Nasantuan a Mabasa:
Agosto 31 [Lunes]
2 Kings 5
Lamentations 1
1 Corinthians 14
Setiembre 1 [Martes]
2 Kings 6
Lamentations 2
1 Corinthinas 15
Setiembre 2 [Mierkules]
2 Kings 7
Lamentations 3
1 Corinthinas 16
Setiembre 3 [Huebes]
2 Kings 8
Lamentations 4
2 Corinthians 1-2
Setiembre 4 [Biernes]
2 Kings 8
Lamentations 5
2 Corinthians 3-4
Setiembre 5 [Sabado]
2 Kings 10
Ezekiel 1
2 Corinthians 5-7
Nasantuan a Mabasa Ita nga Aldaw, Setiembre 6, 2009 [Domingo]
*Umuna a mabasa naadaw iti Maikadua a Libro dagiti Ari 11-12
*Ti maikadua a mabasa naadaw iti Libro ni Ezekiel
*Ti Nasantuan nga Ebanghelio Ita nga Aldaw,
naadaw iti Maikadua a Surat ni San Pablo kadagiti taga-Corinto 8
Nakristianoan a Panangted
Kakabsat, kayatmi a maammoanyo no ania ti inaramid ti parabur ti Dios kadagiti iglesia idiay Macedonia. Nakaro ti panakasuotda kadagiti rigat, ngem naragsakda latta. Isu't gapuna a nabuslon ti panagitedda uray no nakapangpanglawda. Paneknekak kadakayo nga intedda ti kabaelanda ket nagsursurok pay. Iti agtaud iti nakemda, sipapasnekda a nangipakpakaasi kadakami a maikkanda koma iti gundaway a tumulong kadagiti tattao ti Dios idiay Judea. Nasursurok pay ngem ti ninamnamami! Indatonda nga immuna ti bagida iti Apo. Kalpasanna, impaayda met ti bagida kadakami, babaen ti pagayatan ti Dios. Ni Tito ti nangirugi iti daytoy nga aramid. Isu't gapuna a dinawatmi kenkuana nga ituloyna koma ket tulongannakayo iti daytoy naisangsangayan a panagserbi gapu iti ayat. Nabaknangkayo unay iti amin nga adda kadakayo: Iti pammati, iti sao ken iti panakaammo, iti gagaryo a tumulong ken iti ayatyo kadakami. Iti kasta, kayatmi nga adu koma met ti ipaayyo a tulong iti daytoy nga aramid.
Saanko nga ibilin daytoy. Ngem iti panangipakitak iti gagar dagiti dadduma a tumulong, kayatko a maammuan ti kinapudno ti ayatyo. Ta ammoyo ti parabur ni Apotayo a Jesu-Cristo: Idinto a nabaknang, nagbalin a napanglaw gapu kadakayo tapno pabaknangennakayo babaen ti kinapanglawna.
Daytoy ti makunak maipapan iti daytoy a banag: Nasaysayaat no ileppasyon ti inrugiyo itay napan a tawen. Dakayo ti nangirugi. Saan la a dayta, dakayo pay ti siaayat a nagtignay. Ituloyyo ngarud ket ileppasyo ti trabahoyo! Aggagarkayo a mangileppas a kas iti panangplanoyo. Aramidenyo a kas maibatay iti kabaelanyo nga ited. No sigagagarkayo a mangted, awatento ti Dios ti sagut a maitedyo, saan a ti awan kadakayo.
Diak panggep a palag-anan dagiti sabali ket padagsenenkayo. Ngem gapu ta addaankayo ita iti adu, rumbeng a tulonganyo met dagiti makasapul. Ta no dakayto met ti makasapul ket isudanto ti addaan iti nawadwad, tulongandakayto met. Iti kasta, addanto panagpapada. Kas kuna ti Nasantuan a Surat:
"Ti tao nga adu ti inurnongna,
Saan a nagsobsobraan,
Ket ti bassit ti inurongna,
Awan ti nagkuranganna."
_________________________________________
No comments:
Post a Comment