Taraon ti Biag...

Nasantoan a Mabasa:
Hunio 6, 12, 2011

Hunio 6, 2011 [Lunes]
1 Kings 1
Aramid 4
Salmo 124: 1-8
Proverbs 16: 24

Hunio 7, 2011 [Martes]
1 Kings 2
1 Kings 3: 1-2
Aramid 5
Salmo 125: 1-5
Proverbs 16: 25

Hunio 8, 2011 [Mierkules]
1 Kings 3: 3-28
1 Kings 4
 Aramid 6
Salmo 126: 1-6
Proverbs 16:26- 27

Hunio 9, 2011 [Huebes]
1 Kings 5
1 Kings 6
Aramid 7: 1- 29
Salmo 127: 1-5
Proverbs 16: 28- 30

Hunio 10, 2011 [Biernes]
1 Kings 7
Aramid 7: 30-50
Salmo 128: 1-6
Proverbs 16: 31- 33

Hunio 11, 2011 [Sabado]
1 Kings 8
Aramid 7: 51-60
Aramid 8: 1-13
Salmo 129: 1-8
Proverbs 17: 1

Nasantoan a Mabasa Ita nga Aldaw ti Domingo, Hunio 12, 2011
1 Kings 9
1 Kings 10
Aramid 8: 14- 40


Maikasaba ti Naimbag a Damag idiay Samaria

Nadamag dagiti apostoles nga adda idiay Jerusalem a namati dagiti taga-Samaria iti sao ti Dios. Imbaonda sadiay  da Pedro ken Juan.

Idi simmangpetda sadiay, inkararaganda dagiti mamati tapno awatenda ti Espiritu Santo. Ta nabuniaganda laeng iti nagan ni Apo Jesus, ngem saan pay a bimmaba ti Espiritu Santo kadakuada. Iti kasta, impatay da Pedro ken Juan dagiti im-imada ket inawat dagiti mamati ti Espiritu Santo.

Nakita ni Simon a naited kadakuada ti Espiritu idi impatay dagiti apostoles dagiti im-imada kadakuada. Iti kasta, pinakitaanna ida iti kuarta, ket kinunana, "Itedyo met kaniak daytoy a pannakabalin tapno ti siasinoman a pangipatayak iti imak awatenna met ti Espiritu Santo."

Ngem kinuna ni Pedro kenkuana, "Mailunodka koma iti kuartam ta ipagarupmo a magatang ti sagut ti Dios! Awan pakaibiangam wenno bingaymo iti daytoy a banag, ta saan a nalinteg ti pusom iti imatang ti Dios. Agbabawika ngarud iti dayta a dakes a panggepmo ket agdawatka iti Apo a pakawanennaka iti kasta a panunotmo. Ta makitak a napnoanka iti dakes nga apal ken nakawaranka iti basol."

Kinuna ni Simon kada Pedro ken Juan, "Pangngaasiyo ta idawdawatandak iti Apo tapno saan a mapasamak kaniak ti uray ania kadagitoy."

Kalpasan ti pammaneknek ken panangisaoda iti mensahe ti Apo, nagsubli da Pedro ken Juan idiay Jerusalem. Inkaskasaba da ti Naimbag a Damag kadagiti
luglugar a nalabasanda idiay Samaria.


Ni Felipe ken ti Ofisial a taga-Etiopia

Kinuna ti maysa nga anghel ti Apo ken ni Felipe, "Agsaganaka a mapan iti abagatan, iti dalan nga agturong idiay Gaza nga aggapu idiay Jerusalem." [Saanen a madaldalan daytoy a kalsada.]

Nagsagana ngarud ni Felipe ket napan. Iti dalan, adda maysa nga eunoko a taga-Etiopia, maysa nga ofisial nga agay-aywan iti amin a sanikua ni Candace a reyna ti Etiopia. Napan nagdaydayaw idiay Jerusalem ket agawid idin a situtugaw iti luganna. Basbasaenna ti libro ni Profeta Isaias.

Kinuna ti Espiritu Santo ken ni Felipe, "Umasidegka kenkuana." Iti kasta, nagtaray ni Felipe nga immasideg kenkuana ket nangngegna ti ofisial nga agbasbasa iti libro ni Profeta Isaias. Sinaludsod ni Felipe, "Maawatam kadi ti basbasaem?"

Simmungbat ti ofisial, "Kasano ti pannakaawatko no awan ti mangipalawag kaniak?" Ket inawisna ni Felipe a makilugan kenkuana. Daytoy a paset ti Nasantoan a Surat ti basbasaenna:

         "Kasla karnero a maipan iti pagarian
          Kasla urbon ti karnero a naulimek no mapukisan
          Ket awan a pulos ti saona
          Iti pannakairurumenna, naikkat ti kalinteganna
          Awanto ti makaibaga iti maipapan iti kaputotanna
          Ta naggibusen ti biagna ditoy daga."

Kinuna ti ofisial ken ni Felipe, "Sinno kadi ti sarsaritaen ti profeta? Ti bagina met laeng wenno sabali?"

Nagsao ni Felipe ket manipud iti daytoy a paset ti Nasantoan a Surat, sinaritana ti Naimbag a Damag maipapan ken Jesus.

Bayat ti panagtultuloyda iti dalan, dimtengda iti lugar nga adda danum. Kinuna ti ofisial ken Felipe, "Adtoy ti danum. Ania ti makatiped iti panagbuniagko?"

[Kinuna ni Felipe, "Mabalin a buniaganka no mamatika iti amin a pusom."

"Wen, mamatiak," insungbat ti ofisial. "Patiek nga Anak ti Dios ni Jesu-Cristo."]

Pinagsardeng ngarud ti ofisial ti lugan. Napanda a dua iti danum ket binuniagan ni Felipe.

Ket idi makasang-atdan, impanaw ti Espiritu ti Apo ni Felipe ket saanen a nakita ti ofisial. Intuloy ti ofisial ti nagawid a siraragsak. Idi agbalaw ni Felipe, adda gayamen idiay Azoto. Inkaskasabana ti Naimbag a Damag kadagiti amin nga il-ili a napagnaanna ingganat nakasangpet idiay Casarea.


Salmo 130: 1-8
Proverbs 17: 2-3