Dagiti Pada nga Agserserbi iti Dios

[nabulod ti ladawan a naaramat]

Nasantoan a Mabasa:
Agusto 1-7, 2011
Agusto 1, 2011 [Lunes]
Maika-213 nga Aldaw
2 Chronicles 30
2 Chronicles 31
Roma 15: 1-22
Salmo 25:1-15
Proverbs 20:13-15

Agusto 2, 2011 [Martes]
Maika-214 nga Aldaw
2 Chronicles 32
2 Chronicles 33:1-13
Roma 16: 1-9
Salmo 25: 16-22
Proverbs 20: 16-18

Agusto 3, 2011 [Mierkules]
Maika-215 nga Aldaw
2 Chronicles 33: 14-25
2 Chronicles 34
Roma 16: 10-27
Salmo 26: 1-12
Proverbs 20: 19

Agusto 4, 2011 [Huebes]
Maika-216 nga Aldaw
2 Chronicles 35
2 Chronicles 36
1 Corinto 1: 1-17
Salmo 27: 1-6
Proverbs 20: 20-21

Agusto 5, 2011 [Biernes]
Maika-217 nga Aldaw
Ezra 1
Ezra 2
1 Corinto 1: 18-31
1 Corinto 2:1-5
Salmo 27: 7-14
Proverbs 20: 22-23

Agusto 6, 2011 [Sabado]
Maika-218 nga Aldaw
Ezra 3
Ezra 4: 1-23
1 Corinto 2: 6-16
1 Corinto 3: 1-4
Salmo 28: 1-9
Proverbs 20: 24-25

Nasantoan a Mabasa ita nga Aldaw, Agusto 7, 2011, Domingo, iti Maika-219 nga Ordinario nga Aldaw
Ezra 4: 24
Ezra 5
Ezra 6
Naadaw iti Umuna a Surat ni San Pablo kadagiti taga-Corinto 3: 5-23

Dagiti Pada nga Agserserbi iti Dios [3: 5-23]
Siasino aya ngamin da Apolos ken Pablo? Agpadpadakami nga agserserbi iti Dios. Babaen kadakami, namatikayo. Aramiden laeng ti tunggal maysa ti impakumit ti Apo kenkuana. Siak ti nagmula, ni Apolos ti nagsibug; ngem ti Dios ti nangpadakkel iti mula. Saan nga importante no siasino ti nagmula wenno ti agsibug. Ti Dios ti nasken agsipud ta isu ti mangpadakkel iti mula. Awan giddiat ti agmula ken ti agsibug; gunggunaanto ti Dios ida segun ti inaramid ti tunggal maysa. Ta agkakaduakami nga agserserbi iti Dios, ket dakayo ti talonna.

Dakayo pay ti patakder a binangon ti Dios. Babaen iti panangaramatko ti insagut ti Dios kaniak, nagtrabahoak a kas maysa a nalaing nga agpatpatakder. Impasdekko ti fondasion, ket sabali met a tao ti agpatakder iti rabawna. Ngem naannad koma ti panagpatakder ti tunggal maysa. Ta inkabilen ti Dios ni Jesu-Cristo a kas maymaysa ken kakaisuna a fondasion, ket awanen ti sabali. Adda agaramat iti balitok, pirak wenno dagiti napateg a bato iti panagpatakderda iti rabaw ti fondasion. Kayo, ruot wenno garami ti usaren met ti dadduma Makitanto ti klase ti trabaho ti tunggal tao inton iparangarang ti Aldaw ni Cristo. Ta babaen ti apuy iti dayta nga aldaw, makitanto ti trabaho ti tunggal tao; matennebto iti apuy ket maammuanto ti pudno a klasena. Magunggunaanto ti tao no makalasat iti apuy ti binangonna iti rabaw ti fondasion. Ngem no mauram ti trabaho ti maysa a tao, mapukawnanto. Nupay kasta, maisalakanto met laeng a kasla nakalasat iti uram.

Diyo kadi ammo a dakayo dagiti templo ti Dios, ket agtalinaed ti Espiritu ti Dios kadakayo? Ngarud, ti siasinnoman a mangdadael iti templo ti Dios, dadaelento met ti Dios. Ta nasantoan ti templo ti Dios, ket dakayo a mismo ti templona.

Awan koma ti mangallilaw iti bagina. Siasinnoman a mangipagarup iti bagina a masirib, babaen ti alagaden ti lubong, agbalin koma a maag tapno agbalin a napaypayso a masirib. Ta minamaag iti imatang ti Dios ti amin nga ibilang ti lubong a kinasirib. Kas kuna ti Nasantoan a Surat: "Ipalab-og ti Dios dagiti mamasirib iti kinasikapda." Kunana pay, "Ammo ti Apo nga awan serserbi ti panunot dagiti mamasirib." Ngarud, di koma pagpasindayag ti tao ti kabaelanna nga aramiden. Kinapudnona, kukuayo amin a banag. Ni Pablo, ni Apolos, ni Pedro, daytoy lubong, biag ken patay, ti agdama ken masakbayan. Wen, kukuayo amin dagitoy. Ket kukuanakayo ni Cristo ket ni Cristo kukua ti Dios.

Salmo 29: 1-11
Proverbs 20: 26-27