[Nabulod ti ladawan a naaramat]
Sika ti paggapuan ti biag ti pigsa ti aramid ti tiempo ken amin a darikmat.
Impariknam kaniak-- ditoy pusok ti ayat tapno punuenna ti nakarasan a namnama.
Imbus-oymo ti raya ti init a lawaganna dagiti matak tapno makitak, maimutektekak ti pudno a kaipapanan ti biag
ket dimo impalubos a sibbarotennak ti pumaypayapay a sulisog tapno agkurno iti aramid ti naindagaan a mabalin a pakailaw-anak.
Wen, Sika, O Apo, ti ubbog ti biag a pagubbogan ken paggapuan ti amin-- ti biag a pakasarakak ti pudno a ragsak...
Kenka ti ayat!
UBBOG TI BIAG
Rudy Ram. Rumbaoa Dagiti Koleksion a Daniw, Sarita, Kanta ken Dadduma Pay wwwtaraontibiag.blogspot.com/ www.samiwengkenayatnirudy.blogspot.com copyright.2oo8
|
No comments:
Post a Comment