Ti Nasantuan a Mabasa:
Agosto 24 [Lunes]
1 Kings 19
Jeremiah 45
Umuna a Surat kadagiti taga-Corinto 4-5
Agosto 25 [Martes]
1 Kings 47
Jeremiah 32
Umuna a Surat kadagiti taga-Corinto 6
Agosto 26 [Mierkules]
1 Kings 21
Jeremiah 48
Umuna a Surat kadagiti taga-Corinto 7
Agosto 27 [Huebes]
1 Kings 22
Jeremiah 49
Umuna a Surat kadagiti taga-Corinto 8-9
Agosto 28 [Biernes]
2 Kings 1-2
Jeremiah 50
Umuna a Surat kadagiti taga-Corinto 10
Agosto 29 [ Sabado]
2 Kings 3
Jeremiah 51
Umuna a Surat kadagiti taga-Corinto 11
Nasantuan a Mabasa Ita nga Aldaw, Agosto 30, 2009 [Domingo]
*Umuna a mabasa naadaw iti Maikadua a Libro Dagiti Ari: 4
*Maikadua a mabasa naadaw iti libro ni Jeremias: 52
*Ti Ebanghelio ita nga aldaw naadaw iti Umuna a Surat kadagiti taga-Corinto 12
Adu a Paset ngem Maymaysa a Bagi
Mayarig ni Cristo iti maysa a bagi nga adu ti pasetna. Maysa latta a bagi uray no buklen ti nadumaduma a paset. Kasta met kadatayo amin- Judio man wenno Gentil, tagabu man wenno siwawayawaya- nabuniagantayo iti maymaysa a bagi babaen ti maymaysa nga Espiritu nga isu met laeng ti naited nga inumentayo.
Ta saan la a maymaysa no di ket adu ti paset ti bagi. No kuna ti saka, "Saanak a parte ti bagi, ta saanak met nga ima," dina kayat a sawen a saanen a paset ti bagi. No kuna ti lapayag, "Saanak a parte ti bagi, ta saanak met a mata," dina kayat a sawen a saanen a paset ti bagi. No mata laeng ti mangbukel iti intero a bagi, kasano a makangeg? No lapayag laeng, kasano a makaangot? Ngem iti kinaagpaysona, inurnos ti Dios dagiti amin a parte ti bagi, segun ti nagayatanna. No maymaysa laeng a kita ti isu amin a paset, kasano nga adda bagi? Kinapudnona, adu dagiti paset ngem maymaysa a bagi.
Ngarud, di mabalin a kuna ti mata iti ima, "Saanka a masapul!" Wenno ti ulo kadagiti saka, "Saanka a masapul!" Saan koma a kasta! Awan ti maaramidtayo no awan dagiti paset a kasla nakapkapsut. Ipangpangrunatyo ketdi a taripatoen dagiti paset nga ipagaruptayo nga awan ti serserbina; idinto a naisangsangayan ti panangtaripatotayo kadagiti naalas a paset, panangtaripato a di masapul dagiti napimpintas a paset. Ngem binukel ti Dios ti bagi tapno maikkan iti dakdakkel a pammadayaw dagiti nanumo a paset. Iti kasta, awan iti panagsisina ngem agsisinnakit ketdi dagiti amin a paset. No agsagaba ti maysa a paset, makipagsagaba met dagiti dadduma. No maidayaw ti maysa, makipagragsak met dagiti dadduma.
Ngarud, baginakayo ni Cristo ket kamengna ti tunggal maysa kadakayo. Iti iglesia, insaad ti Dios ti tunggal maysa iti lugarna: umuna, dagiti apostoles; maikadua, dagiti profeta; maikatlo, dagiti mamaestro; sumarsaruno, dagiti agaramid iti milagro sa dagiti naikkan iti pannakabalin a mangpaimbag wenno tumulong kadagiti sabali wenno nangidalan kadakuada wenno agsao iti datdatlag a pagsasao. Saanda nga apostoles amin wenno profeta wenno maestro. Saanda nga addaan amin iti pannakabalin nga agaramid iti milagro wenno mangpaimbag iti masakit wenno makapagsao iti datdatlag a pagsasao wenno makailawlawag iti kaipapanan dagiti naisao. Ngarud, tarigagayantayo koma dagiti nasaysayaat a sagut.
Ket ipakitak kadakayo ti nasaysayaat pay a dalan.
______________________________________
No comments:
Post a Comment