 |
| [Nabulod laeng ti ladawan a naaramat iti daniw] |
Adda Oras Ti Amin a Banag
ni Rudy Ram. Rumbaoa
Agkaradap ti panawen
kasla ubing
nga agsursuro a magna,
adda orasna a magna
oras nga agsursuro.
Ken magna.
Adda met oras nga agmula
oras ti panagturog
oras ti panagdakkel
oras ti panagani.
Adda oras ti ayat
oras ti panagsikog
oras ti pammati
oras tapno mamati.
Adda oras ti panagtalek
oras ti panagsangit
oras nga ipapanaw
adda met oras iti ipapatay...
No comments:
Post a Comment