 |
| [Nabulod ti ladawan a naaramat] |
Mamati iti bukod a kabaelan
Iti puso magna a situtured,
Pukawen amin a duadua-panagbuteng
Ti manginanama nga ima mariknamto
Ti dungngo saranayennaka ti Dios.
Iti kanito nga umay ti pannakapaay
Dimo tallikudan pannubok sarangtem-labanan,
Ket no ti pammati addaan naan-anay a pigsa
Maragpat ti tarigagay ken arapaap.
Mamati iti bukod a kabaelan
Uray pay no sallukobannakat' sipnget
Rumaip iti kamaudianan-mabirokan
Ti init a manglawag iti talaytayen a dana.
MAMATI
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
wwwtaraontibiag.blogspot.com
[CR/RRR.Maui.o1.2o12
No comments:
Post a Comment