No Awanakton

Napili a Daniw Ita a Lawas

[nabulod laeng ti ladawan a naaramat]

NO AWANAKTON
[Pananglagip ken ni Emeterio T. Rumbaoa,
Feb. 14, 1910- Feb. 27, 1996]
ni Rudy Ram. Rumbaoa
[nasurat.2.26.2012/maui]

 
No awanakton palubosannak
Wen palubosannak, 
Adu ti rumbeng 
A makita ken aramidek
Saanmo nga igalut bagim kaniak
Babaen kadagita lua-
Agrag-oka ta adu dagiti namaris
A tawen a nagkadduaanta;
Intedko kenka ti ayatko
Pugtoam no kasano't kaadu
Impaaymo kaniak ti ragsak
Ta mariknak ket agyamanak
Iti dayta nga ayat.

Ngem nadanonanen oras
Nga agbaniagaak nga agmaymaysa
Agladingitka iti apagbiit-
Ngem no ti panagleddaangmo
Ti nasken, bay-am nga agbati 
Ti ladingit tapno maliwliwa
Babaen ti inka panagtalek kaniak.

Wen, apagbiit laeng panaginnadayota
Ket sapay ta mabendisionan
Dagiti lagip iti pusom,
Saanakto nga adda iti adayo
Ngem agtultuloy ti biag;
Isu a no kasapulannak
Awagan ket umayak
Nga uray dinak makita
Wenno maaprosan, 
Addaak laeng iti asideg.

Denggem ti ibaga ti pusom--
Mangngegmonto
Ti ayatko adda latta iti lawlawmo
Ti napinas ken nalawag,
Ken no kayatmo ti umay nga agmaymaysa
Kablaawankanto a siisem ket kunak:
"Naragsak nga Isasangbaymo!"

[copyright.2.2012.by.rudy.ram.rumbaoa/maui]