Nasantuan a Mabasa Ita nga Aldaw...

Hulio 20
2 Samuel 4-5
Jeremiah 10
San Mateo 21

Hulio 21
2 Samuel 6
Jeremiah 11
San Mateo 22

Hulio 22
2 Samuel 7
Jeremiah 12
San Mateo 23

Hulio 23
2 Samuel 8-9
Jeremiah 13
San Mateo 24

Hulio 24
2 Samuel 10
Jeremiah 14
San Mateo 25

Hulio 25
2 Samuel 11
Jeremiah 15
San Mateo 26

Nasantuan a Mabasa Ita nga Aldaw...

Umuna: 2 Samuel 12
Maikadua: Jeremiah 16
Ti Ebanghelio: San Mateo 27

Mayawat ni Jesus ken ni Pilato ken ti Ipapatay ni Judas

IDI bumigaten, angtutulag dagiti amin a panguloen a papadi ken dagiti panglakayen dagiti Judio a papatayenda ni Jesus. Kinawaranda sada napan inyawat ken ni Pilato a gobernador.

Idi makita ni JUdas a mangliliput a naikeddeng a madusa ni Jesus, nagbabawi ket insublina ti tallopulo a bagi ti pirak kadagiti panguloen a papadi ken kadagiti panglakayaen. "Nagbasolak!" kinunana, "ta inyawatko a mapapatay ti maysa a tao nga awan basolna."

"Ania ti bibiangmi?" kinunada kenkuana. "Problemam daytan."

Impurruak ni Judas ti tallopulo a bagi ti pirak iti uneg ti Templo. Kalpasanna, napanna imbitay ti bagina.

Pinidut dagiti panguloen a papadi ti pirak. "Bayad daytoy ti biag ti maysa a tao," kinunada. "Iparit ti Lintegtayo a maikabil iti kaha ti Templo."

Kalpasan ti panagtutulagda, inggatangda ti kuarta iti "Daga ti Agdamdamili" nga agpaay a kamposanto dagiti gangannaet. Isu't gapuna a napanaganan iti "Daga ti Dara" agpapan kadagitoy nga aldaw.

Natungpal ti sinao ni profeta Jeremias, "Innalada dagiti tallopulo a bagi ti pirak, ti gatad a nagnunummoan dagiti Israelita a pateg ti biagna, ket inggatangda iti daga ti agdamdamili, kas imbilin kaniak ti Apo."
_________________________________