Jan 22, 2012

Mamatika

Napili a Daniw Ita a Lawas

MAMATIKA
ni Rudy Ram. Rumbaoa
[nasurat.1.22.2012]

Mamatika iti bukod a kabaelan
Iti pusom magnaka a situtured,
Pukawen amin a duadua ken panagbuteng
Ti manginanama nga ima mariknamto
Ti dungngo ket saranayennaka ti Dios.

Iti kanito nga umay kenka't pannakapaay
Dimo tallikudan pannubok sarangtem ket labanam,
Ket no ti pammatim adda naan-anay a pigsa
Maragpatmonto't tarigagay ken arapaap.

Mamatika iti bukod a kabaelan
Uray pay no sallukobannaka't sipnget
Rumaip ti kamaudianan ket mabirokam
Ti init a manglawag iti talaytayem a dana.

[cr.january.2012.by.rudy.ram.rumbaoa]

No comments:

Post a Comment