[Nabulod ti ladawan a naaramat]
Diak ammo no ania ti iyeg no bigat: mabalin nga agsangitak, mabalin nga agkantaak. Mabalin a mabatiak nga agmaymaysa a kas iti nataengan a babai, wenno kas iti duog a bato. Mabalin a tagikuaen ti nadawel a bagyo ti dagak, wenno mabalin a mariknak nga ipataw ti Dios ti panangukomna.
Ngem no agtalekak nga Isu adda kaniak ket ibaonna dagiti anghelesna a diak makita ket salaknibandak, adda pammatik a parmekek amin a kabusorko.
Wen, diak ammo no ania ti iyeg no bigat: mabalin nga agsangitak, mabalin nga agkantaak ngem no ti Dios a diak makita adda laeng iti sibayko-- abakek amin a gubat iti sadino man a papanak.
PAMMATI Rudy Ram. Rumbaoa Dagiti Koleksion a Daniw, Sarita, Kanta ken Dadduma Pay wwwtaraontibiag.blogspot.com [cr]o8.2o11
|
No comments:
Post a Comment