Nasantoan a Mabasa:
Mayo 2-8, 2011
Mayo 2, 2011 [Lunes]
Judges 15
Judges 16
San Juan 2
Mayo 3, 2011 [Martes]
Judges 17
Judges 18
San Juan 3: 1-21
Mayo 4, 2011 [Mierkules]
Judges 19
Judges 20
San Juan 3: 22-36
San Juan 4: 1-3
Mayo 5, 2011 [Huebes]
Judges 21
Ruth 1
San Juan 4: 4-42
Mayo 6, 2011 [Biernes]
Ruth 2
Ruth 3
Ruth 4
San Juan 4: 43- 54
Mayo 7, 2011 [Sabado]
1 Samuel 1
1 Samuel 2: 1- 21
San Juan 5: 1- 23
Nasantoan a Mabasa Ita nga Aldaw, Mayo 8, 2011 [Domingo]
1 Samuel 2: 22-36
1 Samuel 3
1 Samuel 4
San Juan 5: 24- 47
 |
| [ni Jesu-Cristo nga Ari ti Daga ken Langit] |
Ti Turay ti Anak
"Ibagak ti pudno kadakayo: Ti siasinnoman a dumngeg kadagiti saok ken mamati iti nangibaon kaniak, maaddaan iti biag nga agnanayon. Saanton a maukom, no di ket nalasatnan ni patay ket simreken iti biag.
Ibagak ti pudno kadakayo: Umayen ti tiempo ket dimtengen. Mangngegto dagiti natay ti timek ti Anak ti Dios, ket agbiagto dagiti makangngeg. Ta ti Ama met laeng ti pagtaudan ti biag. Ket intednan iti Anak ti turay a mangukom, agsipud ta isu ti Anak ti Tao.
Diyo pagsiddaawan daytoy, ta umayen ti tiempo a dagiti amin a natay nga adda kadagiti tantanem mangegdanto ti timekna, ket rummuardanto kadagiti tantantemda. Mapagungarto nga agbiag dagiti nagaramid iti naimbag; ket mapagungarto a madusa dagiti nagaramid iti dakes."
Dagiti Mangpaneknek ken Jesus
Intuloy ni Jesus: "Awan ti maaramidko a bukbukod. Mangukomak laeng kas ibaga kaniak ti Dios, isu't gapuna a nalinteg ti panangukomko, ta saan a ti pagayatak ti aramidek, no di laeng ti pagayatan ti nangibaon kaniak.
No paneknekak met laeng ti bagik, saan a nakapappati ti pammaneknekko. Ngem adda sabali a mangpaneknek kaniak, ket ammok nga ibagana ti pudno maipapan kaniak. Nagbaonkayo ken ni Juan ket pinaneknekanna iti pudno. Wen, ibagak daytoy saan a gapu ta masapulko ti pammaneknek ti tao tapno maisalakankayo.
Sumsumged ken agranraniag a silaw ti kayarigan ni Juan, ket iti apagbiit, kayatyo a linak-am ti lawagna. Ngem adda mangpaneknek kaniak a nangnangruna ngem ni Juan: Dagiti aramidko nga ipaaramid kaniak ti Ama, isuda ti mangpaneknek iti maipapan kaniak. Dagitoy nga aramid ti mangipakita nga imbaonnak ti Ama. Ket ti Ama ti nangibaon kaniak, paneknekanna met ti maipapan kaniak. Saan ngarud nga agtalinaed ti saona kadakayo, ta diyo patien ti imbaonna.
Adalenyo dagiti Nasantoan a Surat agsipud ta ipagarupyo a masarakan kadagitoy ti biag nga agnanayon. Ket dagitoy met laeng ti mangpaneknek kaniak. Nupay kasta, madikayo met nga umay kaniak tapno agbiagkayo koma.
Diak sapulen a padayawandak dagiti tattao. Ngem am-ammokayo ket ammok nga awan ayatyo iti Dios. Immayak iti turay ni Amak, nupay kasta, didak inawat. Ngem no adda umay iti bukodna a turay, awatenyo.
Agpipinnadayawkayo, ngem diyo met kalikaguman ti pammadayaw nga aggapu iti maymaysa a Dios. Kasano ngarud ti panamatiyo? Diyo ipagarup nga idarumkayo iti Ama. Nio Moises a nangitalkanyo iti namnamayo ti mangidarum kadakayo. No agpayso met laeng a namatikayo ken ni Moises, pinatidak met koma, ta nagsurat iti maipapan kaniak. Ngem no diyo pinati dagiti insuratna, kasano ti panamatiyo iti saok?"
Salmo 106: 1- 12
Proverbs 14" 30- 31
No comments:
Post a Comment