[Nabulod ti ladawan a naaramat] |
No dadduma
ipannatayo ti Dios
iti maysa a situasion
a ditay' ammot'
mapasamak,
wenno iti lugar a ditay' pay
napanan; ket mangrugitayo
nga agsiddaaw no daytoy
ket paset ti planona.
Ket no dadduma,
masapul a masaktantayo
tapno masursuro
ken lumawa ti pannakaawattayo-
ti agbalin a manakem
ken naimbag a parsua
ket rumbeng a liklikan
dagiti lugar
a mangirisgo ti kararuatayo.
Pagngata-ngataan
ti biag no maminsan,
ket ti dana a pagturongan
kasla awan pagpatinggaan.
Ngem ti Dios
iti amin a kinasiribna,
ipaayna ti pagsayaatan
dagiti tattaona;
ket ti himno a pagdaydayaw...
kayatna nga ikantatayo ti panagayatna.
KAYATNA NGA IKANTATAYO TI PANAGAYATNA
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
wwwtaraontibiag.blogspot.com
[CR/RRR.Maui.02.2oo7]
No comments:
Post a Comment