Ti Pannakaitanem ni Jesus

Nasantoan a Mabasa:
Marso 5-11, 2012

Marso 5, 2012 [Lunes]
Maika-64 nga Aldaw
Numbers 4
Numbers 5
San Marcos 12: 18-37
Salmo 48: 1-14
Proverbs 10:26

Marso 6, 2012 [Martes]
Maika-65 nga Aldaw
Numbers 6
Numbers 7
San Marcos 12: 38-44
San Marcos 13: 1-13
Salmo 49: 1-20
Proverbs: 10:27-28

Marso 7, 2012 [Mierkules]
Maika-66 nga Aldaw
Numbers 8
Numbers 9
San Marcos 13: 14-37
Salmo 50: 1-23
Proverbs 10: 29-30

Marso 8. 2012 [Huebes]
Maika-67 nga Aldaw
Numbers 10
Numbers 11: 1-23
San Marcos 14: 1-21
Salmo 51: 1-19
Proverbs 10: 31-32

Marso 9, 2012 [Biernes]
Maika-68 nga Aldaw
Numbers 11: 24-35
Numbers 12
Numbers 13
San Marcos 14: 22-52
Salmo 52: 1-9
Proverbs 11: 1-3

Marso 10, 2012 [Sabado]
Maika-69 nga Aldaw
Numbers 14
Numbers 15: 1-16
San Marcos 14: 53-72
Salmo 53: 1-6
Proverbs 11: 4

Nasantoan a Mabasa Ita nga Aldaw, Marso 11, 2012 [Domingo], iti Maika-70 nga Aldaw
Numbers 15: 17-41
Numbers 16: 1-40
San Marcos 15

Mayawat ni Jesus ken ni Pilato
[Mat 27: 1-2, 11-14; Luc 23: 1-5; Jn 18: 28-38]
-Idi bumigaten, nagmimiting dagiti panguloen a papadi agraman dagiti panglakayen, dagiti mamaestro iti Linteg ken amin a kamkameng ti Sanhedrin. Tinulagda no ania ti aramidenda.

Kinawaranda ni Jesus sada impan ken Pilato.

"Sika kadi ti Ari dagti Judio?" sinaludsod kenkuana ni Pilato.

"Nasaomon," insungbat ni Jesus.

Adu ti impabasolda kenkuana dagiti panguloen a papadi.

"Awan kadi ti maisungbatmo?" sinaludsod manen ni Pilato. "Denggem dagiti nakaad-adu nga ipabasolda kenka!"

Ngem saan latta a simmungbat ni Jesus, ket nagsiddaaw ni Pilato.

Maikeddeng a Matay ni Jesus
[Mat 27: 15-26; Luc 23: 13-25; Jn 18: 39 -19: 6]
-Tunggal Fiesta ti Paskua, kadawyan ni Pilato ti mangwayawaya iti uray siasinoman a balud a dawaten dagiti tattao. Adda idi maysa a balud nga agnagan Barrabas. Kaduana iti pagbaludan a natiliw nga immalsa a nakapapatay bayat ti riribuk. Idi nagguummong dagiti tattao iti sangngoanan ni Pilato, dinawatda nga ipaayna kadakuada ti ar-aramidenna iti tunggal fiesta.

"Kayatyo a wayawayaak kadakayo ti Ari dagiti Judio?" sinaludsod ni Pilato. Ta pagaammona a gapu iti apal dagiti panguloen a papadi, inyawatda kenkuana ni Jesus.

Ngem sinugsogan dagiti panguloen a papadi dagiti tattao tapno dawatenda a ni Barrabas laengen ti wayawayaanna kadakuada.

"Ania ngarud ti kayatyo nga aramidek iti kunkunayo nga Ari dagiti Judio?" dinamag manen ni Pilato.

"Ilansam iti krus!" impukkawda.

"Ania kadi ti basolna?" kinuna ni Pilato.

"Ilansam iti krus!" inyad-addada ketdi nga impukkaw.

Gapu ta kayat ni Pilato a pagustoan dagiti tattao, winayawayaanna ni Barrabas.

Kalpasanna, pinasaplitna ni Jesus sana inyawat kadagiti soldado tapno ilansada iti krus.

Pagang-angawan dagiti Soldado ni Jesus
[Mat 27: 27-31; Jn 19: 2-3]
-Inserrek dagiti soldado ni Jesus iti palasio ti Gobernador sada inayaban amin a kaduada. Kinagayanda ni Jesus iti nalabaga a lupot. Nagaramidda iti korona a siitan ket imbalangatda kenkuana. Kalpasanna, nagindadayawda a nangkablaaw kenkuana: "Agbiag ti Ari dagiti Judio!"

Pinak-opak-olanda ti ulona iti runo. Tinupratupraanda. Nagparinutumengda a nagirurukbab kenkuana. Idi nalpasdan a nagang-angawan, inikkatda ti nalabaga a kagayna; imbadoda met laeng kenkuana ti ti pagan-anayna sada inruar tapno ilansada iti krus.

Mailansa ni Jesus iti Krus
[Mat 27: 32-44; Luc 23: 26-43; Jn 19: 17-27]
-Nasabatda iti dalan ni Simon a taga-Cirene, a naggapu iti away ket agpa-siudad. Isu ti ama da Alenjadro ken Rufo. Pinilit dagiti soldado a baklayenna ti krus ni Jesus.

Impanda ni Jesus iti disso a managan Golgota, a kayatna a sawen, "Lugar nga ayan ti Bangabanga." Inikkanda iti arak a nalaokan iti mirra, ngem dina ininum.

Inlasada iti krus. Kalpasanna, biningaybingayda ti pagan-anayna, babaen ti panagbibinnunotanda no ania ti alaen ti tungga maysa. Alas nube ti bigat idi ilansada. Daytoy ti naisurat a naipabasol kenkuana: "Ti Ari dagiti Judio."

Naigiddan met a nailansa ti dua a tulisan kadagiti krusda: ti maysa iti makannawan ni Jesus, ket ti sabali ti makannigidna.

[Iti kasta, natungpat ti kuna ti Nasantoan a Surat: "Naibilang kadagiti kriminal."]

Winingwingwingan ken nagsasaoan dagiti aglabas ni Jesus. "Kinunkunana a rebbaem ti Templo samo bangonen met laeng iti uneg ti tallo nga aldaw. Isalakanmo man ngarud ti bagim ket bumabaka iti krus."

Nakipagang-angaw dagiti panguloen a papadi, ken mamaestro iti Linteg. "Insalakanna dagiti dadduma ngem dina maisalakan ti bagina," kinunkunada. "No isu ti Cristo nga Ari ti Israel, kitaentayo man a bumaba iti krus tapno mamatitayo kenkuana."

Nakipaglais met dagiti padana  a nailansa iti krus.
 
Ti Ipapatay ni Jesus
[Mat 27: 45-56; Luc 23: 44-49; Jn 19: 28-30]
-Iti tengnga ti aldaw, nagsipnget iti intero a daga ket nagpaut iti tallo nga oras. Iti alas tres ti malem, impukkaw ni Jesus, "Eloi, Eloi, lama sabaktani?" a kayatna a sawen, "Diosko, Diosko, apay a binaybay-annak?"

Nangngeg daytoy ti sumagmamano nga adda sadiay ket kinunada," Denggenyo, ay-ayabanna ni Elias!"

Adda nagtaray a napan nangala iti espongha, ipasagepsepna iti naalsem nga arak sana inkabil iti sukdal tapno ipasepsepna ken Jesus. "Bay-anyo!" kinunana: "Kitaentayo man no umay ni Elias a mangibaba kenkuana iti krus."

Ngem nagikkis ni Jesus iti napigsa, kalpasanna, nauyosen ti biagna.

Napigis ti kurtina a naibengbeng iti Templo: naggudua manipud iti ngato agingga iti baba.

Iti sangngoanan ti krus, adda nga agtatakder ti kapitan dagiti soldado. Naimatanganna ti pannakatay ni Jesus. "Pudno gayam nga anak ti Dios daytoy a tao," kinunana.

Iti pangadaywen bassit, adda sumagmamano a babbai a kumitkita. Adda kadagitoy da Maria Magdalena, Salome ken Maria nga ina da Jose ken Santiago nga ub-ubing. Simmursurot dagitoy a babbai idi adda ni Jesus idiay Galilea, ket nagserserbida kenkuana. Adu pay dagiti sabsabali a babbai nga adda sadiay a kimuykuyog ken Jesus a nagpa-Jerusalem.

[nabulod laeng ti ladawan a naaramat manipud iti Deseret Oil Paintings]

Ti Pannakaitanem ni Jesus
[Mat 27: 57-61; Luc 23: 50-56; Jn 19: 38-42]
-Nasipngeten idi dumteng ni Jose a taga-Arimatea, maysa a madaydayaw a kameng ti Sanhedrin. Makipaspasungad met iti Pagarian ti Dios.

Agsipud ta Aldaw ti Panagsagana idi, kayatna a sawen, aldaw sakbay ti Panaginana, situtured ni Jose a napan ken Pilato tapno dawatenna ti bangkay ni Jesus.

Nasdaaw ni Pilato idi maammuanna a natayen ni Jesus. Inayabanna ti kapitan dagiti soldado ket sinaludsodna kenkuana no nabayagen a natay ni Jesus. Pinatalgedan ti kapitan dagiti soldado a natayen ni Jesus.

Impalubos ni Pilato nga alaen ni Jose ti bangkay.

Imbaba ni Jose ti bangkay ni Jesus. Binungonna iti puraw a lupot a kagatgatangna ket inkabilna iti tanem a naikungkong iti bato. Kalpasanna, nangitulid iti dakkel a bato a pinangserrana iti tanem.

Siiimatang da Maria Magdalena ken Maria nga ina ni Jose. Nakitada ti nakaitaneman ni Jesus.

Salmo 54: 1-7
Proverbs 11: 5-6