Diak ammo no ania
ti 'yeg no bigat:
mabalin nga agsangitak,
mabalin nga agkantaak.
Mabalin a mabatiak
a kas ti nataengan a babai,
wenno kas iti duog a bato.
Mabalin a tagikuaen ti nadawel
a bagyo ti dagak, wenno
mabalin a mariknak nga ipataw
ti Dios ti panangukomna.
Ngem no agtalekak nga Isu
adda kaniak ket ibaonna
dagiti anghelesna a diak makita
ket salaknibandak, adda
pammatik a maparmekko
amin a kabusorko.
Wen, diak ammo no ania
ti 'yeg no bigat:
mabalin nga agsangitak,
mabalin nga agkantaak
ngem no ti Dios a diak makita
adda laeng iti sibayko--
abakek amin a gubat
iti sadino a papanak.
.
.
.
.
.
PAMMATI
Rudy Ram. Rumbaoa
wwwtaraontibiag.blogspot.com
[nabulod ti ladawan a nausar]
No comments:
Post a Comment