Awan Nalinteg a Tao-- Roma [Rome] 3: 9-2o

[Nabulod ti ladawan a naaramat]

Awan Nalinteg a Tao
[Roma/Rome 3: 9-2o]

-Ania ngarud, nasaysayaat kadi ti kasasaad dagiti Judio ngem dagiti saan a Judio? Saan! Naipakitakon nga agpadpada nga iturayan ti basol dagiti Judion ken dagiti saan a Judio. Kas kuna ti Nasantoan a Surat:

   "Awan ti uray maysa a nalinteg a tao,
    Awan ti uray maysa a makaawat,
    Wenno mangbirok iti Dios.
    Dagiti amin a tao pinanawanda ti Dios,
    Nagbalindsa amin a dakes.
    Awan ti uray maysa nga agaramid iti naimbag.
    Kasla tanem a silulukat ti ngiwatda,
    Agkakadakes a kinaulbod ti baliksen dagiti dilada,
    Ken makapatay a sao a kasla gita ti uleg ti yebkas dagiti bibigda;
    Napno iti napait a lunod dagiti ngiwatda.
    Sidadaanda a mangdangran ken mangpapatay;
    Iti sadino man a papananda, ti pannakadadael ken ti kinaay-ay-ay ibatida.
    Dida a pulos ti dalan ti kappia,
    Dida met nasursuro ti agbuteng iti Dios."

Ita, ammotayo a ti amin a linaon ti Linteg agpaay kadagiti agbibiag iti babaen ti Linteg. Iti kasta, sumardeng ti amin a pambar ti amin a tao ket yegna ti intero a lubong iti babaen ti panangukom ti Dios. Ta awan ti tao a mapalinteg iti imatang ti Dios babaen ti panangtungpalna ti Linteg. Agserbi ti LInteg a mangipakaammo a nakabasol ti tao.