[Nabulod ti ladawan a naaramat]
Kaarigkot' pitak naigamer iti babak basol a namulagatak lunod a nagtaudak,
ngem agbabawiak no rebbeng nga agpakawanak iti biddut a naaramidak gapu ta Sika ti Apo-- ti pagbiagak.
Nawaw ken nabisinanak impaaymot' biag a taraon ti kararuak, nalaus a pakapnekak ta linemmesnak iti ayat!
Bulsekak, bulsekak, ngem linuktam ti matak.
Nayaw-awanak, ngem kinibinnak inturongmot' pagnaak.
Naidalebak, negm tinulongannak a bimmangon-sinakroynak.
Nasugatanak, ngem inagasannak.
Natnagak, ngem sinippawnak...
Kenka, O Apo, Sika ti pigsak-- ti kamangak ken pagbiagak!
Napili a Daniw Ita a Lawas SIKAT' PIGSAK, TI PAGBIAGAK Rudy Ram. Rumbaoa Dagiti Napili a Daniw, Sarita, Kanta ken Dadduma Pay wwwtaraontibiag.blogspot.com [CR/RRR.Maui.11.2oo8] |
No comments:
Post a Comment