Ti Umay a Lubong

[Nabulod ti ladawan a naaramat]


O Apo, asino ti makaaramid iti daytoy?
Ta Sika ti makaipasdek ti amin
Babaen ti nagloriaan a tronom
Iti lugar nga agtakder ken agtamed 
Amin a kararua, dagiti sasanto, 
Ket sadiay ti pagtaengan
Dagiti nadalus ti aramidna;
Sadiay maibaga ti tampong ti biag.

Aguray ditoy dagiti nabannog
Ken aglulusiaw tapno awatenda ti pigsa,
Ngem aginana dagiti mapaay
A makaawat iti baro a kinakired;
Isuda ti annak ti Dios nga aginana--
Adda ditoy ti ragsak nga awan
Patingga ken limitasionna
Ta daytoy ti lubong nga umay.

Ditoy mayarig a pagpunduan
Ken lugar a pakakitaan kadagiti kararua
No sadino a daytoy ti pagsarmingan
Dagiti nagserbi a babbai,
Makita ken tenglen ida ti Apo.

Iti palasio ti Ari, agindegda sadiay
Ket makisango iti lamisaan ti Apo
Ken ti nagloriaan a kinasirib ti Dios,
Itedna kadakuada ti nakain-inaka
A kinalasbang. Daytoy ti paginanaan
Ken tawid ti agaramid iti kinaimbag--
Awan pagpatinggaanna, ta kas ti daga
Nga agayus iti gatas ken diro
Ken prutas a mangtaraon iti kararua.



TI UMAY A LUBONG
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
wwwtaraontibiag.blogspot.com
[cr/rrr]11.2o12