Ti Templo ti Sibibiag a Dios

Nasantoan a Mabasa:
Agosto 27, 2012- Setiembre 2, 2012

Agosto 27, 2012 [Lunes]
Maika-240 iti 365 nga Aldaw ti Tawen
Job 28
Job 29
Job 30
2 Corinto 2:12-17
Salmo 42: 1-11
Pagsasao 22: 7

Agosto 28, 2012 [Martes]
Maika-241 iti 365 nga Aldaw iti Tawen
Job 31
Job 32
Job 33
2 Corinto 3
Salmo 43: 1-5
Pagsasao 22: 8-9

Agosto 29, 2012 [Mierkules]
Maika-242 iti 365 nga Aldaw ti Tawen
Job 34
Job 35
Job 36
2 Corinto 4: 1-12
Salmo 44: 1-8
Pagsasao 22: 10-12

Agosto 30, 2012 [Huebes]
Maika-243 iti 365 nga Aldaw ti Tawen
Job 37
Job 38
Job 39
2 Corinto 4: 13-18
2 Corinto 5: 1-10
Salmo 44:9-26
Pagsasao 22: 13

Agosto 31, 2012 [Biernes]
Maika-244 iti 365 nga Aldaw ti Tawen
Job 40
Job 41
Job 42
2 Corinto 5: 11-21
Salmo 45: 1-17
Pagsasao 22: 14

Setiembre 1, 2012 [Sabado]
Maika-245 iti 365 nga Aldaw ti Tawen
Eklesiastes 1
Eklesiastes 2
Eklesiastes 3
2 Corinto 8: 1-13
Salmo 46: 1-11
Pagsasao 22: 15

Nasantoan a Mabasa Ita nga Aldaw, Setiembre 2, 2012 [Domingo
Maika-246 iti 365 nga Aldaw ti Tawen
Eklesiastes 4
Eklesiastes 5
Eklesiastes 6

[Nabulod laeng ti ladawan a naaramat]

 Ti Templo ti Sibibiag a Dios [2 Corinto 6: 14-18]
-Saankayo a makikadua kadagiti saan a mamati a kasla ket tay kapadayo ida, ta saan a mabalin a maaramid dayta. Kasano nga agkadua ti nalinteg ken nakillo? Kasano nga agtipon ti lawag ken ti sipnget? Kasano nga agtunos ni Cristo ken ti diablo? Ania ti pagkatunosan ti mamati ken saan a mamati? Kasano nga agkappia ti templo ti Dios ken dagiti didiosen? Ta datayo ti templo ti sibibiag a Dios. Kas kuna ti mismo a Dios:

  "Agyanakto kadakuada ket makipagnaedakto kadakuada,
   Siakto ti Diosda, ket isudanto ti tattaok."

Isut' gapuna a kuna ti Apo:

   "Panawanyo ida ket suminakayo kadakuada.
    Diyo sagiden dagiti makatulaw a banag,
    Ket awatenkayto.
    Siakto ti amayo,
    Ket dakayo ti annakko,
    Kuna ti Mannakabalin-amin nga Apo."

Naikari amin dagitoy kadatayo, patgek a gagayyem! Ngarud, dalusantayo ti bagi ken espiritutayo iti amin a makatulaw. Agbalintayo a nasantoan babaen ti panagbiag a sibubuteng iti Dios.

Ti Ragsak ni Pablo [2 Corinto 7: 1-7]
-Ilukatyo ti pusoyo kadakami. Awan siasinoman a nakabasolanmi. Awan siasinoman a dinadaelmi. Awan ti siasinoman a ginundawayanmi. saanko a sawen daytoy tapno pabasolenkayo: ta kas nasaokon kadakayo, napategkayo la unay kadakami isu nga agkaykaysatayo a kanayon iti patay wenno iti biag. Agtalekak kadakayo: pagpannakkelkayo unay. Iti amin a pakariribukanmi, naturedak latta. Kasta unay ti ragsakko. Uray idi makasangpetkami idiay Macedonia, awan ti inanami. Adu ti rigatmi iti sadinoman a papananmi. Adda riribuk iti aglawlaw kadakami. Adda panagbuteng iti pusomi. Nupay kasta, ti Dios a mangpapigsa kadagiti maupay, pinapigsanakami gapu iti yaay ni Tito. Saan laeng a ti yaayna. Pinapigsanakami pay ti impadamagna a panangpatibkerkayo kenkuana makakita kaniak. Impakaammona ti ladingityo, ti regta a mangsalaknib kaniak. Isu a naragragsakak pay ita.

Salmo 47: 1-9
Pagsasao 22: 16