Maikkat ti Basol gapu iti Panangidaton ni Cristo iti Bagina

Nasantoan a Mabasa:
Nobiembre 4-10, 2013

Nobiembre 4, 2013 [Lunes]
Maika-308 iti 365 nga Aldaw ti Tawen
Ezekiel 10
Ezekiel 11
Hebreo 6
Salmo 105: 16-36
Proverbio 27: 1-2

Nobiembre 5, 2013 [Martes]
Maika-309 iti 365 nga Aldaw ti Tawen
Ezekiel 12
Ezekiel 13
Ezekiel 14: 1-11
Hebreo 7: 1-17
Salmo 105: 37-45
Proverbio 27: 3

Nobiembre 6, 2013 [Mierkules]
Maika-310 iti 365 nga Aldaw ti Tawen
Ezekiel 14: 12-23
Ezekiel 15
Ezekiel 16: 1-41
Hebreo 7: 18-28
Salmo 106: 1-12
Proverbio 27: 4-6

Nobiembre 7, 2013 [Huebes]
Maika- 311 iti 365 nga Aldaw ti Tawen
Ezekiel 16: 42-63
Ezekiel 17
Hebreo 8
Salmo 106: 13-31
Proverbio 27: 7-9

Nobiembre 8, 2013 [Biernes]
Maika-312 iti 365 nga Aldaw ti Tawen
Ezekiel 18
Ezekiel 19
Hebreo 9: 1-10
Salmo 106: 32-48
Proverbio 27: 10

Nobiembre 9, 2013 [Sabado]
Maika-313 iti 365 nga Aldaw ti Tawen
Ezekiel 20
Hebreo 9: 11-28
Salmo 107: 1-43
Proverbio 27: 11

Nasantoan a Mabasa Ita nga Aldaw, Nobiembre 10, 2013 [Domingo]
Maika-314 iti 365 nga Aldaw ti Tawen
Ezekiel 21
Ezekiel 22
Hebreo 10: 1-17

[Nabulod laeng ti ladawan a naaramat]

Maikkat ti Basol gapu iti Panangidaton ni Cristo iti Bagina
-Saan a naan-anay ti Linteg dagiti Judio; saan met nga umisu a pagtuladan dagiti napaypayso a bambanag. Anniniwan laeng dagiti naimbag a banag nga umayto. Tinawen a maidaton ti isu met aleng a kita ti daton. Ni kaanonaman saan a kabaelan ti Linteg a pagbalinen a naan-anay dagiti tattao nga umasideg iti Dios babaen dagitoy a daton. Ta no agpayso a maugasan ti basol dagiti agdaydayaw iti Dios, awan koma ti riknada a nakabasol, ket agsardengda metten nga agidaton. Nupay kasta, tinawen nga ipalagip dagitoy a daton ti basol dagiti tattao. Ta ni kaanoman saan a kabaelan ti dara dagiti baka ken kalding nga ikkaten ti basol.

Daytoy ti gapuna nga iti iyaay ni Cristo ditoy lubong, kunana iti Dios:

"Dimo tarigagayan dagiti sakrifisio ken daton,
ngem insaganaannak iti maysa a bagi.
Dika maay-ayo kadagiti daton a mapuoran iti altar,
ken dagiti daton a mangikkat kadagiti basol.
Iti kasta, kinunak, 'Adtoyak, O Dios, a mangaramid iti pagayatam,
Kas naisurat iti maipapan kaniak iti libro ti Linteg.'"

Umuna, knana, "Dimo tarigagayan ken dika maay-ayo kadagiti daton wenno animal a mapuoran iti altar ken kadagiti daton a mangikkat kadagiti basol." Kunana daytoy nupay maidaton amin dagitoy kas mayannurot iti Linteg. Kalpasanna, kunana, "Adtoyak, O Dios, a mangaramid iti pagayatam." Iti kasta, waswasen ti Dios dagiti immuna a daton  ket insukatna ti pannakaidaton ni Cristo! Agsipud ta inaramid ni Jesu-Cristo ti pagayatan ti Dios, mapasantotayo babaen ti namimpinsan a panangidatonna iti bagina met laeng.

Inaldaw nga agserbi a sitatakder ti tunggal padi a Judio ket mamin-adu nga idatonna dagiti isu met laeng a daton. Ngem saan a pulos kabaelan dagitoy a daton nga ikkaten dagiti basol. Nupay kasta, indaton ni Cristo ti maymaysa a daton a maipaay iti agnanayon gapu kadagiti basol, ket kalpasanna, nagtugaw iti makannawan iti Dios. Agur-uray ita sadiay a maparmek ti Dios dagiti kabusorna. Ngarud, babaen ti maymaysa a daton, pinagbalinna a naan-anay iti amin a tiempo dagiti mapasanto. Paneknekan met daytoy kadakayo ti espiritu Santo. Umuna, kunana:

"Daytoy ti tulag a pakitulagko kadakuada,
kadagiti masakbayan nga aldaw, kuna ti Apo:
Ikabilkonto dagiti linlintegko kadagiti puspusoda,
Ket isuratkonto dagitoy kadagiti pampanunotda."

Kunana pay, "Diakto lagipen dagiti basbasol ken kinadakesda." Ngarud, no napakawanen dagitoy,  saanen a masapul ti daton a mangikkat iti basol.

Salmo 108: 1-13
Proverbio 27: 12