Nasantuan a Mabasa Ita nga Aldaw...

Ti Nasantuan a Mabasa:

Hulio 27 [Lunes]
2 Samuel 13
Jeremiah 17
San Mateo 28

Hulio 28 [Martes]
2 Samuel 14
Jeremiah 18
Roma 1-2

Hulio 29 [Mierkules]
2 Samuel 15
Jeremiah 19
Roma 3-4

Hulio 30 [Huebes]
2 Samuel 16
Jeremiah 20
Roma 5-6

Hulio 31 [Biernes]
2 Samuel 17
Jeremiah 21
Roma 7-8

Agosto 1 [ Sabado]
2 Samuel 18
Jeremiah 22
Roma 9

Nasantuan a Mabasa Ita nga Aldaw, Agosto 2, 2009 [Domingo]
*Umuna a mabasa naadaw iti maikadua a libro ni Samuel: 19
*Maikadua a mabasa naadaw iti libro ni Jeremias 23
*Ti Ebanghelio ita nga aldaw naadaw iti surat ni San Pablo kadagiti taga-Roma 10-11

Agpaay iti Amin ti Panakaisalakan

"Kakabsatko, tarigagayak iti amin a pusok a maisalakan koma dagiti kadaraak! Nasged ti panangidawdawatko kadakuada iti Dios! Mapaneknekak a napasnekda unay nga agdaydayaw iti Dios, ngem ti kinapasnekda saan a naibatay iti pudno a panakaammo. Dida ammo no kasano ti panangpalinteg ti Dios kadagiti tattao. Pinadasda a gun-oden ti bukodda a panakapalinteg. ket iti kasta, dida pinaiturayan iti panangpalinteg ti Dios kadagiti tattao. Ta ni Cristo ti pagpatinggaan ti Linteg, tapno ti amin a mamati agbalin a nalinteg iti sangnguanan ti Dios.

Kastoy ti insurat ni Moises maipapan iti panagbalin ti tao a nalinteg iti sangnguanan ti Dios babaen ti panagtungpalna iti Linteg: "Ti siasinoman nga agtungpal iti ibilin ti Linteg, agbiagto iti Linteg." Ngem kastoy ti masao maipapan iti panakapalinteg babaen ti pammati: "Dimo kunkuna, 'Siasinonto ti umuli sadiay langit?' [Kayatna a sawen, ti mapan mangyulog ken Cristo.] "Dimo met kunaen, 'Siasinonto ti umulog iti lubong nga adda iti baba?' [Kayatna a sawen, ti mapan mangyuli ken Cristo nga aggapu kadagiti natay.] Masao ti kastoy: "Asideg kenka ti sao ti Dios, iti bibigmo ken iti pusom"- kayatna a sawen, ti mensahe ti pammati nga ikaskasabami. Ta no babaen ti bibigmo, ipaduyakyakmo ni Jesus nga isu ti Apo, ket patiem iti pusom a pinagungar ti Dios, maisalakankanto. Ta babaen ti puso, mamatitayo, ket mapalintegtayo iti Dios. Babaen ti bibig, agipaduyakyaktayo, ket maisalakantayo. Kuna ti Nasantuan a Surat, "Dinto maibabain ti siasinoman a mamati kenkuana."

_________________________________