 |
| [nabulod ti ladawan a naaramat] |
Panagkatawa ti maysa nga ubing
Pannakialamano ti gayyem
Nasapa a panagbannawag
Desdes nga awan patinggana.
Agalipato a diamante
Bendision, kararag;
Pammatalged nga apros ti ina
A kaaddana't asideg ti anak.
Riknat' nasayaat a panangaramid ti trabaho
Ayamuom ti maysa a rosas
Maris ti tangatang iti sumipnget
Ken panagdakkel nabuslon nga ayat.
Ti ragsak ti sinfonia
Presko-nasin-aw a danum iti waig,
Aniaman dagitoy a pagsidsiddaawan-
Agnanayon nga asideg kenka ti Mangisalakan.
DAGITOY A PAGSIDSIDDAAWAN
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
wwwtaraontibiag.blogspot.com
cr.o6.2o12.maui
No comments:
Post a Comment