 |
| [Nabulod laeng ti ladawan a naaramat iti daniw] |
ni Rudy Ram. Rumbaoa
[nasurat.1.3.2006/maui]
Nagkarika nga iti panagsublim
lintegem dagiti killo a naaramidam,
ngem diak ammo no mariknam
a no pumanawka iti sidongko
makipasetak kenka nga agsagaba.
Apay no tunggal mailaw-anka
um-umkis iti kaunggam ti panagbabawi?
Ket tunggal agpaingka kaniak, masudak
ti riknak iti narasi a kari. Iti pannakayaleng-aleng
dagiti pammagbagak, ditoy kaunggak
sugat ti inka insubad.
Ita, kayatmo a mapugas iti lagip-
aramid a nakamulitam, aramid a di
inggagara ngem nangibatida iti piglat
kadagiti tattao a sinaktam.
Ngem kunak: waknitam nga umuna ti dalan
liklikam gayunggayong a nakatennagam
itanemmo dagiti biddut, saem ken nagbanagam
bay-am nga ikupin daytoy ti napalabas
ket padasem mangukkon iti baro a namnama
ket mariknamto ti kapppia ken talinaay
dita pusom...
[copyright.by.rudy.ram.rumbaoa]
No comments:
Post a Comment