 |
| [nabulod ti ladawan a naaramat] |
TI MANGISALAKAN
ni Rudy Ram. Rumbaoa
[nasurat.marso.4.2012/maui]
Makitak dagiti kamarin iti adayo
iti baet dagiti nalabaga ken bimmalitok a bulbulong,
Adda panagbuteng ken siddaaw iti pannakabuyak
iti panangmatmatko ti panagbukadkad ti apros ti Dios.
Iti innak panagbanniaga iti dalan ti biag,
makitak Isuna iti sadinoman.
Addaak iti dalan nga agturong sadi Langit
ket mariknak dagiti aprosna kaniak.
Kas da la dumakkel iti babaen ti sakak
dagiti inulik a bambantay,
iti panangkitak iti masangngoanak adda sadiay;
ti Mangisalakan, wen, ti Mangisalakan kaniak.
[copyright.2.2012.by.rudy.ram.rumbaoa]
No comments:
Post a Comment