Ipaduyakyak ni Pedro ti Kinasiasino ni Jesus

Nasantoan a Mabasa:
Pebrero 20-26, 2012

Pebrero 20, 2012 [Lunes]
Maika-51 nga Aldaw
Leviticus 9: 7-24
Leviticus 10
San Marcos 4: 26-41
San Marcos 5: 1-20
Salmo 37: 30-40
Proverbs 10: 6-7

Pebrero 21, 2012 [Martes]
Maika-52 nga Aldaw
Leviticus 11
Leviticus 12
San Marcos 5: 21-43
Salmo 38: 1-22
Proverbs 10: 8-9

Pebrero 22, 2012 [Mierkules]
Maika-53 nga Aldaw
Leviticus 13
San Marcos 6: 1-29
Salmo 39: 1-13
Proverbs 10:10

Pebrero 23, 2012 [Huebes]
Maika-54 nga Aldaw
Leviticus 14
San Marcos 6: 30-56
Salmo 40: 1-10
Proverbs 10: 11-12

Pebrero 24, 2012 [Biernes]
Maika-55 nga Aldaw
Leviticus 15
Leviticus 16: 1-28
San Marcos 7: 1-23
Salmo 40: 11-17
Proverbs 10: 13-14

Pebrero 25, 2012 [Sabado]
Maika-56 nga Aldaw
Leviticus 16: 29-34
Leviticus 17
Leviticus 18
San Marcos 7: 24-37
San Marcos 8: 1-10
Salmo 41: 1-13
Proverbs 10: 15-16

Nasantoan a Mabasa Ita nga Aldaw, Pebrero 26, 2012 [Domingo], iti Maika-57 nga Aldaw
Leviticus 19
Leviticus 20: 1-21
San Marcos 8: 11-38

Agkiddaw dagiti Fariseo iti Milagro
[Mat 16: 1-4]
-Napan ti sumagmamano a Fariseo ken Jesus ket nakisuppiatda kenkuana. Kas pangsuotda kenkuana, kiniddaw a mangiparang iti milagro a pakakitaan a naggapu sadi langit ti pannakabalinna.

Nagsennaay ni Jesus iti nauneg ket kinunana, "Apay nga agkiddaw iti milagro dagiti tattao kadagitoy nga aldaw? Kunak kadakayo nga awan ti maited a milagrto kadagiti tattao kadagitoy nga aldaw."

Pinanawanna dagiti tattao ket naglugan iti bilog sa nagturong iti ballasiw ti dan-aw.

Ti Lebadura dagiti Fariseo ken Lebadura ni Herodes
[Mat 16: 5-12]
-Nalipatan dagiti adalanna ti nagbalon iti tinapay malaksid ti maysa nga adda kadakuada iti bilog. "Agsiputkayo!" imballaag ni Jesus kadakuada. "Annadanyo ti lebadura dagiti Fariseo, kasta met ti lebadura ni Herodes."

Nagsasaritaanda ti imbagana. "Kasta ti saona ta awan tinapaytayo," kinunada.

Nadlaw ni Jesus daytoy ket kinunana, "Apay a pagsasaritaanyo ti kaawan tinapayyo? Diyo pay kadi ammo wenno maawatan? Nengnengkayo kadi? Adda matayo, dikay kadi makakita? Adda lapayagyo, dikay kadi makangngeg? Diyo kadi malagip iti pinispisik dagiti lima a tinapay a kinnan dagiti limaribu a tattao? Mano a basket ti tedda nga inurnongyo?"

"Sangapulo ket dua," insungbat dagiti adalan.

"Idi pinispisik dagiti pito a tinapay a kinnan dagiti uppat a ribu a tattao," sinaludsod ni Jesus, "mano ti basket ti tedda ti naurnongyo?"

"Pito," insungbatda. Kinuna ni Jesus kadakuada, "Agpapan ita, diyo kadi pay la maawatan?"

Paimbagen ni Jesus ti Lalaki a Bulsek idiay Betsaida
-Simmangpet ni Jesus ken dagiti adalanna idiay Betsaida. Impan ti sumagmamano a tattao ti maysa bulsek a lalaki iti yan ni Jesus. Dinawatda kenkuana a sagidenna koma ti bulsek.

Kinibini ni Jesus ti bulsek ket inturong iti ruar ti bario. Kalpasan ti panangtuprana kadagiti mata ti bulsek, impatayna dagiti imana kenkuana sana sinaludsod, "Adda makitam?"

Inwaras ti lalaki ti panagkitana. "Wen, makitak dagiti magmagna a tattao," kinunana, "ngem kasda la kayo."

Sinagid manen ni Jesus dagiti mata  ti lalaki. Nagmulagat a naimbag ti lalaki ket naimbaganen dagiti matana. Nalawagen ti panagkitana iti amin.

Idi pagawiden ni Jesus ti lalaki, imbilinna, "Dika dumagdagasen iti bario."

[nabulod laeng ti ladawan a naaramat]

 Ipaduyakyak ni Pedro ti Kinasiasino ni Jesus
[Mat 16: 13-20; Luc 9: 18-21]
-Napan ni Jesus agraman dagiti adalanna kadagiti purok ti Cesarea ni Felipe.

"Ibagayo man kaniak," sinaludosod ni Jesus kadakuada idi magmagnada. "Siasinoak kano iti panagkuna dagiti tattao?"

"Sika kano ni Juan Mammuniag," insungbatda. "Kuna dagiti dadduma a sika kano ni Elias. Adda pay agkuna a maysaka kadagiti profeta."

"Ket dakayo met," sinaludsodna, "siasinoak ti panagkunayo?"

"Sika ti Cristo," insungbat ni Pedro.

Imbilin ni Jesus kadakuada nga awan pangibagbagaanda iti kinasiasinona.

Ipakaammo ni Jesus iti Ipapatay ken Panagungarna
[Mat 16: 21-28; Luc 9: 22-27]
-Impakaamo ni Jesus kadagiti adalanna a masapul nga agsagabanto iti napalo ti Anak ti Tao. Umsiento dagiti panglakayen, dagiti panuloen a papadi ken dagiti mamaestro ti Linteg. Mapapatayto ngem agungar met laeng kalpasan ti tallo nga aldaw. Nalawag iti panangibagana kadakuada daytoy. Isu't gapuna nga inyadayo bassit ni Pedro ni Jesus sana binabalaw. Ngem tinaliaw ni Jesus dagiti adalanna ket pinerrengna ida sana inungtan ni Pedro. "Adaywannak, Satanas," kinunana, "ta saan a ti pagayatan ti Dios ti pampanunotem no di ket ti pagayatan ti tao."

Pinaasideg ni Jesus dagiti tattao ken dagiti adalanna. "Ti agtarigagay a sumurot kaniak," kinunana, "masapul a tallikudanna ti bagina, ibaklayna ti krusna ket surotennak. Ta ti siasinoman a mangipatpateg ti biagna, mapukawnanto; ngem ti mangyawat iti biagna gapu kaniak ken iti ebanghelio, maisalakanto. Adda aya magungguna ti tao no matagikuana ti entero a lubong ngem mapukawna met ti biagna? Awan! Awan ti mabalin nga ited ti tao a pangsubbot iti biagna. Ngarud, ti mangibain kaniak ken dagiti saok iti daytoy managbasol ken awanan pammati a kaputotan, ibainto met ti Anak ti Tao inton umay iti dayag ni Amana a kuyogen dagiti nasantoan nga angheles."

Salmo 42: 1-11
Proverbs 10: 17

No Awanakton

Napili a Daniw Ita a Lawas

[nabulod laeng ti ladawan a naaramat]

NO AWANAKTON
[Pananglagip ken ni Emeterio T. Rumbaoa,
Feb. 14, 1910- Feb. 27, 1996]
ni Rudy Ram. Rumbaoa
[nasurat.2.26.2012/maui]

 
No awanakton palubosannak
Wen palubosannak, adu ti rumbeng
A makita ken aramidek
Saanmo koma nga igalut ti bagim kaniak
Babaen kadagita lua-
Agrag-oka ta adu dagiti namaris
A tawen a nagkadduaanta;
Intedko kenka 'toy ayatko
Mabalinmo a pugtoan no kasano't kaadu
Impaaymo kaniak ti ragsak ta mariknak ida
Ket agyamanak iti dayta nga ayat.

Ngem nadanonanen ti oras
Nga agbaniagaak nga agmaymaysa
Agladingitka iti apagbiit-
No ti panagleddaangmo ti nasken,
Bay-am nga agbati ti ladingit tapno maliwliwa
Babaen iti inka panagtalek kaniak.

Wen, apagbiit laeng ti panaginnadayota
Ket sapay koma ta mabendisionan
Dagiti lagip iti pusom,
Saanakto nga adda iti adayo ngem agtultuloyto ti biag;
Isu a no kasapulannak
Awagan ket umayakto
Nga uray dinak makita
Wenno maaprosan, addaakto laeng iti asideg.

Ket denggem ti ibaga ti pusom
Mangngegmonto
Ti ayatko addanto latta iti lawlawmo
Ti napinas ken nalawag,
Ken no kayatmo iti umay nga agmaymaysa
Kablaawankanto a siisem ket kunak:
"Naragsak nga Isasangbaymo!"

[copyright.2.2012.by.rudy.ram.rumbaoa/maui]

Pagsasao...

"When you drink the water, remember the spring..."-Chinese Proverbs

Kuna ni...

Woodrow Wilson, Miscellaneous
"Cherish the visions and your dreams as they are the children of your soul; the blue prints of your ultimate achievements..."

The Battle Belongs To The Lord

I See The Lord- Maranatha Music

We Choose The Fear of the Lord

Pangngarig Maipapan iti Agmulmula

Nasantoan a Mabasa:
Pebrero 13-19, 2012

Pebrero 13, 2012 [Lunes]
Maika-44 nga Aldaw
Exodus 35: 10-35
Exodus 36
San Mateo 27: 32-66
Salmo 34: 1-10
Proverbs 9: 7-8

Pebrero 14, 2012 [Martes]
Maika-45 nga Aldaw
Exodus 37
Exodus 38
San Mateo 28
Salmo 34: 11-22
Proverbs 9: 9-10

Pebrero 15, 2012 [Mierkules]
Maika-46 nga Aldaw
Exodus 39
Exodus 40
San Marcos 1: 1-26
Salmo 35: 1-16
Proverbs 9: 11-12

Pebrero 16, 2012 [Huebes]
Maika-47 nga Aldaw
Leviticus 1
Leviticus 2
Leviticus 3
San Marcos 1: 29-45
San Marcos 2: 1-12
Salmo 35: 17-28
Proverbs 9: 13-18

Pebrero 17, 2012 [Biernes]
Maika-48 nga Aldaw
Leviticus 4
Leviticus 5
San Marcos 2: 13-28
San Marcos 3: 1-6
Salmo 36: 1-12
Proverbs 10: 1-2

Pebrero 18, 2012 [Sabado]
Maika-49 nga Aldaw
Leviticus 6
Leviticus 7: 1-27
San Marcos 3: 7-30
Salmo 37: 1-11
Proverbs 10: 3-4

Nasanton a Mabasa Ita nga Aldaw, Pebrero 19, 2012 [Domingo], iti Maika-50 nga Aldaw
Leviticus 7: 28-38
Leviticus 8
Leviticus 9: 1-6
San Marcos 3: 31-35
San Marcos 4: 1-25

[nabulod laeng ti ladawan a naaramat]

Pangngarig maipapan iti Agmulmula
[Mat 13:1-9; Luc 8:4-8]
-Nangisuro manen ni Jesus idiay igid ti Dan-aw ti Galilea. Gapu ta adu unay dagiti tattao nga immaribungbong kenkuana, napan nagtugaw iti maysa a bilog a sitatapog iti danum. Nagyan dagiti tattao iti takdang iti igid ti dan-aw.

Iti panangisursurona, pangngarig ti inaramat ni Jesus a nangisuro kadakuada kadagiti adu a banag. Kinunana kadakuada: "Dumngegkayo! Adda maysa a tao a napan nagpurruak kadagiti bukel.  Idi agipurpurruak, nagdisso ti sumagmamano a bukel iti igid ti dalan, ket tinuktok dagiti tumatayab. Adda met sumagmamano a bukel a nagdisso iti kabatoan a bassit laeng ti dagana. Gapu ta narabaw ti dagana, nabiit a nagtubo dagiti bukel. Idi makatangkayagen ti init, nalaylay dagiti apagtubo a mula ket nagangoda a dagus agsipud ta dida unay nakapagramut. Nagdisso ti sumagmamano a bukel iti yan dagiti siitan a mula a dimmakkel ken nangleppes kadakuada. Iti kasta, saan a nakapagdawa dagiti mula. Ngem nagdisso ti dadduma a bukel iti nadam-eg a daga, nagtubo, dimmakkel ken nagdawada. Adda nagdawa iti tallopulo, adda met innem a pulo ken adda pay sangagasut." Ket inggibus ni Jesus, "Dumngeg ngarud ti siasinoman nga addaan pannakaawat."

Ti Panggep dagiti Pangngarig
[Mat 13: 10-17; Luc 8: 9-10]
-Idi maymaysan ni Jesus, napan kenkuana ti sumagmamano kadagiti nagdengngeg agraman dagiti sangapulo ket dua nga adalan. Dinawatda kenkuana nga ilawlawagna koma dagiti pangngarig.

"Naipakaammo kadakayo ti palimed maipapan iti Pagarian ti Dios," kinuna ni Jesus, "ngem kadagiti sabsabali, maisuro amin a banag dagiti pangngarig. Iti kasta,

     'Uray no kitkitaenda, dida mailasin,
      Uray no dengdenggenda, dida maawatan;
      Amangan no agsublida iti Dios ket pakawanennanto ida.'

Ilawlawag ni Jesus ti Pangngarig maipapan iti Agmulmula
[Mat 13: 18-23; Luc 8: 11-15]
-"Diyo aya maawatan daytoy a pangngarig?" sinaludsod ni Jesus kadakuada. "Kasanonto ngarud ti pannakaawatyo iti uray ania a pangngarig?"

Ket inlawlawagna ti pangngarig: "Ti agmulmula, iwaragawagna ti sao ti Dios. Ti dalan a nagdissoan dagiti bukel, iladawanna dagiti tattao a makangngeg iti sao ti Dios, ngem dagusen ni Satanas ti umay mangikkat iti sao a nangngegda.

Dagiti dadduma a tao mayarigda kadagiti bukel a nagdisso iti kabatoan. Apaman a mangngegda ti sao, awatenda a siraragsak. Ngem saan nga umuneg ti sao kadakuada, ket saanda nga agbayag. Isu't gapuna a maupayda a dagus no dumteng dagiti rigrigat ken pannakaidadanes gapu iti sao. Ket dagiti dadduma a tattao mayarigda kadagiti bukel a nagdisso iti yan dagiti mulmula a siitan. Isuda dagitoy ti makangngeg iti sao, ngem umay dagiti pakaringgoran iti daytoy a biag, ti panagagum iti kinabaknang ken nalabes a panagtarigagay kadagiti dadduma pay a bambanag, ket leppesenda ti sao; iti kasta, dida makapagbunga. Ngem dagiti dadduma a tattao, mayarigda kadagiti bukel a nagdisso iti nadam-eg a daga. Ipapusoda a denggen ti sao, ket agbungada: adda agbunga iti tallopulo, adda met innem a pulo ken adda pay sangagasut."

Ti Pagsilawan a Makaluban
[Luc 8: 16-18]
-"Magangtan aya ti maysa a pagsilawan tapno kaluban iti salup wenno ipasirok iti pagiddaan?" insaruno a sinaludsod ni Jesus. "Saan aya nga ikabil ketdi iti nairanta a pagyananna?" Ta awan ti mailemmeng a dinto mailatak, ket awan ti palimed a dinto maammuan. Dumngeg ngarud ti siasinoman nga addaan iti pannakaawat."

Kinunana pay kadakuada: "Panunotenyo a nalaing ti mangngegyo! No kasano ti panangrukodyo kadagiti sabsabali, kastanto met ti panangrukod ti Dios kadakayo; ket naing-ingetto pay! Ta ti addaan, maikkanto ti ad-adu; ngem ti awanan, uray ti bassit nga adda kenkuana, maikkatto pay!"

Salmo 37: 12-29
Proverbs 10: 5

Pagsasao...

"I never have found the perfect quote. At best I have been able to find a string of quotations which mere circle the inneffible idea I seek to express..."-Caldwell O'Keefe

Kuna ni...

John F. Kennedy, Enemies
"Forgive your enemies, but never forgive their names..."

Inayatnak, Ngem...

Napili a Daniw Ita a Lawas

[nabulod laeng ti ladawan a naaramat]

INAYATNAK, NGEM....
ni Rudy Ram. Rumbaoa
[nasurat.nob.29.2008/maui]


Kunam
Nga inayatnak,
Ngem binukodam ni ayat...

Nagalistoka ketdin
A simmiasi
Idi makabirokka iti sabali;
Iti panunotmo
Innak inwaksi
Ta gayam ubbaw
Ken narasi
Dayta kari.

Winaswasmo ti amin:
Ti nagkaysaan dagiti pusota
Dagiti sapata a ti laeng panunotta't makaawat
Ti nasam-it nga agekmo
Ti bara't arakupmo.

Impategka
Iti amin-aminko,
Ngem inkulbom
'Toy natarnaw a tarigagayko.

Inayatnak nga agpayso, ngem,
Narigat itan nga agasan
Ti sinaktam a puso!

[CR.nov.2008.by.rudy.ram.rumbaoa]

Sangapulo a Bilin Kadagiti Agayan-ayat

[nabulod laeng ti ladawan a naaramat]

SANGAPULO A BILIN KADAGITI AGAYAN-AYAT
ni Rudy Ram. Rumbaoa
 

Umuna. Ipaay koma ti sangagasut a porsiento nga ayat.

Maikadua. Taripatuen ti ay-ayaten kas is-isu ken naisangsangayan a tao.

Maikatlo. Agtalinaed koma nga agnanayon ti ayat babaen iti balikas ken aramid.

Maikapat. Awaten koma ti panagbaliw ket sarangten dagiti pannubok a    dumteng ken suportaran ti ania man a sumangbay ken/wenno panagdur-as
               ti panagbiag iti bukod a bagi ken ay-ayaten.

Maikalima. Agtaengka a napudno iti dayta nga ayat.

Maikanem. Mangibingay: Ti ayat, ti aramid, ken balligi.

Maikapito. Dumngegka. Wen, dumngegka ala.

Maikawalo. Raemen ti nasikap a pannakaammo ti puso ken denggen ti bileg ti panunot a makaawat kadagiti bambanag iti wagas a nawada ken
                 nadalus.

Maikasiam. Saanka koma a tao a nalaus nga awanan kinasayaat iti karakter ken/wenno makasiudot iti pannakaung-unget.

Maikasangapulo. Buklen koma ti kinasin-aw nga ayat a kadua ti karirikna ken panagsagaba, ken/wenno panagsakripisio ti pisikal nga ayat ken ti                            emosional nga ayat. 

Maikeddeng a Matay ni Jesus

Nasantoan a Mabasa:
Pebrero 6- 12, 2012

Pebrero 6, 2012 [Lunes]
Maika-37 nga Aldaw
Exodus 23: 14-33
Exodus 21
Exodus 25
San Mateo 24: 29-51
Salmo 30: 1-12
Proverbs 7: 24- 27

Pebrero 7, 2012 [Martes]
Maika-38 nga Aldaw
Exodus 26
Exodus 27
San Mateo 25: 1-30
Salmo 31: 1-8
Proverbs 8: 1-11

Pebrero 8, 2012 [Mierkules]
Maika-39 nga Aldaw
Exodus 28
San Mateo 25: 31-46
San Mateo 26: 1-13
Salmo 31: 9-18
Proverbs 8: 12-13

Pebrero 9, 2012 [Huebes]
Maika-41 nga Aldaw
Exodus 29
Exodus 30: 1-10
San Mateo 26: 14-46
Salmo 31: 19-24
Proverbs 8: 14-26

Pebrero 10, 2012 [Bierne]
Maika-42 nga Aldaw
Exodus 30: 11-38
Exodus 31
San Mateo 26: 47-68
Salmo 32: 1-11
Proverbs 8: 27-32

Pebrero 11, 2012 [Sabado]
Maika-43 nga Aldaw
Exodus 32
Exodus 33
San Mateo 26: 69-75
San Mateo 27: 1-14
Salmo 33: 1-11
Proverbs 8: 33-36

Nasantoan a Mabasa Ita nga Aldaw, Enero 12, 2012 [Domingo] iti Maika-44 nga Aldaw
Exodus 34
Exodus 35: 1-9
San Mateo 27: 15-31

[nabulod ti ladawan a naaramat]

Maikeddeng a Matay ni Jesus
[Mar 15: 6-15; Luc 23: 13-25; Jn 18: 39- 19: 16]
-Tunggal Fiesta ti Paskua, kadawyan ti gobernador a wayawayaan ti uray siasinoman a balud a dawaten dagiti tattao. Iti dayta a tiempo, adda maysa a balud nga agnagan iti Jesus Barrabas nga agdindinamag iti kinadakesna.

Idi nagguurnong dagiti tattao, sinaludsod kadakuada ni Pilato : "Siasino ti kayatyo a wayawayaak? Ni Jesus Barrabas wenno ni Jesus a maaw-awagan iti Cristo?"

Ammo ngamin ni Pilato nga inyawatda kenkuana ni Jesus gapu iti apalda. Maysa pay, idi agtugtugaw ni Pilato iti pangukoman, pinaibaga ti asawana daytoy: "Dimo pakibiangan dayta nalinteg a tao, ta natagtagainepko idi rabii a nagsagabaak iti kasta unay gapu kenkuana."

Dinurogan dagiti panguloen a papadi ken dagiti panglakayen dagiti tattao tapno dawatenda ken ni Pilato a wayawayaanna ni Barrabas ket papapatayna ni Jesus. Ngem sinaludsod manen kadakuada ti gobernador: "Siasino kadagiti dua ti kayatyo a wayawayaak?"

"Ni Barrabas!" insungbatda.

"Ania ngarud ti aramidek ken ni Jesus a maaw-awagan iti Cristo?" sinaludsod ni Pilato.

"Ilansam iti krus!" kunada amin.

Nagsaludsod manen ni Pilato kadakuada: "Ania kadi ti basolna?"

"Ilansam iti krus!" inyad-addada ketdi nga impukkaw.

Agsipud ta awanen ti maaramid ni Pilato, ket madlawna nga adda rumsua a riribuk, nangala iti danum sana binuggoan dagiti imana iti sangngoanan dagiti tattao. "Awan ti bibiangko iti pannakapapatay daytoy a tao," kinunana. "Dakayo ti makaammo."

"Bay-am ta dakami ken dagiti annakmi ti makaammo iti pannakapapatayna," insungbat dagiti amin a tattao.

Kalpasanna, winayawayaanna ni Barrabas. Pinasaplitna ni Jesus sanan inyawat kadagiti soldado tapno ilansada iti krus.

Pagang-angawan dagiti Soldado ni Jesus
[Mar 15: 16-20; Jn 19: 2-3]
-Dagiti soldado ni Pilato inserrekda ni Jesus iti palasio ti gobernador ket inaribungbongan ti amin a soldado ti kompania. Inuksobda ti pagan-anayna sada kinagayan iti nalabaga a lupot. Nagaramidda iti korona a sisiitan ket imbalangatda kenkuana. Impaigemda ti maysa a runo iti makannawan nga imana. Nagparintumengda iti sangngoananna sada nagang-angawan. "Agbiag ti Ari dagiti Judio!" kinunkunada. Tinupratupraanda sada innala ti runo ket impak-olda iti ulona.

Idi nalpasdan a nagang-angawan, inikkatda ti kagayna, ket imbadoda met laeng kenkuana ti pagan-anayna sada inruar tapno ilansada iti krus.

Salmo 33: 12-22
Proverbs 9: 1-6