Dagiti Dua a Narungsot nga Animal

[Nabulod laeng ti ladawan a naaramat]

Nasantoan a Mabasa:
Disiembre 16-22, 2013

Disiembre 16, 2013 [Lunes]
Maika-350 iti 365 nga Aldaw ti Tawen
Micah 5
Micah 6
Micah 7
Paltiing 7
Salmo 135: 1-21
Proverbio 30: 5-6

Disiembre 17, 2013 [Martes]
Maika-351 iti 365 Nga Aldaw ti Tawen
Nahum 1
Nahum 2
Nahum 3
Paltiing 8
Salmo 136: 1-26
Proverbio 30: 7-9

Disiembre 18, 2013 [Mierkules]
Maika-352 iti 365 nga Aldaw ti Tawen
Habakkuk 1
Habakkuk 2
Habakkuk 3
Paltiing 9
Salmo 137: 1-9
Proverbio 30: 10

Disiembre 19, 2013 [Huebes]
Maika-353 iti 365 nga Aldaw ti Tawen
Zephaniah 1
Zephaniah 2
Zephaniah 3
Paltiing 10
Salmo 138: 1-8
Proverbio 30: 11-14

Disiembre 20, 2013 [Biernes]
Maika-354 iti 365 nga Aldaw ti Tawen
Haggai 1
Haggai 2
Paltiing 11
Salmo 139: 1-24
Proverbio 30: 15-16

Disiembre 21, 2013 [Sabado]
Maika-355 iti 365 nga Aldaw ti Tawen
Zechariah 1
Paltiing 12
Salmo 140: 1-13
Proverbio 30: 17

Nasantoan a Mabasa Ita nga Aldaw, Disiembre 22, 2013
Maika-356 iti 365 nga Aldaw ti Tawen
Zechariah 2
Zechariah 3
Paltiing 13

Dagiti Dua a Narungsot nga Animal
-Kalpasanna, nakitak ti maysa a narungsot nga animal a tumtumpuar iti baybay. Pito ti ulona ket adda sangapulo a sarana. Nagkorona ti tunggal sara ket adda naisurat a dakes a nagan iti tunggal ulo. Kasla leopardo ti nakital nga anima, kasla agsaksaka nga oso, ket kasla agngiwngiwat a leon. Inted kenkuana ti dragon ti bukodna a pannakabalin, ti trono ken ti naindaklan a turayna. Nasugat ti maysa nga ulo ti narungsot nga animal. Nagistayanna impatay daytoy ngem immimbag met laeng. Gapu iti daytoy,  nagsiddaaw ti intero a daga ket simmurot iti narungsot nga animal. Nagdaydayaw dagiti amin a tattao iti dragon gapu ta intedna ti turayna iti narungsot nga animal. Nagdaydayawda met iti narungsot nga animal. "Siasino ti kas iti narungsot nga animal?" kinunada. "Siasino ti makabalin a makirupak kenkuana?"

Napalubosan ti narungsot nga animal nga agsalawasaw ken agsao iti maibusor iti Dios. Napalubosan nga agturay iti uneg ti uppat a pulo ket dua a bulan. Rinugianna a linais ti Dios, ti nagan ken pagnaedan ti Dios ken dagiti amin nga agnaed sadi langit. Napalubosan a manggubat ken mangparmek kadagiti tattao ti Dios, ket naikkan iti kalinteganna a mangituray iti amin a tribu, nasion, pagsasao ken puli. Agdaydayawto kenkuana dagiti amin a tao ditoy daga, malaksid dagiti naisurat ti nagan iti libro dagiti sibibiag nga adda iti ikut ti napapatay a Kordero sakbay ti pannakaparsua ti lubong.

"Dumngeg ngarud ti siasinoman nga adda pannakaawatna! Sisinoman a nairanta a maipanaw a kas balud, maipanawto. Ti nairanta a mapapatay iti kampilan, mapapatayto iti kampilan. Daytoy ti pakasapulan iti panagibtur ken pammati iti biang dagiti tattao ti Dios."

Nakakitaak manen iti sabali a narungsot nga animal a rimmuar iti daga. Dua ti sarana a kasla sara ti karnero, ngem kasla agsasao a dragon. Inaramatna ti amin a turay ti immuna a narungsot nga animal. Pinilina ti daga ken dagiti amin nga agnanaed ditoy nga agdayawda iti immuna a narungsot nga animal a naimbaganen ti sugatna a dandanina impatay. Nagiparanag kadagiti nakakaskasdaaw a milagro ti maikadua a narungsot nga animal. Pinagtinnagna ditoy daga ti apuy a naggapu sadi langit iti imatang dagiti amin a tattao. 
Inallilawna dagiti amin a tattao nga agnanaed ditoy daga babaen dagiti milagro a naipalubos nga iparangna iti imatang ti umuna a narungsot nga animal. Imbaga ti narungsot nga animal kadagiti tattao ditoy lubong a mangaramidda iti ladawan a pammadayaw iti narungsot nga animal a nasugat iti kampilan ngem nagbiag. Napalubosan ti maikadua a narungsot nga animal a mangted biag  iti ladawan ti immuna, tapno makasao ken mabalinna a patayen dagiti amin a saan nga agdaydayaw kenkuana. Pinilit ti narungsot nga animal dagiti amin a tattao, nanumo ken natan-ok, nabaknang ken napanglaw, tagabu ken siwawayawaya, a mamarkaan iti makannawan nga ima wenno iti mugingda. Awan ti siasinoman a makapaglako wenno makapaggatang malaksid no naimarka kenkuana ti nagan ti narungsot nga animal wenno ti numero a kaibatogan ti naganna.

Dayto ti pakasapulan ti kinasirib. Siasinoman a masirib mapattapattana ti kaipapanan ti numero ti narungsot nga animal agsipud ta ti numero ipakdaarna ti nagan ti maysa a tao- 666 ti numerona.


Salmo 141: 1-10
Proverbio 30: 18-20