[Nabulod ti ladawan a naaramat]
Iti nasipnget a dalan ti biag adda lawag a nangsilnag kaniak, nakitak ti naayat, ti manangipateg a Hesus nga agturong kaniak
Apay a kalikagumanna unay ti ad-adu pay a makitak? Ngamin, adun a gundaway a tinallikudak Isuna ngem uray maysa a dawatko, dinak pinaay
Napnoak iti ayat ken panagyaman uray diak makita ammok nga Isut' nangasibay kaniak ket idalannak umno a pagnaak uray pay kadagiti rabii
ti naliday a panagsagabak
Nupay adda kinakawaw ti biag iti naglabas, mariknak a nabukelak manen manipud iti ayat ti mamakawan a Hesus-- nasarakak dalan nga agturong Kenkuana.
NABUKELAK MANEN Rudy Ram. Rumbaoa Dagiti Koleksion a Daniw, Sarita, Kanta ken Dadduma Pay wwwtaraontibiag.blogspot.com [cr] o7.2o11
|
No comments:
Post a Comment