Mairuar ni Pedro iti Pagbaludan

Nasantoan a Mabasa:
Hunio 11- 17, 2012

Hunio 11, 2012 [Lunes]
Maika-163 iti 365 nga Aldaw ti Tawen
1 Kings 9
1 Kings 10
Aramid 8: 14-40
Salmo 130: 1-8
Proverbs 17: 2-3

Hunio 12, 2-12 [Martes]
Maika-164 iti 365 nga Aldaw ti Tawen
1 Kings 11
i Kings 12: 1-19
Aramid 9: 1-25
Salmo 131: 1-3
Proverbs 17: 4-5

Hunio 13, 2012 [Mierkules]
Maika-165 iti 365 nga Aldaw ti Tawen
1 Kings 12: 20-23
1 Kings 13
Aramid 9: 26-43
Salmo 132: 1-18
Proverbs 17: 6

Hunio 14, 2012 [Huebes]
Maika-166 iti 365 nga Aldaw ti Tawen
1 Kings 14
1 Kings 15: 1-24
Aramid 10: 1-23
Salmo 133: 1-3
Proverbs 17: 7-8

Hunio 15, 2012 [Biernes]
Maika-167 iti 365 nga Aldaw ti Tawen
1 KIngs 15: 25-34
1 KIngs 16
1 KIngs 17
Aramid 10: 24-48
Salmo 134: 1-3
Proverbs 17: 9-11

Hunio 16, 2012 [Sabado]
Maika-168 iti 365 nga Aldaw ti Tawen
1 KIngs 18
Aramid 11
Salmo 135: 1-21
Proverbs 17: 12-13

Nasantoan a Mabasa, Hunio 17, 2012 [Domingo]
Maika-169 iti 365 nga Aldaw ti Tawen
1 KIngs 19
Aramid 12: 1-23

Mapapatay ni Santiago ken Maibalud ni Pedro
-Kadagitid a tiempo, indadanes ni ari Herodes ti sumagmamano a kameng ti iglesia. Pinaputolanna ni Santiago a kabsat ni JUan. Idi makitana a maragsakan dagiti JUdio, pinatiliwna met ni Pedro. [Napasamak daytoy iti Fiesta ti Tinapay nga awan Lebadurana].

Kalpasan ti pannakatiliw ni Pedro, pinaibaludna sana pinabantayan iti uppat a grupo ti soldado. Sagpapat ti tunggal grupo. Panggep ni Herodes a pausig  ni Pedro iti publiko kalpasan ti Fiesta ti Paskua. Iti kasta, naibalud ni Pedro. Ngem impasnek dagiti kamkameng ti iglesia ti nangikakararag kenkuana iti Dios.

Mairuar ni Pedro iti Pagbaludan
-Iti rablii sakbay ti panangyawat koma ni Herodes ken Pedro kadagiti tattao, sikakawar a matmaturog iti nagbaetan ti dua a soldado. Adda met dagiti agbambantay iti ruangan ti pagbaludan.

Pagammoan, nagpparang ti maysa nga anghel ti Apo ket adda silaw a nagraniag iti karsel. Sinagid ti anghel ti bakrang ni Pedro. Riniingna san kinuna, "Darasem ti bumangon!"

Dagus a naikkat dagiti kawar dagiti imana.

Kinuna ti anghel, "Agbadoka ket agsapatoska!"

Nagtungpal ngarud ni Pedro.

Kinuna manen ti anghel, "Agkagayka ket surotennak."

[Nabulod laeng ti ladawan a naaramat. Ti panangiruar ti anghel ken ni Pedro iti pagbaludan]

Sinurotna ti anghel a rimmuar iti pagbaludan. Dina ammo no agpaypayso ti ar-aramiden ti anghel. Impagarupna nga agparparmata. Linabasanda ti umuna ken maikadua a guardia ket dimtengda iti landok a ruangan nga agturong iti siudad. Naglukat ti ruangan ket rimmuarda. Nagnada iti kalsada, ket dagus a pinanawan ti anghel.

Naawatan ni Pedro ti napasamak kenkuana. "Ita, ammokon a pudno daytoy," kinunana. "Imbaon ti Dios ti anghelna nga umay mangisalakan kaniak iti pannakabalin ni Herodes ken amin a panggep ken aramiden dagiti Judio kaniak."

Idi madlaw ni Pedro ti kasasaadna, napan iti balay ni Maria nga ina ni Juan Marcos. Sadiay, nagguurnong ti adu a tao nga agkararag. Nagtugtog ni Pedro iti ruangan ket sinabat ti maysa nga adipen a babai nga agnagan Roda. Nailasinna ti timek ni Pedro. Iti napalalo a ragsakna, dina linuktan ti ruangan. Nagtaray ketdi a napan nangipakaammo kadagiti tattao nga agtaktakder ni Pedro iti ruangan.

"Mauyongka!" kinunada kenkuana. Ngem impapilitna a pudno ti imbagana. "Anghel dayta," kinunada.

Saan nga insardeng ti Pedro ti nagtugtog. Idi luktanda ti ruangan, kasta unay ti siddaawda a nakakita kenkuana. Nagsenias nga agulimekda ket sinaritana kadakuada no kasano ti panangiruar ti Dios kenkuana iti pagbaludan. "Ibagayo daytoy ken Santiago ken kadagiti kakabsat," kinunana. Kalpasanna, pimmanaw a napan iti sabali a lugar.

Kabigatanna, napalalo ti pannakariribuk dagiti soldado a guardia gapu iti kaawan ni Pedro. Pinasapul ni Herodes ni Pedro ngem dida nasapulan. Iti kasta, pinaimbistigarna dagiti soldado ket imbilinna a mapapatayda.

Kalpasanna, simmalog ni Herodes idiay Cesarea manipud Judea ket nagyan sadiay iti sumagmamano nga aldaw.

Ti Ipapatay ni Herodes
-Napalo ti pungtot ni Herodes kadagiti taga-Tiro ken taga-Sidon. Gapu iti daytoy, sangsangkamaysada a napan ken Herodes. Ngem immuna pay a ginayyemda ni Blasto nga agay-aywan iti palasio. Kalpasanna, napanda nakikappia ken ni Herodes, agsipud ta aggapu ti taraon iti pagarian.

Iti naitdung nga aldaw, inkawes ni Herodes ti naarian a pagan-anayna, nagtugaw iti tronona sa nagbitla kadagiti tattao. Ngem idi madama nga agsasao, impukkaw dagiti tattao. "Timek ti maysa a dios, saan a tao!" Dagus a dinusa ti anghel ti Apo ni Herodes agsipud ta dina pinadawayan ti Dios. Inigges ket natay.

Ngem nagtultuloy a nagsaknap ken rimmang-ay ti sao ti Dios.

Idi nalpasen da Bernabe ken Saulo ti nakaibaonanda, nagawidda manipud Jerusalem ket inkuyogda ni Juan Marcos.

Salmo 136: 1-26
Proverbs 17: 14-15