 |
| [nabulod ti ladawan] |
Napili a Daniw Ita a Lawas
LIWLIWA
ni Rudy Ram. Rumbaoa
[nasurat 6.30.11]
Ti Dios ti napudno a kaduam
Iti kinaukimek ken iti panagkararag
Kanayon nga adda sadiay a dumngeg
Ken makipagrikna kenka
Ti kaadda ti Dios ket patalgedanna
Dagiti amin nga agsagsagaba
Iti nalaus a ladingit, ti saranay,
Ti kappia; itedna kenka't gin-awa
No italekmo ti kararuam iti Dios
Mariknam ti naan-anay nga inana
Sadiay masarakamto't kappia ken ayat,
Sadiay masarakamto ti kinatalged.
Awan patingga ti panagayat ti Dios
Padapada iti saad, nangato wenno nababa;
Uray pay kasano't kinadaksanggasat ti biag
Ti Dios isu't liwliwa, kalasag ken pigsa.
[copyright june 2011 by rudy ram. rumbaoa]
__________
No comments:
Post a Comment