Agbiagkayo a kas Tagabu ti Dios

Nasantoan a Mabasa:
Nobiembre 18-24, 2013

Nobiembre 18, 2013 [Lunes]
Maika-322 iti 365 nga Aldaw ti Tawen
Ezekiel 37
Ezekiel 38
Santiago 1: 19-27
Santiago 2: 1-17
Salmo 117: 1-2
Proverbio 28: 1

Nobiembre 19, 2013 [Martes]
Maika-323 iti 365 nga Aldaw ti Tawen
Ezekiel 39
Ezekiel 40: 1-27
Santiago 2: 18-26
Santiago 3
Salmo 118: 1-18
Proverbio 28: 2

Nobiembre 20, 2013 [Mierkules]
Maika-324 iti 365 nga Aldaw ti Tawen
Ezekiel 40: 28-49
Ezekiel 41
Santiago 4
Salmo 118: 19-20
Proverbio 28: 3-5

Nobiembre 21, 2013 [Huebes]
Maika-325 iti 365 nga Aldaw ti Tawen
Ezekiel 42
Ezekiel 43
Santiago 5
Salmo 119: 1-16
Proverbio 28: 6-7

Nobiembre 22, 2013 [Biernes]
Maika-326 iti 365 nga Aldaw ti Tawen
Ezekiel 44
Ezekiel 45: 1-12
1 Pedro 1: 1-12
Salmo 119: 17-32
Proverbio 28: 8-10

Nobiembre 23, 2013 [Sabado]
Maika-327 iti 365 nga Aldaw ti Tawen
Ezekiel 45: 13-25
Ezekiel 46
1 Pedro 1: 13-25
1 Pedro 2: 1-10
Salmo 119: 33-48
Proverbio 28: 11

Nasantoan a Mabasa Ita nga Aldaw, Nobiembre 24, 2013 [Domingo]
Maika-328 iti 365 nga Aldaw ti Tawen
Ezekiel 47
Ezekiel 48

[Nabulod laeng ti ladawan a naaramat]

1 Pedro 2: 11-25
Agbiagkayo a kas Tagabu ti Dios
-Kakabsatko, kas gangannaet ken agdaldaliasat iti daytoy a lubong, dawatek kadakayo nga adaywanyo dagiti nailasagan a tarigagay a maibusor iti kararua. Agbiagkayo a sitatakneng iti imatang dagiti saan a mamati. ta uray kunada a managdakdakeskayo, mabigbigdanto met laeng dagiti naimbag nga aramidyo ket idaydayawdanto met laeng ti Dios inton Aldaw ti yaayna. Gapu iti Apo, paiturayankayo kadagiti agtuturay nga insaad ti tao. Paiturayankayo iti Emperador a kangatoan nga agturay, ken kadagiti gobernador nga imbaonna a mangdusa kadagiti managdakdakes ken mangdayaw kadagiti aramid iti naimbag. Ta ti pagayatan ti Dios isu daytoy, babaen dagiti naimga nga aramidyo, pagulimekenyo ti awan serserbina a sasawen dagiti maag. Agbiagkayo a Kas tattao a nawayawayaan, ngem diyo aramaten ti wayawayayo a pangkalub iti aniaman a dakes, no di ket agbiagkayo a kas tagabu ti Dios. Agraemkayo kadagiti amin a tao. Ayatenyo dagiti kakabsatyo iti pammati. Agbutengkayo iti Dios ket padayawanyo ti Emperador.

Pagulidananyo ti Panagsagaba ni Cristo
-Dakayo nga adipen, paiturankayo kadagiti appoyo. Ipakitayo kadakuada ti naan-anay a panagraem, saan laeng a kadagiti naasi ken mannakaawat, ngem uray pay kadagiti nauyong. Gungunnaannakayto ti Dios no ituredyo ti saem ti saan a tumutop a panagsagaba, ta ammoyo ti pagayatanna. Ania ngamin ti nagungunayo no ituredyo ti dusa a tumutop iti naaramidyo a dakes? Ngem bendisionannakayto ti Dios gapu iti panagibturyo iti panagsagaba idinto a naimbag ti aramidyo. Ta daytoy ti nangayaban ti Dios kadakayo agsipud ta nagsagaba  ni Cristo gapu kadakayo ket nangibati iti pagulidanan tapno surotenyo ti tugotna. Saan a nagbasol. awan ti siasinoman  a nakangngeg kenkuana a nagsao iti ulbod. Idi nalalais, saan a nanglais. Idi nagsagaba, saan a namutbuteng. Nagtalek ketdi iti Dios a nangukom a sililinteg. Inawit ni Cristo iti mismo a bagina dagiti basoltayo idiay krus tapno mataytayo iti basol ket agbiagtayo iti kinalinteg. Ta babaen dagiti sugatna, naagasankayo. Idi, kaskayo la karnero a nayaw-awan; ngem ita, naisublikayo a sumurot iti Pastor ken Agaywan kadagiti kararuayo.

1 Pedro 3: 1-7
Dagiti Naasawan a Babbai ken Lallaki
-Dakayo a babbai a naasawaan, masapul a paiturayankayo kadagiti assawayo tapno iti panagbiagyo, maguyugoyyonto a mamati dagiti saan a mamati kadakuada iti sao ti Dios uray no dikay agsao. Ngamin makitadanto ti kinasingpet ken kinatakneng ti panagbiagyo. Saan koma nga artipisial ti pintasyo babaen iti nalabes a panangistimar iti buok, panagaramat iti alahas ken iti aglablabes a panagkawkawesyo. Ngem buklen koma ketdi ti pintasyo ti kinapintas ti panagpuspusyo, ti di agkupas a pintas ti kinaemma ken kinatalna ti espiritu. Daytoy ti kapapatgan a kinapintas iti imatang ti Dios. Kastoy ti panagpapintas dagiti relihiosa a babbai idi un-unana: nagtalekda iti Dios ket pinaturayanda kadagiti assawada. Kasta idi ni Sara; nagtulnog ken ni Abraham ket inawaganna iti apona. Dakayo ita dagiti annak ni Sara no agaramidkayo iti naimbag ken saankayo nga agbuteng iti uray ania.

Kasta met kadakayo a lallaki a naasawaan. Iti pannakitiponyo kadagiti assawayo, masapul a bigbigenyo a nakapkapsutda ngem dakayo. daytoy ti gapuna a masapul nga agraemkayo kadakuada, agsipud ta makipagtawidda kadakayo iti biag a sagut ti Dios. Aramidenyo daytoy tapno awan ti makalapped kadagiti kararagyo.

Salmo 119: 49-64
Proverbio 28: 12-13