No lagipek dagiti aldaw a naglabas, iti panunotko makitak dagiti biddut a naaramidak; ngem diak mangbangon iti artifekto ti awanan-bugas wenno kawaw a tabernakulo dagiti didiosen.
Ket ti panangtaliawko't nalikudak, kas da la basura iti agdama a mangnayon ken mangdegdeg ti bukodko a ladingit.
Bayat iti panangbistayko ti bukod a panagbabawi, namnamaek met a kailiwkot' napabaro a bigat isu nga aramatek daytoy a leksion a pakaadalak tapno ti daan a nagbiddutan saanda a pagbutngan agbalinda ketdi a pagpangalan a mangisuro kaniak tapno ti kasta agnanayon a kitaek ti adda't masangngoanak.
Ti Dios ti agnanayon a sarikdekdekko ken Isu met mangiwanwan t unggal panagaksawko ket agtalekak Kenkuana a sipupudno.
AGTALEKAK KENKUANA [A SIPUPUDNO] Rudy Ram. Rumbaoa Dagiti Koleksion a Daniw, Sarita, Kanta ken Dadduma Pay wwwtaraontibiag.blogspot.com [CR.1.2o12] |
No comments:
Post a Comment