[Nabulod laeng ti ladawan a naaramat] |
Perfekto iti amin a kinaperfekto ti Dios
Ta kalikagumanna ti perfekto a hustisia;
Saanna nga impalubos nga itarayantayo
Ti basol, ngem ginundawayantay' ketdi
Ti sagutna tapno nawayatayo
Nga agsalungasing: Gapu daytoy,
Nagserra ti ridaw ti langit; ditay' makastrek.
Kasapulan a maibukbok ti dara
A mangungas kadagiti basbasol: sakrifisio-
Ken pagbabawian dagiti di maikanatad
Nga aramid, ta uray napnot' Dios iti ir-iruken,
Inay-ayatnatayo;
Imbaonnat' bugbugtong nga Anakna.
Ipalagip ti Biernes Santo ti pannakapasag
Ni Jesus iti kros- awanan mulit, ket tapno
Maugasan ti lubong iti basol, impaayna
Ti bagina kas daton tapno idiay Paraiso,
Makipagbiagtayo Kenkuana.
Iti bigat ti umuna nga aldaw, nagsubli;
Pinarmekna ti Patay ket bimmangon iti nakaitanemanna,
Awanen ti bangkay.
Paskua ti panagungar: biag nga agnanayon;
Nawayawayaaan ti lubong iti basol,
Makipagbiagtayo Kenkuana iti gloria!
Paskua ti Panagungar: Biag nga Agnanayon
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
wwwtaraontibiag.blogspot.com/www.samiwengkenayatnirudy.blogspot.com
No comments:
Post a Comment