Liwliwa

[Nabulod ti ladawan a naaramat]



Ti Dios napudno a kadua
iti kinaulimek, iti panagkararag;
kanayon nga adda sadiay
a dumngeg ken makipagrikna

Ti kaaddana patalgedanna
dagiti amin nga agsagaba
iti nalaus a ladingit 
ket ti saranay, kappia
itedna kenka't gin-awa

No italek ti kararua iti Dios
marikna ti naan-anay nga inana,
sadiay masarakan kappia ken ayat;
sadiay masarakan kinatalged

Awan patinggat' panagayat ti Dios
padapada iti saad, nangato wenno nababa;
uray pay kasanot' kinadaksanggasat iti biag
ti Dios isut' liwliwa, kalasag ken pigsa.



LIWLIWA
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
wwwtaraontibiag.blogspot.com
[cr] o6.2o11