Taraon ti Biag...

[nabulod ti ladawan]

Nasantoan a Mabasa:

Pebrero 28, 2011 [Lunes]
Leviticus 22: 17-33
Leviticus 23
San Marcos 9 :30-50
San Marcos 10: 1-12

Marso 1, 2011 [Martes]
Leviticus 24
Leviticus 25: 1-46
San Marcos 10:13-31

Marso 2, 2011 [Mierkules]
Leviticus 25: 47-55
Leviticus 26
Leviticus 27: 1-13
San Marcos 10: 32-52

Marso 3, 2011 [Huebes]
Leviticus 27: 14-34
Numbers 1
San Marcos 11: 1-26

Marso 4, 2011 [Biernes]
Numbers 2
Numbers 3
San Marcos 11: 27-33
San Marcos 12: 1-17

Marso 5, 2011 [Sabado]
Numbers 4
Numbers 5
San Marcos 12: 18-37

Nasantoan a Mabasa Ita nga Aldaw, Marso 6, 2011 [Domingo]
Numbers 6
Numbers 7
San Marcos 12: 38-44
San Marcos 13: 1- 13


Ipakaammo nni Jesus ti Pannakarba ti Templo
[Mat 24: 1-2; Luc 21: 5-6]

Idi pumampanaw ni Jesus idiay Templo, maysa kadagiti adalanna ti nagkuna kenkuana, "Maestro, kitaem! Nagpipintas dagiti bato ken dagiti patakder!"
"Makitam dagitoy dadakkel a patakder?" insungbat ni Jesus, "Awanto ti uray maysa a bato ditoya mabati iti yanna; marbanto amin."


Dagiti Rigrigat ken Pannakaidadanes
[Mat 24: 3-14; Luc 21: 7-19]

Idi agtugtugaw ni Jesus idiay Bantay Olivo a kasumbangir ti Templo, napan kenkuana da Pedro, Santiago, Juan ken Andres.

"Ibagam man kadakami," kinunada kenkuana a sililimed. "Anianto ti mapasamak a pakakitaan a dimtengen ti tiempo a pannakaaramid amin dagitoy?"

"Agannadkayo," imballaag ni Jesus. "Diyo ipalubos nga adda mangallilaw kadakayo. Adunto ti umay ket aramatenda ti naganko a kunkunada, "Siak ni Cristo!" ket adunto ti allilawenda. Dikay agdanag inton mangngegyo ti kanalbuong ti gubat ken damdamag maipapan kadagiti gubat. Masapul a mapasamak dagitoy ngem saan pay nga isu ti panungpalan. Aggugubatto dagiti nasion, kasta met dagiti pagarian. Addanto gingined kadagiti nadumaduma a disso; umayto ti bisin. Pangrugian laeng dagitoy ti panagsagaba a kas iti panagpasikal ti agpasngay.

"Agannadkayo. Tiliwen ken idarumdakayo. Saplitendakayo iti uneg ti sinagoga, maisaklangkayo iti agtuturay ken ar-ari gapu kaniak tapno paneknekanyo kadakuada ti pudno. Ta masapula a ti Naimbag a Damag maikasaba nga umuna kadagiti amin a tattao. No matiliw ken maidarumkayo, saanyo a pakadanagan no anianto ti sawenyo; maipaltiing kadakayo iti dayta a kanito. Ta dagiti isaoyonto saan nga agtaud kadakayo no di iti Espiritu Santo. Dagiti tattao papatayendanto  dagiti kakabsatda, ket kastanto met ti aramiden dagiti amma kadagiti annakda. Dagiti annak busorendanto dagiti nagannak kadakuada ket papatayendanto ida. Guraendakayto dagiti amin a tattao gapu kaniak. Ngem maisalakanto ti siasinnoman a makaibtur agingga iti panungpalan."