Mangpaimbag ni Jesus iti Asideg ti Pagdigusan idiay Jerusalem

Nasantoan a Mabasa: 
Abril 30, 2012- Mayo 6, 2012

Abril 30, 2012 [Lunes]
Maika-121 iti 365 nga Aldaw ti Tawen
Judges 13
Judges 14
San Luan 1: 29-51
Salmo 102: 1-28
Proverbs 14: 15-16

Mayo 1, 2012 [Martes]
Maika-122 iti 365 nga Aldaw ti Tawen
Judges 15
Judges 16
San Juan 2
Salmo 103: 1-22
Proverbs 14: 17-19

Mayo 2, 2012 [Mierkules]
Maika-123 iti 365 nga Aldaw ti Tawen
Judges 17
Judges 18
San Juan 3: 1-23
Salmo 104: 1-23
Proverbs 14: 20-21

Mayo 3, 2012 [Huebes]
Maika-124 iti 365 nga Aldaw ti Tawen
Judges 19
Judges 20
San Juan 3: 22-36
San Juan 4: 1-3
Salmo 104: 24-35
Proverbs 14: 22-24

Mayo 4, 2012 [Biernes]
Maika-125 iti 365 nga Aldaw ti Tawen
Judges 21
Ruth 1
San Juan 4: 4-42
Salmo 105: 1-15
Proverbs 14: 25

Mayo 5, 2012 [Sabado]
Maika-126 iti 365 nga Aldaw ti Tawen
Ruth 2
Ruth 3
Ruth 4
San Juan 4: 43- 54
Salmo 105: 16-36
Proverbs 14: 26-27

Nasantoan a Mabasa, Mayo 6, 2012 [Domingo],
Maika-127 iti 365 nga Aldaw ti Tawen
1 Samuel 1
1 Samuel 2: 1-21
San Juan 5: 1-23

[nabulod laeng ti ladawan a naaramat]

 

Mangpaimbag ni Jesus iti Asideg ti Pagdigusan idiay Jerusalem
-Kalpasan daytoy, adda maysa a fiesta dagiti Judio ket napan ni Jesus idiay Jerusalem. 
Adda sadiay ti maysa a pagdigusan a lima ti arkona. Maaw-awagan iti Betsata 
iti pagsasao ti Hebreo, ket masarakan iti abay ti Ruangan dagiti Karnero. Iti linong dagiti arko, 
agidda ti adu a masakit: dagiti bulsek, pilay ken paralitiko. [Ur-urayenda ti panaggaraw ti danum,
ta pasaray bumaba ti maysa nga anghel ti Apo idiay pagdigusan ket kiburenna ti danum. Ti umuna kadagiti masakit 
a tumapog iti danum kalpasan ti pannakakiburna, maagasan iti aniaman a sagsagabaenna.]

Adda idi sadiay ti maysa a masakit a lalaki a tallopulo ket walo a tawenen a masakit. 
Idi makita ni jesus ti lalaki a nakaidda ket ammina a nabayagen a masaksakit, kinunana kenkuana, 
"Kayatmo ti umimbag?"

"Apo," kinuna ti masakit, "awan ti mangitapog kaniak iti pagdigusan apaman a makibur ti danum. 
Ta no irubrubbuatko pay la ti mapan, adda makatapogen."

"Bumangonka," kinuna ni Jesus. "Bagkatem ta iddam ket magnakan."

Naimbagan a dagus ti lalaki. Binagkatna ti iddana ket nagnan.

Aldaw a Panaginana idi mapasamak daytoy, isu't gapuna a kinuna dagiti Judio iti lalaki a napaimbag, 
"Maiparit nga awitem ti iddam iti Aldaw a Panaginana."

"Imbaga ti tao a nangpaimbag kaniak a bagkatek ti iddak ket magnaak," insungbat ti lalaki.

"Siasino daytoy a tao a nagkuna a bagkatem ti iddam ket magnaka?" sinaludsodda.

Ngem saan nga ammo ti lalaki no siasino ti nangpaimbag kenkuana gapu ta adu ti tao iti dayta a lugar 
ket pimmanawen ni Jesus nga awan nakadkadlaw.

Iti saan a mabayag, nasarakan ni Jesus ti lalaki idiay templo. "Kitaem, naimbagkan!" kinunana. 
"Dika agbasolen, amangan no addanto dakdakes a mapasamak kenka."

Pimmanaw ti tao ket impakaammona kadagiti Judio a ni Jesus gayam ti nangpaimbag kenkuana.

Gapu iti daytoy, indadanes dagiti Judio ni Jesus, ta nangpaimbag iti Aldaw a Panaginana.

Kinuna ni Jesus kadakuada, "Agtartrabaho ni Amak agingga ita, ket masapul met nga agtrabahoak."

Ad-adda manen ti pinget dagiti Judio a mangpapatay kenkuana gapu iti daytoy a saona; ta saanna 
laeng a sinalungasing ti linteg ti Aldaw a Panaginana, ngem imbagana pay nga Amana ti Dios, 
ket iti kasta, impadana ti bagina iti Dios.

Ti Turay ti Anak
-Isu't gapuna a kinuna ni Jesus kadakuada, "Ibagak ti pudno kadakayo: Awan ti maaramid ti Anak 
a bukbukodna, no di laeng ti makitana nga ar-aramiden ti Ama. Ta ti aniaman nga aramiden ti Ama, 
aramiden met ti Anak. Ta ti Ama ayatenna ti Anak ket ipakitana kenkuana dagiti aramid a dakdakkel pay 
ngem dagitoy, tapno agsiddaawkayo. Ta kas iti panamagungar ti Ama kadagiti natay ket biagenna ida, 
kasta met a ti Anak ikkanna iti biag dagiti kayatna nga ikkan. Saan a mangukom ti Ama. Intednan iti Anak
ti amin a turay a mangukom, tapno padayawan dagiti amin a tattao ti Anak a kas iti panangpadayawda iti Ama. 
Ti saan a mangdayaw iti Anak, saanna met a padayawan ti Ama a nangibaon kenkuana."

Salmo 105: 37-45
Proverbs 14: 28-29
______