo,
Sika ti pigsak-
ti kamangak
ti pagbiagak!

[copyright.november.2008.by.rudy.ram.rumbaoa]

Pagsasao...

2011-10-16T09:48:00.005-10:00

"You always pass failure on the way to success..."-Mickey Rooney

Kuna ni...

2011-10-16T09:47:00.004-10:00

Oliver Wendell Holmes, War & Peace
"Between two groups of people who want to make inconsistent kinds of worlds, I see no remedy by force..."

Ti Panagserbi ni Pablo idiay Tesalonica

2011-10-09T10:12:00.000-10:00

[nabulod ti ladawan a naaramat]

Nasantoan a Mabasa:
Oktubre 3-9, 2011

Oktubre 3, 2011 [Lunes]
Maika-276 nga Aldaw
Jeremiah 1
Jeremiah 2: 1-30
Filipos 4
Salmo 79: 1-10
Proverbs 24: 17-20

Oktubre 4, 2011 [Martes]
Maika-277 nga Aldaw
Jeremiah 2: 31-37
Jeremiah 3
Jeremiah 4:1-18
Colosas 1: 1-17
Salmo 76: 1-12
Proverbs 24: 21-22

Oktubre 5, 2011 [Mierkules]
Maika-278 nga Aldaw
Jeremiah 4: 19-31
Jeremiah 5
Jeremiah 6: 1-15
Colosas 1; 18-29
Colosas 2: 1-7
Salmo 77: 1-20
Proverbs 24: 23-25

Oktubre 6, 2011 [Huebes]
Maika-279 nga Aldaw
Jeremiah 6: 16-30
Jeremiah 7
Jeremiah 8: 1-7
Colosas 2: 8-23
Salmo 78: 1-31
Proverbs 24: 26

Oktubre 7, 2011 [Biernes]
Maika-280 nga Aldaw
Jeremiah 8: 8-22
Jeremiah 9
Colosas 3: 1-17
Salmo 78: 32-55
Proverbs 24: 27

Oktubre 8, 2011 [Sabado]
Maika-281 nga Aldaw
Jeremiah 10
Jeremiah 11
Colosas 3: 18-25
Colosas 4
Salmo 78: 56-72
Proverbs 24: 28-29

Nasantoan a Mabasa Ita nga Aldaw, Oktubre 9, 2011 [Domingo] iti Maika 282 iti Ordinario nga Aldaw
Jeremiah 12
Jeremiah 13
Jeremiah 14: 1-10
Umuna a Surat ni San Pablo kadagiti taga-Tesalonica 1
Umuna a Surat ni San Pablo kadagiti taga-Tesalonica 2: 1-8

Ti Panagserbi ni Pablo idiay Tesalonica
-Pagaammoyo, kakabsat, a saan a nasayang ti isasarungkarmi idi kadakayo. Ammoyo met ti pannakaparparigat ken pannakaibabainmi idiay Filipos sakbay ti yaaymi dita Tesalonica. Nupay kasta, inikkannakami ti Diostayo iti tured a nangipakaammo kadakayo iti Naimbag a Damag nga aggapu kenkuana uray pay no adu dagiti lapped. Ti panangawismi kadakayo saan nga agtaud iti biddut wenno dakes a panggep. Awan met ti panggepmi a mangallilaw iti siasinoman. Kanayon ketdi nga agsaokami iti mayannatup a kayat ti Dios a sawenmi, ta inamungannakami ken intalekna kadakami ti Naimbag a Damag. Saan a dagiti tattao ti ay-ayatenmi, no di ket ti Dios a mangsuot iti panggepmi.

Pagaammoyo unay a dikami immay mangpatpatiray-ok kadakayo. Ammoyo a dimi inaramat dagiti balikas a mangabbong iti kinaagum. Ammo ti Dios! Dimi met kinalikaguman ti panangdayaw ti siasinoman kadakami, dakayo man wenno ti sabsabali, nupay adda kalinteganmi nga umawat koma kadagitoy kas apostol ni Cristo. Ngem naannadkami idi addakami iti dennayo, kas kaannad ti maysa nga ina kadagiti annakna. Gapu iti ayatmi kadakayo, sidadaankami a mangipaay iti biagmi, saan laeng a ti Naimbag a Damag nga aggapu iti Dios. Ngarud, napategkayo unay kadakami!

Salmo 79: 1-13
Proverbs 24: 30-34

No Aglabas ti Tiempo

2011-10-09T10:08:00.001-10:00

Napili a Daniw Ita a Lawas

[nabulod ti ladawan a naaramat]

NO AGLABAS TI TIEMPO
ni Rudy Ram. Rumbaoa
[nasurat 10.9.11]

Adda tiempo ti panagkaradap
Adda tiempo a pannagna,
Adda tiempo nga agsursuro
Adda met tiempo a panagsao.

Adda tiempo ti panagani
Adda tiempo iti panagturog,
Adda tiempo ti panagdakkel
Adda met tiempo iti panagluom.

Adda tiempo iti panagayat
Adda met tiempo iti panagsikog,
Adda tiempo iti panamati
Adda met tiempo tapno mamati.

Adda tiempo ti panagtalek
Adda met tiempo iti panagsangit,
Adda tiempo ti yaadayo
Adda oras iti ipapatay.

Pagsasao...

2011-10-09T10:04:00.002-10:00

"I know how men in exile feed on dreams of hope..." -Aeschylus

Kuna ni...

2011-10-09T10:02:00.004-10:00

Eleanor Roosevelt, Ideas
"Great minds discuss ideas. Average minds discuss events. Small minds discuss people..."

Ti Pudno a Kinalinteg

2011-10-02T11:24:00.001-10:00

Nasantoan a Mabasa:
Setiembre 26, 2011- Oktubre 2, 2011

[nabulod ti ladawan a naaramat]

Setiembre 26, 2011 [Lunes]
Maika-269 nga Aldaw
Isaiah 48: 12-22
Isaiah 49
Isaiah 50
Efeso 4: 17-32
Salmo 69: 1-18
Proverbs 24: 5-6

Setiembre 27, 2011 [Martes]
Maika-270 nga Aldaw
Isaiah 51
Isaiah 52
Isaiah 53
Efeso 5
Salmo 69: 19-36
Proverbs 24: 7

Setiembre 28, 2011 [Mierkules]
Maika-271 nga Aldaw
Isaiah 54
Isaiah 55
Isaiah 56
Isaiah 57: 1-14
Efeso 6
Salmo 70: 1-5
Proverbs 24: 8

Setiembre 29, 2011 [Huebes]
Maika-272 nga Aldaw
Isaiah 57: 15-21
Isaiah 58
Isaiah 59
Filipos 1: 1-26
Salmo 71: 1-24
Proverbs 24: 9-10

Setiembre 30, 2011 [Biernes]
Maika-273 nga Aldaw
Isaiah 60
Isaiah 61
isaiah 62: 1-5
Filipos 1: 27-30
Filipos 2: 1-18
Salmo 72: 1-20
Provers 24: 11-12

Oktubre 1, 2011 [Sabado]
Maika-274 nga Aldaw
Isaiah 62: 6-12
Isaiah 63
Isaiah 64
Isaiah 65
Filipos 2: 19-30
Filipos 3: 1-3
Salmo 73: 1-28
Proverbs 24: 13-14

Nasantoan a Mabasa Ita nga Aldaw, Oktubre 2, 2011 [Domingo] iti Maika-275 iti Ordinario nga Aldaw
Isaiah 66
Naadaw iti Surat ni San Pablo kadagiti taga-Filipos 3: 4-21

Ti Pudno a Kinalinteg
-Mabalinko met ketdi ti agtalek kakasta a banag. No adda mangipagarup a mabalinna ti agtalged kadagiti seremonia, dakdakkel pay ti panagtalgedko. Nakugitak iti maikawalo nga aldaw kalpasan ti pannakayanakko. Nayanakak nga Israelita iti tribu ni Benjamin. Maysaak a puro a Hebreo. No maipapan iti panagannurot iti Linteg dagiti Judio, maysaak idi a Fariseo. No maipapan iti kinapasnek, urayko la indadanes ti iglesia. No maipapan iti kinalinteg babaen ti panagtungpal iti Linteg, awan idi ti pakababalawak. Ngem dagiti amin nga imbilangko a gungguna, ibilangkon a pukaw gapu ken Cristo. Saan la a dayta; ibilangko amin a pukaw gapu iti napatpateg a pannakaammo ken Cristo Jesus nga Apok. Gapu kenkuana, imbellengkon ti amin a banag. Impurruakko aminen a kas rugit tapno magun-odko ni Cristo, ket awan ti pagkurangan ti pannakipagmaymaysak kenkuana. Awanen ti bukodko a kinalinteg, wen, ti kinalintegko a magun-od babaen ti panagtungpal iti Linteg. Adda kaniakon ti kinalinteg a magun-od babaen ti pammati ken Cristo, wen, ti kinalinteg nga agtaud iti Dios, ket maibatay iti pammati. Ti la tarigagayak isu ti pannakaammok ken Cristo, ti pannakapadasko iti pannakabalin ti panagungarna, ti pannakipagsagabak kenkuana ket ti panagbalinko a kas kenkuana iti ipapatayna, bareng no mapagungarakto met.

Panagtaray nga Agturong iti Panungpalan
-Diak kunaen a nagun-odkon daytoy. Diak met kunaen nga awanen pagkurangak. Ikagumaak ketdi a tagikuaen daytoy, agsipud ta tinagikuanakon ni Cristo Jesus. Kinapudnona, kakabsat, diak ibaga a naragpatkon daytoy. Aramidek ketdi ti maysa a banag. Lipatek amin a napalabas ket ipakatko ti amin a kabaelak a manggun-od iti adda iti masangngoanan. Iti kasta, sipipingetak nga agtaray nga agturong iti pangungpalan tapno magun-odko ti gungguna a yaw-awis ti Dios kadatayo iti biag idiay ngato ken babaen ken Cristo Jesus.

Ngarud, kastoy met la koma ti riknatayo amin a nataengan iti pammati. Ngem no adda sumagmamano kadakayo a maigiddiat ti riknana, ilawlawagyo ti Dios daytoy. Ngem uray anianto dayta, agtultuloyto nga agturong iti masangngoanan kas mayannurot iti mismo a pagalagadan a tinungtungpaltayo agingga ita.

Itultuloyyo, kakabsat, ti tumulad kaniak. Nangipakitakami iti naimbag a pagtuladanyo. Tuladenyo met ngarud dagiti sumurot iti daytoy. Namin-adun nga imbagak daytoy kadakayo, ket ita, ibagak manen a buyogan dagiti lulua; Adu dagiti agbalin a kabusor ti ipapatay ni Cristo iti krus gapu iti panagbiagda. Agtungpaldanto idiay infierno. Diosda ngamin ti gartem ti bagida. Pagpalangguadda dagiti rebbengda koma ketdi nga ibain. Ket dagiti laeng nailubongan a bambanag ti pampanunotenda. Ngem dakayo, makipagilitayo sadi langit, ket sigagartayo nga agur-uray iti yaay ti Mangisalakan kadatayo nga aggapu, ni Apo Jesu-Cristo. Baliwananto daytoy nakapuy ken matay a bagitayo, pagbalinennanto a kas nagloriaan a bagina babaen ti isu met laeng a pannakabalin a mamagturay iti amin a banag.

Salmo 74: 1-23
Proverbs 24: 15-16

Tulongannak

2011-10-02T11:20:00.000-10:00

Napili a Daniw Ita a Lawas

[nabulod ti ladawan a naaramat]

TULONGANNAK
ni Rudy Ram. Rumbaoa
[nasurat Oktubre 2, 2011]
Tulongannak a dumgeg
tapno dumakkelakto a nasikap,
tulongannak a mangammo ti naimbag ken dakes
ket magnaakto iti kalsada a diretso.

Tulongannak a mangikabassit iti kinaawan serserbik
ket agbalinakto a managpakumbaba,
tulongannak nga ipaababa ti pungtotko
tapno basbassitto ti bumusor kaniak.

Tulongannak nga agbalin a naasi
ket agbalinto a mannakipagrikna 'toy pusok,
tulongannak nga agbalin a natured
tapno diakto agbalin a managbutbuteng.

Tulongannak a mamakawan
tapno awan gura wenno apal nga im-impenek,
tulongannak nga agsursuro nga agtalek
tapno ti bagik diakto kasapulan a tenglen.

Tulongannak tapno saanak a mangukom
ket agayatakto a siwawaya,
tulongannak nga agbiag iti agdama
tapno saanak nga agtaeng iti napalabas...

Tulongannak a mangbirok iti pammati
ket saanakton nga agmaymaysa...

[copyright.october.2011.by.rudy.ram.rumbaoa]

Pagsasao...

2011-10-02T11:13:00.000-10:00

"Adversity does teach who your real friends are..." -Lois McMaster Beyield

Kuna ni...

2011-10-02T11:11:00.005-10:00

Nachman d' Braislav, Money
"A man's drive for profit should be prompted by the desire tio give charity..."

Ti Panagmaymaysa iti Bagi

2011-09-25T09:27:00.000-10:00

[nabulod laeng ti ladawan a naaramat]

Nasantoan a Mabasa:
Setiembre 19-25, 2011

Setiembre 19, 2011 [Lunes]
Maika-262 nga Aldaw
Isaiah 30: 12-33
Isaiah 31
Isaiah 32
Isaiah 33: 1-9
Galacia 5: 1-12
Salmo 63: 1-11
Proverbs 23:22

Setiembre 20, 2011 [Martes]
Maika-263 nga Aldaw
Isaiah 33: 10-24
Isaiah 34
Isaiah 35
Isaiah 36
Galacia 5: 13-25
Salmo 64: 1-10
Proverbs 23: 24

Setiembre 21, 2011 [Mierkules]
Maika-264 nga Aldaw
Isaiah 37
Isaiah 38
Galacia 65: 1-13
Proverbs 23:24

Setiembre 22, 2011 [Huebes]
Maika-265 nga Aldaw
Isaiah 39
Isaiah 40
Isaiah 41: 1-16
Efeso 1
Salmo 66: 1-20
Proverbs 23: 25-26

Setiembre 23, 2011 [Biernes]
Maika-266 nga Aldaw
Isaiah 41: 17-29
Isaiah 42
Isaiah 43: 1-13
Efeso 2
Salmo 67: 1-7
Proverbs 23: 29-35

Setiembre 24, 2011 [Sabado]
Maika-267 nga Aldaw
Isaiah 43: 14-28
Isaiah 44
Isaiah 45: 1-10
Efeso 3
Salmo 68: 1-18
Proverbs 24: 1-2

Nasantoan a Mabasa Ita nga Aldaw, Setiembre 25, 2011 [Domingo], iti Maika-268 iti Ordinario nga Aldaw
Isaiah 45: 11-25
Isaiah 46
Isaiah 47
Isaiah 48: 1-11
Naadaw iti Surat ni San Pablo kadagiti taga-Efeso 4: 1-16

Ti Panagmaymaysa iti Bagi
-Ngarud, kas maysa a balud gapu iti panagserbik iti Apo, yunay-unayko nga agbiagkayo kas maikari iti nangayaban ti Dios kadakayo. Kanayon koma a napakumbaba, naemma ken naanuskayo. Ipakitayo ti ayatyo babaen ti panagtitinnulongyo. Aramidenyo amin a kabaelanyo a mangtaginayon iti panagmaymaysa nga ited ti Espiritu babaen ti talna a mamagsinggalut kadakayo. Adda maysa a bagi ken maysa nga Espiritu, kas iti kaadda ti maysa a namnama a nangayaban ti Dios kadakayo. Adda maysa nga Apo, maysa a pammati, maysa a buniag. Adda maysa a Dios ken Ama ti amin a tao, Apo ti amin, agtrabaho iti amin ken adda iti amin.

Naikkan ti tunggal maysa kadatayo iti naisangsangayan a sagut kas mayannurot iti rukod nga inted ni Cristo. Kas kuna ti Nasantoan a Surat,

     "Idi immuli sadi langit
      Adu a balud ti inkuyogna.
      Inikkanna iti sagut dagiti tattao."

Ania ti kayat a sawen ti "immuli?" Kayatna a sawen nga immuna nga immulog- wen, immulog iti kaunggan a paset ti daga. Daydi immulog, isu met laeng ti immuli iti ngatoen ken labes ti tangatang tapno punnoenna ti amin a lubong iti kaaddana. Isu ti mangted iti sagut dagiti tattao. Dinutokanna ti sumagmamano nga agbalin nga apostoles, ti dadduma a profeta, ti dadduma nga ebanghelista, ti dadduma a pastor ken maestro. Inaramidna daytoy tapno isaganana dagiti amin a tattao ti Dios iti nakristianoan a panagserbi, tapno maparang-ay ti bagi ni Cristo. Iti kasta, agkaykaysatayo amin iti pammati ken pannakaammo iti Anak ti Dios. Agbalintayo a naan-anay a nataengan a mairukod iti naan-anay a kasasaad ni Cristo. Ket saantayon a kasla ubbing a yallo-allon dagiti dalluyon ken ipalais dagiti agbaliwbaliw nga angin ti panursuro dagiti manangallilaw a tattao a mangyaw-awan babaen iti kinasikapda. Ngem babaen ti panagsao iti pudno a buyogen ti espiritu ti ayat, dumakkeltayo iti amin a banag nga agturong ken Cristo. Isu ti ulo a mamagtutunos iti amin a paset ti bagi, ket agkakamang iti intero a bagi kadagiti nagsusuopan. Isu't gapuna a no agtrabaho ti tunggal paset a kas rebbengna, dumakkel ti sibubukel a bagi ket rumang-ay babaen ti ayat.

Salmo 66: 19-35
Proverbs 24: 3-4

Ti Mangliwliwa

2011-09-25T09:22:00.002-10:00

Napili a Daniw Ita a Lawas

[nabulod laeng ti ladawan a naaramat]

TI MANGLIWLIWA
ni Rudy Ram. Rumbaoa
[nasurat Setiembre 25, 2011
Ti Dios ti patinayon a mangliwliwa kenka
iti kinaulimek ken iti panagkararag,
agnanayon nga adda sadiay tapno dumngeg
nakalukat kenka ti naasi a lapayagna.

Iti kaadda ti Dios mapatalgedan
dagiti isu amin nga agladladingit ken agsagsagaba,

bay-am a ti kappia ti Dios sallukobannaka
tapno mabang-aran ken maay-ayoka.

No italekmo ti kararuam iti Dios
mariknamto ti nailangitan a panaginana,
sadiay mariknamto ti anag ti kappia ken ayat
sadiay awanto ti mangan-ano kenka.

Ket awan pagnguddoan ti panagayat ti Dios
ta ammona amin ti linaon ti panunot ken kararua,
ket uray kasano't kasipnget ti biag a dumteng
ti Dios isu't silaw, sarikedked ken pigsam.

[copyright.september.2011.by.rudy.ram.rumbaoa]

Pagsasao...

2011-09-25T09:14:00.003-10:00

"Aim for success, not perfection. Never give up your right to be wrong, beacuse then you will lose the ability to learn new things and move forward with your life..."- Dr. David M. Burns

Kuna ni...

2011-09-25T09:13:00.000-10:00

D.H, Lawrence, Courage
"The great virtue in life is real courage that knows how to face facts and live beyond them..."

Ti Linteg wenno Pammati?

2011-09-18T10:25:00.004-10:00

[nabulod ti ladawan a naaramat]

Nasantoan a Mabasa:
Setiembre 12-18, 2011

Setiembre 12, 2011 [Lunes]
Maika-255 nga Aldaw
Isaiah 10
Isaiah 11
2 Corinto 12: 11-21
Salmo 56: 1-13
Proverbs 23: 6-8

Setiembre 13, 2011 [Martes]
Maika-256 nga Aldaw
Isaiah 12
Isaiah 13
Isaiah 14
2 Corinto 13: 1-13
Salmo 57: 1-11
Proverbs 23: 9-11

Setiembre 14, 2011 [Mierkules]
Maika-257 nga Aldaw
Isaiah 15
Isaiah 16
Isaiah 17
Isaiah 18
Galacia 1
Salmo 58: 1-11
Proverbs 23: 12

Setiembre 15, 2011 [Huebes]
Maika-258 nga Aldaw
Isaiah 19
Isaiah 20
Isaiah 21
Galacia 2: 1-16
Salmo 59: 1-17
Proverbs 23: 13-14

Setiembre 16, 2011 [Biernes]
Maika-259 nga Aldaw
Isaiah 22
Isaiah 23
Isaiah 24
Galacia 2: 17-21
Galacia 3: 1-9
Salmo 60: 1-12
Proverbs 23: 15-16

Setiembre 17, 2011 [Sabado]
Maika-260 nga Aldaw
Isaiah 25
Isaiah 26
Isaiah 27
Galacia 3: 10-22
Salmo 61: 1-8
Proverbs 23: 17-18

Nasantoan a Mabasa Ita nga Aldaw, Setiembre 18, 2011 [Domingo] iti Maika 261 iti Ordinario nga Aldaw
Isaiah 28: 14-29
Isaiah 29
Galacia 3: 23-29
Galacia 3

Ti Linteg wenno Pammati?
-Dakayo a nakuneng a taga-Galacia! Siasinno aya ti nangallilaw kadakayo? Nalawag la ngaruden a naipakita kadakayo a nailansa ni Jesu-Cristo iti krus! Saludsodek man daytoy kadakayo: Inawatyo kadi ti Espiritu ti Dios babaen ti panagtungpalyo iti ipaannurot ti Linteg wenno babaen ti panagdengngeg ken panamatiyo iti ebanghelio? Nagkunengkayon! Nangrugikayo iti Espiritu ti Dios; ita, kayatyo kadin ti agleppas iti kabukbukodanyo a pigsa? Pulos kadi nga awan serserbi dagiti amin a padasyo? Kunak nga adda! Iti panangted ti Dios ti Espirituna ken panagaramidna iti milagro kadakayo, aramidenna kadi agsipud ta tungtungpalenyo ti ipaannurot ti Linteg wenno gapu ta dumngeg ken mamatikayo iti ebanghelio?

Agpayso ti kuna ti Nasantoan a Surat maipapan ken Abraham: "Namati ni Abraham iti Dios. Gapu iti pammatina, imbilang ti Dios a nalinteg." Ngarud, masapul a bigbigenyo a dagiti addaan pammati isuda ti napaypayso nga anak ni Abraham. Impakpakauna ti Nasantoan a Surat a palintegen ti Diosn dagiti Gentil babaen ti pammati idi nayun-una a naipakaammo ti Naimbag a Damag ken Abraham: "Gapu kenka, bendisionanto ti Dios dagiti amin a tattao ditoy daga." Namati ni Abraham ket nabendisionan. Mabendisionan met ngarud dagiti amin a mamati a kas kenkuana.

Nailunod dagiti agtalged iti panagtungpalda iti Linateg. Ta kuna ti Nasantoan a Surat: "Mailunod ti siasinoman a saan nga agtungpal iti amin a naisurat iti libro ti Linteg!" Ita, nalawag nga awan tao nga agbalin a nalinteg iti sangoanan ti Dios babaen ti Linteg. Ta kuna ti Nasantoan a Surat, "Agbiagto ti pinalinteg ti Dios babaen ti pammati." Ngem saan nga agbatay ti Linteg iti pammati, no di ket kas kuna ti Nasantoan a Surat, "Agbiagto babaen ti Linteg ti siasinoman a mangannurot iti amin nga ipaannong ti LInteg."

Ngem winayawayaannatayon ni Cristo iti lunod ti Linteg babaen ti panagbalinna a lunod gapu kadatayo. Kas kuna ti Nasantoan a Surat, "Mailunod ti siasinoman a maibitin iti kayo." Inaramid ni Cristo daytoy tapno maited kadagiti Gentil ti bendision nga inkari ti Dios ken ni Abraham babaen ken Cristo Jesus, ket awatentayo koma ti Espiritu nga inkari ti Dios babaen ti pammati.

[kitaen pay *Ti Linteg ken Kari 3:15-20; Ti Panggep ti Linteg 3: 21-28]

Salmo 62: 1-12
Proverbs 23: 19-21

AWAN PAGPATINGGAAN DAGITI POSIBILIDAD

2011-09-18T10:21:00.000-10:00

Napili a Daniw Ita a Lawas

[nabulod ti ladawan a naaramat]

AWAN PAGPATINGGAAN DAGITI POSIBILIDAD
ni Rudy Ram. Rumbaoa
[nasurat Setiembre 18, 2011]

No kabaelam a panunoten
mapasamak dayta,
ta ti kapampanunotan agbalin a realidad
posibilidad nga agrusing, agtubo ken dumakkel.

Aniaman a banag mabalin a mapasamak
amin a posibilidad, mapaadda;
dimo supringen
luktam ti panunotmo.

No naudika iti kinamanagpaltuad,
agpasensiaka ken mamatika
ta dumtengto ti umisu a tiempo;
awan ti saan ket magun-odmonto't kalikagummo.

Iti bileg ti kararag
ti Espiritu ti Dios sumrek kenka,
umay kenka ti Nailangitan a sirib
ket maaramidmonto ti aniaman a kayatmo nga aramiden.

[copyright.september.2011.by.rudy.ram.rumbaoa]

Pagsasao...

2011-09-18T10:16:00.001-10:00

"Real success is finding your lifework in the work that you love..." -David McCullough

Kuna ni...

2011-09-18T10:15:00.000-10:00

Kuna ni...
Theodore Roosevelt, Miscellaneous
"Do what tou can, with what you have, where you are..."

Dagiti Parmata ken Naipaltiing ken ni Pablo

2011-09-11T11:42:00.000-10:00

[nabulod ti ladawan a naaramat]

Nasantoan a Mabasa:
Setiembre 5-11, 2011

Setiembre 5, 2011 [Lunes]
Maika-248 nga Aldaw
Ecclesiastes 10
Ecclesiastes 11
Ecclesiastes 12
2 Corinto 8:1-15
Salmo 49: 1-20
Proverbs 22: 20-21

Setiembre 6, 2011 [Martes]
Maika-249 nga Aldaw
Song of Solomon 1
Song of Solomon 2
Song of Solomon 3
Song of Solomon 4
2 Corinto 8: 16-24
Salmo 50: 1-23
Proverbs 22: 22-23

Setiembre 7, 2011 [Mierkules]
Maika-250 nga Aldaw
Song of Solomon 5
Song of Solomon 6
Song of Solomon 7
Song of Solomon 8
2 Corinto 9
Salmo 51:1-19
Proverbs 22: 24-25

Setiembre 8, 2011 [Huebes]
Maika-251 nga Aldaw
Isaiah 1
Isaiah 2
2 Corinto 10
Salmo 52: 1-9
Proverbs 22: 26-27

Setiembre 9, 2011 [Biernes]
Maika-252 nga Aldaw
Isaiah 3
Isaiah 4
Isaiah 5
2 Corinto 11: 1-15
Salmo 53: 1-6
Proverbs 22: 28-29

Setiembre 10, 2011 [Sabado]
Maika-253 nga Aldaw
Isaiah 6
Isaiah 7
2 Corinto 11: 16-33
Salmo 54: 1-7
Proverbs 23: 1-3

Nasantoan a Mabasa ita nga Aldaw, Setiembre 11, 2011 [Domingo] iti Maika 254 iti Ordinario nga Aldaw
Isaiah 8
Isaiah 9
Naadaw iti Maikadua a Surat ni San Pablo kadagiti taga-Corinto 12: 1-10

Dagiti Parmata ken Naipaltiing ken ni Pablo
Masapul nga agpasindayagak, uray no awan ti maitedna. Ngem saritaek dagiti parmata ken paltiing nga inted kaniak ti Apo.

Am-ammok ti maysa a Cristiano a naipangato iti maikatlo a langit. Sangapulo ket uppat a tawenen ti napalabas [diak ammo no sibabagi wenno saan- ti Dios laeng ti makaammo]. Ulitek, ammok a naipangato daytoy idi Paraiso. [Kas nasaokon, diak ammo no sibabagi wenno saan- ti Dios laeng ti makaammo].
Nangngegna sadiay dagiti banag a di mabalin a saritaen, a saan koma a sawen ti tao. Iti kasta, ipasindayagko daytoy a tao-ngem saanko nga ipasindayag ti bagik, malaksid dagiti banag a mangipakita iti kinakapsutko. No kayatko ti agpasindayag, saanak a maysa a maag ta pudno ti sasawek. Ngem saanak nga agpasindayag gapu ta diak kayat nga adda mangpagarup a nangatngatoak ngem iti nakitana nga inaramidko wenno nangngegna a sinaok.

Tapno saanak a tumangsit gapu kadagiti adu a naisangsangayan a banag a nakitak, naikkanak iti nasaem nga an-anayen nga inkabil ni Satanas a mangparigat kaniak tapno saanak nga agtangtangsit. Namitlo a nagdawatak iti Apo a maikkat kaniak daytoy. Ngem insungbatna kaniak: "Umanayen kenka ti paraburko, ta napigpigsa ti pannakabalinko no nakapkapsutka." Ngarud, maragsakanak unay a mangitangsit iti aniaman a kinakapsutko tapno mariknak ti pannalaknib ti pannakabalin ni Cristo. Siaayatak nga umawat kadagiti kinakapsut, pannakapabain, rigat, pannakaidadanes ken panagsagaba maipuon ken Cristo. Ta napigsaak iti kanito a nakapsutak.

Salmo 55: 1-23
Proverbs 23: 4-5

Pammati

2011-09-11T11:38:00.000-10:00

Napili a Daniw Ita a Lawas

[nabulod ti ladawan a naaramat]

PAMMATI
ni Rudy Ram. Rumbaoa
[nasurat.setiembre.11.2011]

Papigsaem ti pammatik, O Apo,
Umayak kenka a sipapakumbaba, agdawat;
Palubosannak iti pangawatan ti sumarungkar
A no sadino, addaka sadiay nga agparang...

Mayannurot iti nangato a linteg ti pannakaawat
Iti labes ti abilidadko a makakita,
Saanen a kasapulan ti lohika a pammaneknek
No di ket agtalek ken agari't kinapudno a panamati.

Pugasen ti pammati ti aniaman a panagduadua
In-inut a mapukaw ti kinakapuy ken kaawan talinaay-nakem,
Ti ayat ken rag-o ti mangpunno iti pusok
A kaduak ti pammati, awanto't pagamkak-pagbutngak!

[copyright.september.2011.by.rudy.ram.rumbaoa]

Pagsasao...

2011-09-11T11:33:00.005-10:00

"To love it to receive a glimpse of heaven..." -Karen Sunde

Kuna ni...

2011-09-11T11:32:00.004-10:00

Pablo Picasso, Art

"Art is the lie that tells the truth..."

Ti Ragsak ni Pablo

2011-09-04T08:22:00.002-10:00

Nasantoan a Mabasa:
Agosto 29, 2011-Setiembre 4, 2011

[nabulod ti ladawan a naaramat]

Agosto 29, 2011 [Lunes]
Maika-241 nga Aldaw
Job 31
Job 32
Job 33
2 Corinto 3
Salmo 43: 1-5
Proverbrs 22: 8-9

Agosto 30, 2011 [Martes]
Maika-242 nga Aldaw
Job 34
Job 35
Job 36
2 Corinto 4: 1-12
Salmo 44: 1-8
Proverbs 22: 10-12

Agosto 31, 2011 [Mierkules]
Maika-243 nga Aldaw
Job 37
Job 38
Job 39
2 Corinto 4: 13-18
2 Corinto 5: 1-10
Salmo 44: 9-26
Proverbs 22: 13

Setiembre 1, 2011 [Huebes]
Maika-244 nga Aldaw
Job 40
Job 41
Job 42
2 Corinto 5: 11-21
Salmo 45: 1-17
Proverbs 22: 14

Setiembre 2, 2011 [Biernes]
Maika-245 nga Aldaw
Ecclesiastes 1
Ecclesiastes 2
Ecclesiastes 3
2 Corinto 6: 1-13
Salmo 46: 1-11
Proverbs 22: 15

Setiembre 3, 2011 [Sabado]
Maika-246 nga Aldaw
Ecclesiastes 4
Ecclesiastes 5
Ecclesiastes 6
2 Corinto 6: 14-18
2 Corinto 7: 1-7
Salmo 47: 1-9
Proverbs 22: 16

Nasantoan a Mabasa Ita nga Aldaw, Setiembre 4, 2011 [Domingo] iti Maika 247 iti Ordinario nga Aldaw
Ecclesiastes 7
Ecclesiastes 8
Ecclesiastes 9
Naadaw iti Maikadua a Surat ni San Pablo kadagiti taga-Corinto 7: 8-16

Ti Ragsak ni Pablo
Ta uray no pinagladingitnakayo ti suratko, saanak nga agbabawi a nangisurat. Maldaanganak koma ta makitak a pinagladingitkayo iti apagbiit dayta a surat. Ngem maragsakanak ita- saan a gapu ta pinagladingitkayo, no di ket pinagbabawinakayo ti ladingityo. Inusar ti Dios dayta a ladingityo, ket saandakayo ngarud a dinangran. Ta inaramat ti Dios dayta a ladingit a pinamagbabawi kadakayo tapno maidalankayo iti pannakaisalakan- ket awan babawi iti dayta! Ngem makapatay ti nailubongan a ladingit. Kitaenyo ti namay-an ti Dios ti ladingityo! Pinaregtanakayo unay, pinaragsaknakayo unay a mangipaneknek nga awan ti basolyo! Anian a rurod, anian a buteng, anian nga iliw, anian nga anep a mangdusa! Dakayo a mismo ti nangipakita nga awan ti pakapilawanyo iti daytoy a banag.

Isu a nupay nagsuratak iti kasta, insuratko a saan a gapu iti nakabasol wenno iti naranggasan. Ngem insuratko tapno ilawlawagko kadakayo, iti imatang ti Dios, no kasano ti panangipategyo kadakami. Daytoy ti gapuna a mapapigsakami.

Saankami la a napapigsa, no di ket naragsakankami pay iti kinaragsak ni Tito iti panangtulongyo amin kas pangiliwliwayo kenkuana. Impasindayawkayo kenkuana ket saandak a pinaay. Kanayon nga ibagami kadakayo ti pudno. Kasta met a napaneknekan a pudno ti panangipapasmi ken ni Tito. Isut gapuna a bumarbara ti ayatna kadakayo no malagipna ti sisasagana a panagtungpalyo, ti panangsangailiyo kenkuana a binuyogan iti buteng ken pigerger. Anian a ragsakko ta naan-anay ti panagtalekko kadakayo.

Salmo 48: 1-14
Proverbs 22: 17-18

Karma

2011-09-04T08:19:00.001-10:00

Napili a Daniw Ita a Lawas

[nabulod ti ladawan a naaramat]

KARMA
ni Rudy Ram. Rumbaoa
[nasurat Setiembre 4, 2011]

Dimo maliklikan
Ket dimonto maitarayan
Naimaldit ti amin nga aramidmo
Magtenganto ti aldaw a pannakaukommo

Ania man nga intedmo agsublinto kenka
No ania daytoy awatemto a dagus ti husto
Ti supapak ti inaramid umayto nga umay
Ket direkta nga agsubli kenka kas bayadmo

Tunggal aramidmo ammo ti Dios
Pinartuatmo't bukod a gasat ti destinasionmo
Sika't nangpili no daytoy ket naimbag wenno dakes
Ket iti tunggal desision bukodmonto ti pangngeddeng.

Pagsasao...

2011-09-04T08:16:00.000-10:00

"Chance is always powerful. Let your hook be always cast; in the pool where you least expect it, there will be a fish..." -Ovid

Kuna ni...

2011-09-04T08:14:00.005-10:00

C.S. Lewis, Christianity
"Now is our chance to choose the right side. God is holding back to give us that chance. It won't last forever. We must take it or leave it..."

Balligi babaen ken Cristo

2011-08-28T09:29:00.001-10:00

[nabulod ti ladawan a naaramat]

Nasantoan a Mabasa:
Agosto 22-28, 2011
Agosto 22, 2011 [Lunes]
Maika-234 nga Aldaw
Job 4
Job 5
Job 6
Job 7
1 Corinto 14: 18-40
Salmo 37: 30-40
Proverbs 21: 27

Agosto 23, 2011 [Martes]
Maika-235 nga Aldaw
Job 8
Job 9
Job 10
Job 11
1 Corinto 15: 1-28
Salmo 38: 1-22
Proverbs 21: 29-29

Agosto 24, 2011 [Mierkules]
Maika-236 nga Aldaw
Job 12
Job 13
Job 14
Job 15
1 Corinto 15: 29-58
Salmo 39: 1-13
Proverbs 21: 30-31

Agosto 25, 2011 [Huebes]
Maika-237 nga Aldaw
Job 16
Job 17
Job 18
Job 19
1 Corinto 16
Salmo 40: 1-10
Proverbs 22: 1

Agosto 26, 2011 [Biernes]
Maika-238 nga Aldaw
Job 20
Job 21
Job 22
2 Corinto 1: 1-11
Salmo 40: 11-17
Proverbs 22: 2-4

Agosto 27, 2011 [Sabado]
Maika-239 nga Aldaw
Job 23
Job 24
Job 25
Job 26
Job 27
2 Corinto 1: 12-24
2 Corinto 2: 1-11
Salmo 41: 1-13
Proverbs 22: 5-6

Nasantoan a Mabasa Ita nga Aldaw, Agosto 28, 2011 [Domingo], Maika-240 iti Ordinario nga Aldaw
Job 28
Job 29
Job 30
Naadaw iti Maikadua a Surat ni San Pablo kadagiti taga-Corinto 2: 12-17

Ti Nagdanagan ni Pablo idi Adda idiay Troas
Idi dimtengak idiay Troas tapno ikasabak ti Naimbag a Damag maipapan ken Cristo, natakuatak a linuktan ti Apoi ti dalan nga agpaay iti trabaho sadiay. Ngem nagdanagak unay ta diak nasarakan ti kabsattayo a Tito. Isu a nagpakadaak kadagiti kakabsat sadiay, ket napanak idiay Macedonia.

Balligi babaen ken Cristo
Ngem yaman pay iti Dios. Iti pannakipagmaymaysami ken Cristo, kanayon a kaskami la balud nga idalan ti parada ti panagballigi. Aramatennakami ti Dios iti nabanglo nga ayamuom nga agsaknap iti amin a suli a mangipakaammo ken Cristo kadagiti amin a tao. Mayarigkami iti nabanglo nga insenso a puoran ni Cristo a maidaton iti Dios ket agwaras kadagiti maisalakan ken mapukaw. Kadagiti mapukpukaw, makapatay daytoy nga ayamuom; kadagiti maisalakan, makabiag. Siasino ngarud ti makabael daytoy a trabaho? Saankami a mayarig kadagiti kaaduan a mangipakaammo iti sao ti Dios a kasla ket tay nalaka a tagilakon ti mensahena. Ngem gapu ta imbaonnakami ti Dios, sipupudnokami nga agsao iti sangnguanna, kas adipen ni Cristo.

Salmo 42: 1-11
Proverbs 22: 7