Dungdungngoek Nga Ina [Ken ni Adelindes]

[Ni Adelindes Ramos Rumbaoa]

Dungdungngoek Nga Ina
[Ken ni Adelindes]
ni Rudy Ram. Rumbaoa
-dagiti koleksion a daniw, sarita, kanta, ken dadduma pay


Nupay saan a sika ti nangborda
Iti pagan-anay ti maysa a santa
Ngem ti apros dagiti imam, nagtaengka
Iti pagtaengan a maibilang a kukuam. 
Saanka met a nagsurat kadagiti daniw
A mangkritikar kadagiti galad ken arte,

Ngem nanumo dagiti sirmatam 
Ket iti pusom nakipagbiagda kenka.
Nangruna a saanka a nangyukit

Wenno nagdisenio kadagiti marmol, 
Ngem Sika ti kalaingan nga eskultor
A nangsukog kinataok nga adda ita kaniak.

Awan binangonmo kadagiti establisimiento 
A daydayawen koma dagiti tao iti naglabas
A tiempo- ngem ti pintas, ti garaw ken linglingay

Nga impakitam, asidegka iti sidong ti Dios. 
Adda man kaniak ti sagut ni Santa Claus
Wenno inted a pakalaglagipak dagiti kakabsatko-

Siakto latta ti siak a nanumo a bunga ti ayan-ayat
Ket ti laeng dungdungngoek nga Ina ti ipangrunak!


[copyright.by.rudy.ram.rumbaoa]