 |
| [Nabulod ti ladawan a naaramat] |
Narangrang lawag ti init
Iti pusok ita nga aldaw gapu ta
Isu bayabayennat' pannagnak,
Pinunnonat' kinangayed-kinamaris
Panagbiagko, babaen Kenkuana,
Nawayawayaan kararuak iti basol.
No aglasat sipnget iti sangnguanak
Tapno lengdanna raya ti lawag,
Subliak a mangpanunot bendision
A naawatko ket ibayog ti pusok
Ti agdaydayaw Kenkuana.
Uray pay dagiti karirigatan a paset
Ti panagbiagko agtalinaedto latta
Nga agnanayon ti bendisionna,
Uray pay aniat’ mapasamak iti pagnaak
Idaydayawkot’ Dios, gaput’ panagayatna.
Inkarina nga adda sadiay iti agnanayon
Tapno liwliwaenna ti riknak a malmalday,
Anian a pateg inna panangigaga
Ti kadakkelan a rag-o a mariknak ita!
Isut’ silaw a manglawag ti lubongko
Nupay saan a maris-asul tangatangko
Ken uray pay ti kasisipngetan nga aldaw
Agtalinaed a sumirip kinarangrangna!
TI LAWAG
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
wwwtaraontibiag.blogspot.com
No comments:
Post a Comment