 |
| [nabulod ti ladawan] |
NO KOMA MAIPINTAK
ni Rudy Ram. Rumbaoa
[nasurat Abril 26, 2011]
No koma maipintak dagiti imahe
A pagsiddaawak, iti panunotko,
Mabalin a dagiti ladawan ket napintas,
Naasi dagiti tattao. Mabalin a dakkel 'toy kambas,
Nalawag 'toy paleta, mabalin siguro nga ipintak
'Toy ayat iti pusok.
Mabalin siguro nga ipintak dagiti napintas
A pagteng iti baybay. Ti panagpallayog dagiti kayo
A di makita ti init. Mangngeg ti panagkatawada
Bayat iti panagay-ayamda ti darat. Bangonenda ti kastilio
Nga awan iti kasukatna.
Ala kitaen ida, miraem
Dinto mataengan ti ayat nga adda kadagiti puspusoda
Nasikap nga agnanayon dagiti balikas
Nga isawang dagiti bibigda a kas iti panagsao ti kinainosente.
Iti tunggal aldaw nga aglabas, ti kinapudno ti sawenda.
No koma maipintak dagiti imahe iti panunotko,
Mabalin siguro nga adda bullalayaw a makita
Urnonesen ti ay-ayatek; tagikuaenda ti maris.
Mabalin siguro nga agpakita kenka ti Dios manipud ngato
Mabalin siguro nga ipintak ti ladawan
Ti kappia ken rikna ti ayat ti Dios,
Ket no koma mabalin kas tay' la ubbing a mamakawan.
Ammuen a sangsangkamaysatayo iti pagnaedan
Ammuen a dinungdungngonatayo ti Dios
Ti agbiag a kabulon ti ayat ken kappia-
Agpayso, agbiagtayo a nawaya.
[copyright by rudy ram. rumbaoa]
No comments:
Post a Comment