Ti Nasantuan a Mabasa:
Agosto 10 [Lunes]
1 Kings 4-5
Jeremiah 31
San Marcos 5
Agosto 11 [Martes]
1 Kings 6
Jeremiah 32
San Marcos 6
Agosto 12 [Mierkules]
1 Kings 7
Jeremiah 33
San Marcos 7
Agosto 13 [Huebes]
1 Kings 8
Jeremiah 34
San Marcos 8
Agosto 14 [Biernes]
1 Kings 9
Jeremiah 35
San Marcos 9
Agosto 15 [ Sabado]
1 Kings 10
Jeremiah 36
San Marcos 10
Nasantuan a Mabasa Ita nga Aldaw, Agosto 16, 2009 [Domingo]
*Umuna a mabasa naadaw iti Umuna a Libro Dagiti Ari: 11
*Maikadua a mabasa naadaw iti libro ni Jeremias 37
*Ti Ebanghelio ita nga aldaw naadaw iti surat ni San Marcos: 11
Ti Sibaballigi nga Iseserrek ni Jesus idiay Jerusalem
[Mat 21: 1-11/ Luc 19:28-40/ Jn 12:12-19]
IDI sumungsungadda idiay Jerusalem, ket addadan idiay Bantay Olivo, iti nagbaetan dagiti ili a Betfage ken Betania, pinauna ni Jesus dagiti dua nga adalanna.
"Inkayo iti masungad a bario, " imbilinna. "Apaman a makadanonkayo sadiay, masarakanyonto ti sigagalut nga urbon ti asno a di pay nasaksakayan. Warwaranyo ket yegyo ditoy. No adda agsaludsod kadakayo no apay a warwaranyo ti urbon, ibagayo kenkuana, 'Ti Apo masapulna a pagsakayan; paisublinanto met laeng a dagus.'"
Napanda ngarud ket nasarakanda ti maysa nga urbon ti asno nga adda iti kalsada ken sigagalut iti ridaw ti maysa a balay. Idi warwarwaranda ti urbong, sinaludsod kadakuada ti sumagmamano a tattao nga agtatakder sadiay, "Apay a warwaranyo ti urbon?'
Insungbat dagiti adalanna ti imbaga ni Jesus kadakuada; iti kasta, pinalubosan ida dagiti tattao. Impanda ti urbon iti yan ni Jesus. Inikkatda dagiti kagayda ket inyap-apda iti bukot ti urbon sa nagsakay ni Jesus. Adu a tao ti nangyaplag kadagiti kagayda iti dalan. Nangala met dagiti dadduma kadagiti narukbos a sangsanga ti kayo nga adda iti taltalon ket inyaplagda iti dalan.
"Madaydayaw ti Dios!" impukpukkaw dagiti tattao a magmagna iti sangngoanan ni Jesus, kasta met dagiti sumarsaruno. "Bendisionan koma ti Dios ti umay a pagarian ni amatayo a David! Madaydayaw ti Dios!"
Simrek ni Jesus idiay Jerusalem. Napan iti Templo ket kinitana dagiti amin nga adda iti aglwlaw. Ngem gapu ta mumalemen, napan idiay Betania agraman dagiti sangapulo ket dua nga adalan.*
_______________________________________
No comments:
Post a Comment