Umuna a Surat ni San Pablo kadagiti taga-Corinto
14: 1-17
 |
| [Nabulod ti ladawan a naaramat] |
Dagiti Sabali a Pagsasao ken Panangasaba
TI ayat ngarud ti tarigagayanyo. Tarigagayanyo dagiti naespirituan a sagut, nangruna ti pannakabalin a mangasaba iti mensahe ti Dios. Ti agsao iti sabali a pagsasao, saan a dagiti tattao ti kasasao no di ket ti Dios ta awan ti makaawat kenkuana; agsarsarita kadagiti misterio babaen ti pannakabalin ti Espiritu. Ngem ti mangikasaba iti mensahe ti Dios, kasasaona dagiti tattao ket papigsaen, bagbagaan ken liwliwaenna ida. Ti tao nga agsao iti sabali a pagsasao, ti la bagina ti tulonganna. Ngem ti agsao iti mensahe ti Dios, tulonganna ti intero nga iglesia.
Kayatko a makasaokayo iti sabali a pagsasao, ngem kaykayatko a maaddaankayo iti pannakabalin a mangikasaba iti mensahe ti Dios ngem ti agsao iti sabali a pagsasao- malaksid no adda naitallaong a makailawlawag iti kayatna a sawen tapno matulongan ti intero nga iglesia. Kas pangarigan umayak kadakayo, kakabsatko, ania ti pagimbagan a maitedko kadakayo no agsaoak iti sabali a pagsasao? Awan! Wen, awan, malaksid no agsaoak iti paltiing ti Dios wenno pannakaammo wenno mensahe wenno dadduma a panursuro.
Uray dagiti awan biagna a pagtokaran, a kas iti flauta ken arpa, kasano nga adda makaammo iti matoktokar a musika no di nalawag ti pannakatoktokarna? No di nalawag ti pannakapuyot ti trumpeta, siasino ti agsagana a makigubat?
Kasta met kadakayo, kasano nga adda makaawat iti sasawenyo no saan a matarusan ti sarsaritaenyo iti sabali a pagsasao? Agpukaw a kas asuk dagiti balikasyo. Adu ken agduduma dagiti pagsasao iti lubong, ngem adda kaipapanan ti tunggal maysa. Ngem no diak ammo ti pagsasao a maar-aramat, gangannaet kaniak ti mangus-usar iti daytoy, ket gangannaet met kenkuana. Gapu ta aggagarkayo a maaddaan kadagiti sagut ti Espiritu, ipangpangrunatayo ngarud nga aramaten dagiti sagut a makatulong iti panagrang-ay ti iglesia.
Ngarud, ti tao nga agsao iti sabali a pagsasao, nasken nga agkararag wenno mapaburan iti pannakabalin a mangilawlawag iti kayatna a sawen. Ta no agkararagak iti sabali a pagsasao, pudno nga agkararag met espirituk, ngem saan a maitunos iti panunotko. Ania ngarud ti aramidek? Agkararagak a buyogan ti espirituk ken panunotko. Agkantaak a buyogan ti espirituk ken panunotko. No agyamanka iti Dios babaen ti espiritu laeng, kasano a sumungbat ti "Amen" ti kadawyan a tao a makigimgimong kadakayo iti kararag ti panagyaman no dina maawatan ti sasawem? Uray no napintas ti kararagmo nga agyaman iti Dios, pulos a saan a matulongan dayta a tao.
Salmo 37:12-29
Proverbs 21:25-26
wwwtaraontibiag.blogspot.com
No comments:
Post a Comment