Advocate for Life
ni Rudy Ram. Rumbaoa [nainspiraranak a nangsurat idi nobiembre 25, 2007 ket inadawko ti paulo ti daniw iti blog ni LJG iti iluko.com nga "Advocate for Life."]
salaknib, mangitakder, mangibabaet
trabaho daytoy dagiti tattao a nasaldet;
no maminsan biagda't mairisgo
gapu't kalikagum masalbar tay tao.
panaganus ken panakaawat
pammateg ken panagayat,
dagitoy ti kangrunaan a ramen
iti amin nga oras inda aramiden.
nakasagana nga ipaay
kaasi kadagiti nakukurapay,
pakaragsakan nga iserbian ida
uray awan gunguna a kasukatna.
makipagrikna, adda kadakuada;
makisimpatia inda ipangpangruna
nabuslon unay ti sakripisioda
kadagiti nakakaasi ken naiwawa.
[copyright (c) november 25, 2007 by rudy ram. rumbaoa]
No comments:
Post a Comment