PASKUAN, NANANG
ni Rudy Ram. Rumbaoa
[nasurat.11.26.2007]
 |
| [nabulod laeng ti ladawan a naaramat] |
Awanka't dennak addaka't adayo
Mangmangged iti sabali a pagilian
Para iti naraniag a masakbayak
Ngem, an-anuek ti adu a pirak
No sika ti awan ditoy dennak?
Nanangko agsublika koman kaniak
Ta pasangbayenta't Paskua a naragsak!
Paskuan, Nanang
Mailiwak unayen kenka;
Diakon magawidan
Tumtumrem a luluak.
Siak tay agsansaning-i
Sapsapulek arakupmo,
Arakup ti dungngo
Napnoan lailo ken karayo.
Diak kasapulan dagiti agkakapateg a banag
No siak a maul-ulila, nabati ken malmaldaang;
Nanangko, sika ti innak kasapulan
Tapno maep-ep ti iliw ti inta nagbaetan.
[CR]november.2007.by. rudy.ram.rumbaoa
No comments:
Post a Comment